KENZO x H&M Haul Purpleita || KENZO x H&M مشترياتي وتغطيتي لـ

السلام عليكم بنات ، كيفكم ؟

اليوم ولو انها متاخرة لكن حبيت انزل لكم مشترياتي من تعاون

 KENZO x H&M ، وراح احكي عن تجربة التسوق بشكل عام هالسنة. لان كل سنة اتش اند ام تتعاون مع براندز كبيرة ويكون فيه ضجة اعلامية و حوسة. لكن هالسنة الحمدلله تجربة التسوق بالنسبة لي كانت جدا ممتازة ومرتبة. 

طلعت من المحل بثلاث مشتريات. التصاميم بعضها كان مره اوفر لدرجة احس صعب احنا نلبسها مكانها في الفاشن شو وبس. لكن بعضها جدا فنكي و غريبة وفيها لمسات كنزو المعروفة من التايقر و الطبعات اللي خارجة عن المألوف. وهذا اللي حبيته فيها ماهي تقليدية جدا بالعكس فيها غرابة و تقدرين تزيدين غرابتها وتكون اوفر وتقدرين تهدينها بقطع كلاسيك عندك. واذا حابين راح انزل تنسيقاتي لها القطع اللي شريت. 

السعر:١٢٩٩ريال

اول قطعه هي اكثر قطعه كنت متحمسة لها واتمنى اني احصل عليها. هي الكيمونو الشتوية حبيتها لانها ثقيلة و راح استفيد منها في موسم الشتاء و البرنت اللي فيها ملفت للعين و يخليك توقفين طبعا ممكن تكرهونها او تحبونها لكن انا حبيتها كثير. واللي حبيته اكثر هو اللوقو حق كنزو في مسكة السحاب. و الاحلى من هذا كله هو انك تقدرين تلبسينها بطريقتين مختلفات. و الطريقة الثانية اهدى و انعم من البرنت الاورنج الصارخ. 

السعر:١٧٩ريال

القطعة الثانية اخذتها من قسم الرجال خخخخخخخخ ، بالنسبة لي حبيت الشيرت حقت الرجال اكثر من القسم النسائي كانت فيها من طابع اديداس الجديد و الوسع اللي الحين دارج في السوق. و الطبعات اللي فيها مع تطريز التايقر يصرخ كنزو و تقدرين تخلينه كاجوال او رسمي بتنورة تحته. بس تداخل الالوان فيه حبيتها كثير. 

السعر:٩٩٩ريال

اخر قطعه واللي كنت جدا محتارة فيها لكن قررت في الاخير اني اخذها هو الفستان. هو زحمة البرنت و الالوان اللي فيه تخلي الواحد يتردد. لكن على اللبس و المانيكان طالع جدا جميل وفخم. وهالشي لاحظته في الملابس انها تعطي فخامه واعلى بشوي من ناحية الخامات باللي متعودين عليه من اتش اند ام. وكون بعضها شتوي يعطي ثقل اكثر. لكن الفستان جدا حبيته الكسرة اللي فيه وال flow حقه يعطي راحة. احسه ما يحتاج معه شي ثاني غير شنطة سودا وخلي الفستان يحكي عن نفسه “^^. 

الحدث نفسه:

 رحت لفرع اتش اند ام العليا الساعه ٨:٣٠ صباحا، وكان جدا مرتب و يدخلون البنات على دفعات ويلبسونك اساور بلون معين تدخلين على حسب لونك ووقتك. البنات اللي يشتغلون في المحل خدومات و يساعدونك بروح حلوة وابتسامة بشوشة. حتى التنظيم كان عند البوابة شديد فيه رجال و سكيورتي لكن الحمدلله ماكان فيه تدافع او تزاحم. القطع المميزة بسرعه تخلص. الجاكيت الكيمونو انا اخذت اخر قطعه كانت متوفرة بالرغم اني اعتبر جاية بدري. حتى القطع الحلوة من قسم الرجال خلصوها البنات خخخخخخخ. بشكل عام كانت تجربة حلوة. 

وبس اتمنى تكون التغطية و التدوينة امتعتكم، انا سويت تغطيه كاملة على سنابي وقتها

واذا حابين اشياء معينه او تنسيقات للملابس اكتبوا لي تحت 

فمان الله ♥♥♥

WHEN YOU KNOW ME YOU WILL LOVE ME