السلام عليكم . .
كيفكم مع هالبرد اللي طب فجاة ؟
تونا نقول وين البرد ما جانا الا هو جاي <3 !
أدري ان صار لي اسبوع وزيادة ما نزلت لكن جهزت كم بوست وراح انزلها في فترات متقاربة هالفترة
كتعويض , وبعد اذا فيه شي معين حابيني اتكلم عنه <3 ؟ لا تتردون انكم تعطوني خبر ^^
اليوم البوست راح يكون مراجعة لكريم الأساس من كلنيك .
أول شي راح اعطيكم معلومات عنه من موقع كلنيك ..
الاسم : Superbalanced Makeup
السعر : 200 ريال
موقع كلنيك
تفاصيل أكثر عنه :
- كريم اساس سائل
- تغطية من متوسطة إلى كاملة
- يناسب البشرات الجافة إلى الدهنية
- كريم الاساس الذكي . كريم اساس سائل خالي من الزيوت يعطي البشرة الترطيب اللازم عند
الحاجة ويمتص الزيوت متى واين ما كانت في الوجه
- يعطيك نهاية شبه مخملية , يوازن البشرة ويتحكم بالزيوت .
رأيي في كريم الاساس ..
بصراحة انا سمعت عنه كثير في النت , وكثير ناس كانت تمدحه حتى في التعليقات في المواقع .
قررت اشتريه رغم انه اول مرة اشتري كريم اساس من كلنيك .. السعر ما اذكره لكن سالت وقالوا لي 200 ريال
مع اني احس انه كان ارخص بس ماني متأكدة , قلت يمكن وصله زيادة الاسعار خخخ "^^ ..
....
الفاونديشن حبيته جدددا , يعني انا بشرتي مثل مانتوا عارفين جافة , لكن ف الفترة الاخيرة صار عندي بعض
المسام حول منطقة الأنف , حبيت فيه انه يعطي نضارة للبشرة ما كأنك حاطة ميك اب , يندمج معك بشكل سهل
و اخفى المسام , يعني اول مرة استخدمه استخدمته بدون اي برايمر تحته حطيته هو لحال ..
حبيته لأن من اول ما حطيته شفت النتيجة ان المسام راحت , وبشرتي صارت اكثر حيوية , وما حسيت انه جففها
لكن لأني انا احب الدوي فنش مرررة , هذا شوي خلاني ما استعمله بكثرة , بس بشكل عام كريم اساس جميل جدا
وتغطيته رائعه يعني وحد لون البشرة وما حسيت بجفاف أو انه اتعب بشرتي رغم تغطيته العالية .
فيه كثير درجات وانصحك تاخذين وقتك وانتي تختارينها ..
مثل ماهو واضح ادمجه بالفرشة من سيجما اللي ما استغني عنها , للناس اللي تحب التغطية الكاملة
انصح انك تحطين طبقتين مع انه كمية بسيطة منه راح تكفي كامل الوجه ..
إيجابيات :
- يعطي تغطية شبه كاملة
- ساعد على إخفاء المسام
- يعطي نضارة وحيوية للوجه
- يدوم وقت طويل
- ما اشوفه غالي مرة لأنه بيجلس معك وقت خصوصا انه كمية بسيطة منه تكفي .
السلبيات :
- مافيه بمب " زي العصار" ما ادري وش اسمه بس انه متكلفين ف القزازة و هالشي حلو
بس ما كلفوا يحطون هذاك الشي اللي يخليني اتحكم ف الكمية اللي ابغاها من الكريم؟
....
وبس هذي المراجعة لكريم الاساس , بشكل عام حبيته
وحبيت تغطيته و طريقته في موازنة بشرتي يعني حسيت انه
حافظ على ترطيبها و ما اظهر المسام ..
وان شاءلله تكون المراجعة كافية ف انكم تعرفون كل شي تقريبا
عن الكريم ..
في النهايه لا تنسوني من دعمكم و تواصلكم معي هو اللي يخليني
استمر فعلا <3 ..
فمان الله ..
WHEN YOU KNOW ME YOU WILL LOVE ME
No comments:
Post a Comment