شرح لطريقة #بربليتا في الهايلايت و الكونتور / #Purpleuta way to highlight and contour

السلام عليكم ورحمة الله وبركاته , 

كيفكم اليوم ؟ 

حبيت أغير اليوم عن التدوينات اللي كتبتها في الفترة الاخيرة , واعطيكم طريقتي "بربليتا" 

في الكونتور و الهايلايت , خصوصا الهايلايت استمتع فيه اكثر من الكونتور .. 

وراح اشرح ايش هو الكونتور و الهايلايت بشكل عام , لأن ما يضر اني اشرحها ^^ .. 

أول شي التعريف بشكل بسيط عن الكونتور و الهايلايت .. 

الكونتور : 

هو أستخدام درجات من البودرة/كريم الاساس لاخفاء بعض المناطق في الوجه 

يستخدم لوضع ابعاد للوجه لأن عند وضع كريم الاساس في الوجه يصبح الوجه مثل الورقة البيضاء 

خالي من اي ابعاد او ملامح , عند وضع درجة اغمق من لون البشرة هذا يعطي لون وحياة للوجه.

الاماكن :

- تحت عظمة الخد ولإيجادها يتم عمل وجه السمكة اي شفط الخدود .. 

- حواف الانف لجعله اكثر دقة 

- منابت الشعر 

- وعند الفك 

الهايلايت :

هو استخدام درجات افتح من لون البشرة مائلة على اللون الوردي الفاتح

 وقد يكون فيها لمعة بسيطة لعكس الضوء , تستخدم عادة لإبراز بعض المناطق في الوجه التي تريدين ابرازها

يجعل البشرة اكثر اشراقا ويعطيها منظر "ديوي" او صحي , يعكس الاضائه من الشمس او الاضواء ليبرز المنطقه 

ويقوم بتفتيحها .. 

الاماكن : 

- اعلى الخد - عند جفن العين السفلي 

- على الانف "عظمة الانف "

- بين الحاجبين 

- عند الشفائف 

صورة للتوضيح :

الفاتح : هايلايت 

الغامق : كونتور

بعد التعريف للكل من الهايلات و الكونتور , راح اعرض لكم طريقتي فيها ^^ .. 

أول شي الكونتور :

عادة استخدم كريم اساس \ تنتد مسترايز درجته اغمق من درجة كريم الاساس اللي استخدمه 

وقوم بوضعه بمنطقة اسفل الخد على حواف الانف . وبعدين ادمجهم مع كريم الاساس 

استخدم اول كريم الاساس من ريفلون للبشرات الجافة , بس خلص :( ! احبه لأنه خفيف وماراح يتعب بشرتي 

خصوصا اذا كنت ابي برونزر مات , ولأني احب الديوي فنش احب استخدم اشياء سائلة اكثر يعني 

لأني استخدم كريم اساس غامق راح يعطي ترطيب اكثر لبشرتي ويعطيها نضارة اكثر من اني احط برونزر فيه لمعة ..

تقدرين تستخدمين برونزر عادي فوق كريم اساسك الغامق عشان يثبته + يعطيه لمعه بسيطة .. 

أنصح اذا بتجربين طريقتي تستخدمين كريم اساس خفيف نوعا عشان ما يتعب بشرتك , وتكون درجته 

اغمق من درجتك بكثير يعني درجتين وفوق اغمق .. 

بإمكانك بعد استخدام الكونسيلر حقك , انا عادة استخدم اغمق درجتين من كونسيلر ميك اب فور افر 

ادمجهم سوا ويعطيني لون جميل جدا لاهو اللي برونز مرة ولاهو اللي على عنابي مرة , لأني انا مقتنعه 

ان الكونتور مو شرط يكون شي مائل على ترابي ممكن يكون على عنابي او مشمشي غامق <3 ! 

وهالشي احب استخدمه اذا كنت حابة اطلع بالنتيجة اللي على عنابي .. 

بس ما استخدمه في كونتور الانف فقط تحت عظمة الخد <3 .. 

الهايلايت , حبيت أعرض لكم طريقتين بالكونسيلر / الهايلاتر العادي ..

اول شي الكونسيلر اللي احس اني ماراح استغني عنه ابدا هو هالقلم من مايبلين <33 !

جدا جميل وسريع و يعطيك النتيجة اللي انتي تبينها , انا اخذت ثاني افتح درجة مائلة على بنك شوي 

ما عمري استخدمته ككونسيلر لأنه فاااتح مرة أنه يكون على جفني كخافي عيوب , صرت استخدمه تحت الجفن 

او حوله مثل ماهو موضح في الصورة , لأنه قريب من الجفن وراح يعكس الاضائه وينور المنطقه بشكل جميل ..

كونه مايل على بنك هذا راح يعطي ايحاء انه فيه شوي لمعه , لأنه مو فاتح وبس لكن درجة البنك بتساعد انه 

يعكس الاضائه بشكل اجمل .. 

أعتبره ينفع للإستخدام اليومي او الطلعات البسيطة لأنه 

ماهو قوي مرة ولافيه لمعه لكن راح ينور وجهك ^^

استخدمه حول الجفن العين - على عظمة الانف 

الطريقة الثانية هي الهايلايتر من بنفت , حبيب الكل و انا من اكثر المحبين له وكثير من المشاهير يستخدمونه

هو سائل شوي بس ماهو خفيف ثقيل شوي وفيه زي اللمعه الخفيفة ولونه مايل على بنك .. 

استخدمه في المناسبات لأنه راح يعطي مفعول أقوى من حق مايبلين بسبب اللمعه اللي فيه .. 

يعطيك لمعه جميلة جدا وبعد ما تدمجينه بيديك * راح تشوفين الفرق على طول لأنه يلقط 

اي اضائه ممكن تكون واقفة على المنطقة اللي استعملتيه فيها .. 

اماكن الاستخدام مثل ماهي موضحة في الصورة فوق ..

وبس هذا تدوينة اليوم بسيطة وخفيفة

إن شاءلله تكون أعجبتكم واستفدتم منها ,

أي سؤال او اسفسار تقدرون تتواصلون معي عن طريق وسائل الاتصال 

ولو حابيني اتكلم عن موضوع معين لا تتردون ف انكم تعطوني خبر ^^ 

وويك اند سعيد ,, 

فمان الله 

WHEN YOU KNOW ME YOU WILL LOVE ME