درس : طريقة وضع مكياج كايلي كارداشيان مع #بربليتا / kylie jenner makeup tutorial with #purpleita

السلام عليكم :-)

كيفكم ؟ اخبار السهرانين ؟

واللي عندهم اختبارات هالفترة عسى الله يوفقكم ♥

من فترة احس اني مهملة البلوق :( .. ادري نفس المقدمة 

بس عشان اكون مرتبة واتحمس انزل وما أأجل .. 

قررت اصير كل اسبوع انزل بوست جديد مافيه يوم محدد

لأني ما ابي اربط نفسي ف يوم معين بس نقول خلاص كل

اسبوع أنتظروا بوست جديد مني وان شاءلله كلها تكون مفيدة :$

... 

بوست اليوم ف بالي من زمان , وكنت احتري الوقت اللي صدق اكون مقتنعه بكل الاشياء اللي استخدمها عشان توصلون و اوصل انا لميك اب كايلي .. خصوصا انه يعجبني الميك اب حقها <3 

صورة لها وهي حاطة الميك اب اللي راح اعرضه اليوم :

منزله هالصورة ف حسابها في انستقرام وحتى لما بحثت عنها في قوقل لقيت هذا يعتبر السقنشر لوك حقها .. وحبيته جدا ! 

I mean who doesn't love a red lipstick <3 

وبعد راح اتكلم عن كل شي استخدمته وليه حسيته مناسب ووصلني للوك تبعها .. 

... 

أول خطوة هي البرايمر . . 

البرايمر المفضل عندي حاليا هو هالشي من سماش بوكس

هو مخصص للبشرات اللي ماهي دهنيه مرة لكن انا لاحظت فيه شي معين اللي هو : 

انا بشراتي جافة ف يكون فيها مناطق جافة وممكن يتعلق فيها كريم الاساس فهمتوا ؟ المهم هالبرايمر يخلي ملمس البشرة ناعم لدرجة انك تلاحظين الفرق لما تستخدمينه قبل كريم الاساس ! 

يعني يكون الملمس ناعم مهيء البشره للكريم الاساس وهذا يخلي الفاونديشن يدوم فترة اطول ! 

انصح فيه وخصوصا مع فاونديشن اكوا من شانيل .

كريم الاساس المفضل اللي ما استغني عنه صراحة !

خفيف وينفع للأستخدام اليومي , يعطي الوجه التغطية اللي تحتاجينها مع نضارة للوجه , مو اول مرة اتكلم عنه بس جدا انصح فيه وينفع للبشرة الدهنيه لأن اشوف كثير بشراتهم دهنيه ويستخدمونه .. 

أستخدمته لأنه يعطي فنش شبه مات ماهو مات مرة لكن مافيه لمعه مرة او ديوي , وما يغطي كل شي يعني تغطية متوسطة وهالشي واضح في ميك اب كايلي , يعني حتى النمش اللي ف خشمها طالع .. ف هالصورة هي ما استخدمت فل كوفر كريم اساس .. 

عموما الاهم انك تستخدمين كريم اساس مات او مافيه لمعه , وما يكون تغطيته كاملة .

في الصورة كايلي مغطية منقطة العين , بالنسبة لي صايرة استخدم هالكونسيلر/هايلايتر من مايبلين .. 

جميل جدا صراحة يعني تغطيته ممتازة ويعكس النور ف يضيء المنطقة اللي تحت العين , مو خفيف مرة لدرجة انه ما يسوي شي بالعكس يغطي و يفتح المنطقه !

... 

بعد ما خلصنا البشرة , من فاونيشن وكونسيلر , بإمكانك الحين انك تستخدمين بودرة , انا ما استخدم مع هالفاونيشن لأنه شبه مات وانا بشرتي جافة فما يحتاج اكتمها .. 

...

دور الكونتور و البلش 

في الصورة كايلي واضح انها ما استخدمت كثير كونتور او بلش فقط لمسة , كان التركيز على الرموش و الروج 

هنا انا استخدمت البرونزر من بورجوا , حبيب البي :$ .. 

احبه لأنه مو قوي مرة وخفيف لكن يعطيك نتيجة جميلة 

وف الصورة يالله يبان انها مستخدمة برونزر .. 

