What's in my bag #بربليتا

السلام عليكم . . 

كيفكم مع الاختبارات ؟ 

الله يوفقكم جميع يارب <3 .. 

تدوينة اليوم خفيفة جدا و لطيفة خخخخخخخ 

حبيت اكتب شي خفيف لين ما اجمع كل افكار البوست اللي جالسة اشتغل عليه 

ولأني ما ابي اطول عليكم مرة نزلت هالتدوينة الخفيفة .. 

تدوينة اليوم عن الاشياء اللي ف شنطتي , وشكرا لهالتدوينة نظفت شنطتي خخخخخخخخ 

لأن كبيت كل شي فيها واكتشفت كمية فواتير مالله عليم بها خخخخخخخ 

ف شكرا لكم ^^ .. 

أول شي اقول لكم شنطتي هي من longchamp  

الشنطة اللي تاخذ كل شي ومع كذا ماهي ثقيلة على الكتب , يعني هي كلها قطعة قماش 

بس تكفي اشياء كثير مثل ما انتوا شايفين ولاهي ثقيلة يعني على الكتف "^^ .. 

أخذتها من محلهم لكن بإمكانك طلبها اونلاين فيه مواقع كثير توفرها..

مثل ماهو واضح في الصورة . . لازم لما اطلع يكون معي كتاب وهالكتاب اللي صار لي شهور اقرا فيه 

لأني مخصصته للشنطة هو Delerium وهي سلسلة مكونة من 3 كتب , أنصحكم تقرونه جدا جميل وممتع 

و الكتابة جميلة ومشوق <3 .. 

واكيد ما اطلع الا بمعقم من باث اند بودي - عطر بيور سدكشن اللي تكلمت عنه قبل في المدونة 

حبيته لأنه صغير وماراح يثقل علي الشنطة , كريم من سوب اند قلوري اللي شوي ويخلص :( ! احبه 

لأنه يعطي ترطيب عالي جدا لليدين خصوصا في فصل الشتاء <3 .. 

ولا ننسى الفازلين - ربطة للشعر " هيدباند" ومفتاح البيت :$ 

في هالصورة هي شنطة المكياج حقتي , ومن مجموعتي الخاصة وتكلمت عنها بعد قبل ف المدونة 

هنا .. تقريبا نفس الاشياء اللي هي موجودة ما اغيرها كثير الا الارواج فقط .. 

واهم شي العلك اللي ف النص خخخخخ :$ 

حاليا صايرة احب هالكومبو من الروجين - الروج مرة رخيص ولا اعرف اسمه صراحة لكن هو شبه مات 

و ثباته عالي جدا وصرت احب احط عليه هالقلوس من ريفلون مرة قلت خل اجرب احطه فوقه وحبيت النتيجة 

مررررة لدرجة انه صار اللوك اليومي حقي <3 ..

ثاني شنطة صغيره عندي هي هذي من فكتوريا سيكرت , احط فيها الربطات و الشياء الصغيره

اللي ممكن تضيع ف الشنطة خخخخخخخ , وبدال ما اجلس ساعة ادورها حطيتها هنا .. لا تسألوني

ليه مرطب الشفايف مو ف شنطة الميك اب ما ادري خخخخخخ 

واخر شي هي الشنطة الصغيرة جدا حت هديه مع طلب من الانترنت , وصرت استخدمها للكروت 

يعني المحلات و اذا رحت للبازارات وكل الكروت فيها عشان لو احتجتها يوم ما اكون ضيعتها ^^ 

ولا ننسى البوك و القلم و السماعات طبعا <3 

واخر شي اللي اكتشفت اني نسيت اصوره هو الجوال خخخخخخخخخخخ , الشي اللي مستحيل

اطلع من البيت بدونه  وعادة ما يكون ف الشنطة يكون ف يدي ف عشان كذا اتوقع نسيته "^^ 

الكفر اذا اعجبكم هو من متجري هنا .. 

وبس تدوينة اسرع من السريعه خخخخخخخخخخخخخ 

عشان ما اشغلكم عن المذاكرة تعرفون اهم شي الدراسة <3 

وبس ان شاءلله يكون اعجبكم البوست وموفقين يارب ف كل اختباراتكم 

ولا تنسون تدعموني بالرتويت و الفولو وبعد متابعتي على البلوق لوفن 

وياليت تعطوني خبر اذا ودكم اسوي لوك بوك للشتاء يعني الملابس وتنسيقاتي للشتاء <3 

مفكرة بس ولو ما ابي اسوي شي ماراح يعجبكم .. 

تقدرون تتواصلوون معي في وسائل التواصل تحت 

WHEN YOU KNOW ME YOU WILL LOVE ME