Winter LookBook Purpleita : طلاتي الشتوية بربليتا

السلام عليكم بنات، كيفكم اليوم ؟

حبيت اليوم انزل لكم طلاتي وتنسيقاتي لها الشتوية، وراح تلاحظون وجود المخمل و القطع وسيعه شوي وهذي الترندز اللي قرت اني اتبعها هالموسم. وحبيتها كثير خصوصا المخمل الالوان عليه تقتل وكل ما غمقت كل ما كانت اجمل. 

بس عندي لكم سؤآل وش تفضلون القطع اعرضها لكم على الارض او على المانيكان تكون اوضح ؟

التنسيق الاول:

البلوزة: زارا (موجودة حاليا)

الشال: اسوس

اللقنقز: سبلاش

الشوز: بيرشيكا (موجود)

من القطع و الاكسسوارات الاساسية في فصل الشتاء هو الشال بالنسبة لي. عندي هوس شالات واحبها كثير تضفي للطله بشكل كامل. ولان البلوزة oversized يعني كبيره موديلها حبيت اني البس شي ماسك تحتها و اللوك يكون كاجوال بالسنيكرز. 

التنسيق الثاني:

الفستان: زارا

الهيلز: شارلز اند كيث

الشنطة: ساينت لوران (لندن)

المخمل مع الالوان الغامقة يجي جدا فخم خصوصا العنابي و الكحلي و الاسود. حبيت انه مخملها مو تقليدي وجاي محفط شوي. ولان الفستان قصير شوي حبيت البس عليه كيلون ثقيل اسود منها نتفدى ويكون التركيز على الفستان. وكيف انه oversized من فوق ولكن ماسك من تحت وطالع شوي كانه قصير نتفه من قدام وطويل من ورا. 

التنسيق الثالث:

الشيرت: زارا (متوفر)

البنطلون: زارا (متوفر)

الهيلز: ستيف مادن

الشنطة: مايكل كورس

طلة مخملية بشكل كامل، وهذي احد الترندز لها الموسم انوا تلبسون كامل لون موحد او مخمل كامل. وهذي في منها كذا لون لكن حبيت هاللون اللي لاهو فيراني او بنفسجي مع رمادي حبيتها كثير. وحبيت انها تكون شيك كاجوال مع هيلز و شنطة نود. 

التنسيق الرابع:

السوتر: موقع romwe

البنطلون: زارا 

السنيكرز: اسوس - نايكي

الشنطة: مايكل كورس

حبيت اغير شوي واخلي الطله كاجوال على تراينينق شوي. ركبت عليها سويتر كبيره عندي من سنين لكن كل مره ارجع لها واحبها كثير ومع السنيكرز صار اللوك كاجوال اكثر. 

التنسيق الخامس:

البلوزة: زارا 

البنطلون: سبلاش

الهيلز: شالرز اند كيث

الشنطة: ساينت لوران

هالبنطلون هاي ويستد و قماشه كان جدا دارج في الصيفيه و الشتوية الان، متوفر في كثير محلات وفيه منه الخفيف وفيه منه اللي ثقيل شوي مثل اللي في الصورة. حبيته كثير وما ترددت اني اخذه اول ما شفته يمشي عليه اشياء كثيره والهاي ويستد على وسيع شوي يعطي طول للجسم وفخامه اكثر. 

وبس اتمنى تنوع التنسيقات و الطلات لها الشتاء اعجبتكم. و اذا فيه اي استفسار تقدرون تتواصلون معي تحت ولا تنسون تتابعوني على السناب انزل فيه يومياتي واشياء سريعه اعجبتني. 

فمان الله 

KENZO x H&M Haul Purpleita || KENZO x H&M مشترياتي وتغطيتي لـ

السلام عليكم بنات ، كيفكم ؟

اليوم ولو انها متاخرة لكن حبيت انزل لكم مشترياتي من تعاون

 KENZO x H&M ، وراح احكي عن تجربة التسوق بشكل عام هالسنة. لان كل سنة اتش اند ام تتعاون مع براندز كبيرة ويكون فيه ضجة اعلامية و حوسة. لكن هالسنة الحمدلله تجربة التسوق بالنسبة لي كانت جدا ممتازة ومرتبة. 

طلعت من المحل بثلاث مشتريات. التصاميم بعضها كان مره اوفر لدرجة احس صعب احنا نلبسها مكانها في الفاشن شو وبس. لكن بعضها جدا فنكي و غريبة وفيها لمسات كنزو المعروفة من التايقر و الطبعات اللي خارجة عن المألوف. وهذا اللي حبيته فيها ماهي تقليدية جدا بالعكس فيها غرابة و تقدرين تزيدين غرابتها وتكون اوفر وتقدرين تهدينها بقطع كلاسيك عندك. واذا حابين راح انزل تنسيقاتي لها القطع اللي شريت. 