انصح في استخدام هالفرشة من سيقما :

وبعد خذي شوي من البرونزر بأصبعك ومرريه من بداية حواجبك لين عند الأنف , راح يسوي كونتور و تحديد اكثر له

بالأصبع ماراح يكون قوي مرة وراح يطلع الأنف اصغر .. 

هالشي هي مسويته بشكل بسيط .. 

البلش , حبيت استخدم التنت من بنفت . . تعطيك لون جميل جدا

ومات مافيها لمعه يعني وتدوم معك اليوم كله لو بغيتي <3 !

و وجه كايلي كله كان طبيعي جدا لأن تركيزها كله كان على عيونها ورموشها .. 

الحين ننتقل للعين 

The fun part :p

أول شي نستخدم برايمر للعين عشان يجلس معنا الشدو لأطول فترة ممكنه <3 .. 

الشدو و الحواجب راح تكون من نايكد ..

لأن حبيت استخدم شي عند اغلب البنات و عموما هي ما استخدمت الا لونين يعني لون فاتح على العين كلها 

وبعدين حددت العين بلون على رمادي عشان تعطي عنها دبث

أنصح في استخدام : Venus 

على العين كلها وبعدين Naked2 

لتخديد العين وخصوصا زاوية العين الخارجية .. 

بإمكانك استخدام فرشة ماك : 224 

هالشي سهل يعني انك تستخدمين هالفرشة لحالها يكفيك 

خصوصا انه الالوان ماهي قوية مرة وماراح تتعبين <3 

بعد كذا دور الكحل السايل هي راسمة كات اي بس بشكل بسيط 

يعني ما خلتها طويلة مرة بشكل بسيط .. 

انا هنا استخدمت هالجل من مايبلين لأنه سهل الاستخدام 

وبعد نصيحة للمبتدئات في رسم الكات اي انك تستخدمين شدو 

مات بني او اسود بعدين ترجعين ترسمين عليه بالكحل السايل او الجل .. 

بعد كذا نحط كحل وسط العين كلها حتى الزاوية الداخلية 

او مقلة العين خخخخخخ 

الكحل هذا من سان لوران احبه جدا يجلس معك طول اليوم

وما يسيح واسوود <33 .. اتوقع هالحركة سهله 

لكن لما نحط الكحل في خط العين السفلي 

نسوي زي النقط قريبة جدددا من رموشنا اللي تحت 

لأن هذا راح يعطي انبطاع او شكل ان عندك رموش تحتيه كثيرة واعتقد ان كايلي مسوية هالحركة 

أخر شي الماسكارا .. 

نكثر في وضع الماسكا الرموش التحتيه و الفوقية 

وبعد لو كنتي طالعة لزواج او مناسبة بإمكانك تركبين رموش 

لكن اعتقد انه ذا فولسيز تعطي الكثافة وخصوصا على الرموش اللي تحت نحط ماسكار 

أخر خطوة والخطوة الفاتنة في اللوك كله هو الروج :"" ! 

اخترت هالروج المات من ماك , لان عقب اخر بوست عن الارواج اتوقع صرتوا عارفين اني احب واعشق ارواج ماك المات <33 ! 

هالروج من ماك اسمه : Russian Red

عشق عشق اذا تبحثين عن الروج الأحمر المثالي انصحك فيه

وحتى ابحثي عنه من أجمل الارواج بالنسبة لي !

تعرفين اللي لين حطيتيه يبيض اسنانك وراح يجلس معك طول السهره <3 ! 

اعتقد انه الروج الاحمر شي تحتاجه كل بنت يكون في مجموعتها..

وبكذا نكون خلصنا :-) 

ان شاءلله يكون هالبوست اعجبكم وان شاءلله لما تجربونه

يكون قريب من الميك اب اللي حاطته كايلي 

انا اعتبره اللوك كلاسيك يعني ميك اب بسيط 

لكن رموش كثيفه و روج احمر .. 

ولا تنسون كل اسبوع راح يكون فيه بوست جديد n.n

و اخيرا لا تنسوني بالدعم من رتويت وفولو ولايك 

جد ما تعرفون ش كثر افرح لما اشوف احد يقول لي شريت هالشي لأنك مدحتيه ويصير أعجبها <3 

وبسس :$$ 

WHEN YOU KNOW ME YOU WILL LOVE ME