السعر:١٢٩٩ريال

اول قطعه هي اكثر قطعه كنت متحمسة لها واتمنى اني احصل عليها. هي الكيمونو الشتوية حبيتها لانها ثقيلة و راح استفيد منها في موسم الشتاء و البرنت اللي فيها ملفت للعين و يخليك توقفين طبعا ممكن تكرهونها او تحبونها لكن انا حبيتها كثير. واللي حبيته اكثر هو اللوقو حق كنزو في مسكة السحاب. و الاحلى من هذا كله هو انك تقدرين تلبسينها بطريقتين مختلفات. و الطريقة الثانية اهدى و انعم من البرنت الاورنج الصارخ. 

السعر:١٧٩ريال

القطعة الثانية اخذتها من قسم الرجال خخخخخخخخ ، بالنسبة لي حبيت الشيرت حقت الرجال اكثر من القسم النسائي كانت فيها من طابع اديداس الجديد و الوسع اللي الحين دارج في السوق. و الطبعات اللي فيها مع تطريز التايقر يصرخ كنزو و تقدرين تخلينه كاجوال او رسمي بتنورة تحته. بس تداخل الالوان فيه حبيتها كثير. 

السعر:٩٩٩ريال

اخر قطعه واللي كنت جدا محتارة فيها لكن قررت في الاخير اني اخذها هو الفستان. هو زحمة البرنت و الالوان اللي فيه تخلي الواحد يتردد. لكن على اللبس و المانيكان طالع جدا جميل وفخم. وهالشي لاحظته في الملابس انها تعطي فخامه واعلى بشوي من ناحية الخامات باللي متعودين عليه من اتش اند ام. وكون بعضها شتوي يعطي ثقل اكثر. لكن الفستان جدا حبيته الكسرة اللي فيه وال flow حقه يعطي راحة. احسه ما يحتاج معه شي ثاني غير شنطة سودا وخلي الفستان يحكي عن نفسه “^^. 

الحدث نفسه:

 رحت لفرع اتش اند ام العليا الساعه ٨:٣٠ صباحا، وكان جدا مرتب و يدخلون البنات على دفعات ويلبسونك اساور بلون معين تدخلين على حسب لونك ووقتك. البنات اللي يشتغلون في المحل خدومات و يساعدونك بروح حلوة وابتسامة بشوشة. حتى التنظيم كان عند البوابة شديد فيه رجال و سكيورتي لكن الحمدلله ماكان فيه تدافع او تزاحم. القطع المميزة بسرعه تخلص. الجاكيت الكيمونو انا اخذت اخر قطعه كانت متوفرة بالرغم اني اعتبر جاية بدري. حتى القطع الحلوة من قسم الرجال خلصوها البنات خخخخخخخ. بشكل عام كانت تجربة حلوة. 

وبس اتمنى تكون التغطية و التدوينة امتعتكم، انا سويت تغطيه كاملة على سنابي وقتها

واذا حابين اشياء معينه او تنسيقات للملابس اكتبوا لي تحت 

فمان الله ♥♥♥

WHEN YOU KNOW ME YOU WILL LOVE ME

Weekend Outfits with Purpleita ♥

السلام عليكم ، كيفكم اليوم ؟

حبيت اليوم اغير وانز للكم تنسيقاتي وايش لبست في الويكند، واذا قدرت راح اخليها بشكل اسبوعي كل ويكند انزل ايش لبست في الويكند ^^. 

Look 1 

تقدرون تخلونه بسيط اكثر وبشكل يومي اكثر، لكن حبيته يكون شيك بالشنطة النود و الكعب وتعرفون عشقي للكعب اللي تكون مثلثة من المقدمة ومفتوحة شوي من على الجوانب

الكروب توب : Forever 21

البنطلون: Zara

الكعب: charles & keith

العقد: marc jacobs

الشنطة: burberry

Look 2

كاجوال اكثر من الاول، وحسيته فنكي وتغيير بشكل كامل عن الطلة الاولى، حلو معه روج احمر فاقع و رسمة كحل 

التي شيرت: سوق شعبي في اندنوسيا

اللقنق: splash

الشوز: Bersehka

الشنطة: michael kors

وبس اتمنى اللوكات اعجبتكم، حطيت من وين شريتها لكن لاني من زمان شايرتها ما لقيت روابط لكن ممكن تعطيكم الهام 

واتمنى الويكند كان سعيد عليكم ^^ ♥

فمان الله ♥♥♥

WHEN YOU KNOW ME YOU WILL LOVE ME

Summer LookBook with Purpleita | 2016

السلام عليكم، كيفكم ؟

حبيت اليوم انزل بعض تنسيقاتي لفصل الصيف ولو اعجبتكم راح انزل زيادة، خصوصا اني جديدة في طريقة التصوير “^^.. 

كل التفاصيل لكل لوك راح تكون تحته، اتمنى تعجبكم. 

Look 1

- ناعم وبسيط ونعومته حسيت فيها اناقه ومو كاجوال. 

البلوزة: Asos

التنورة: TopShop 

الهيلز: Steve Madden 

الشنطة: michael kors

Look 2

- مقارنة بالتنسيق الاول هذا كاجوال و لبس يومي طلعات بسيطة.

البلوزة: Forever21

الجينز: Zara

الهيلز: Zara

العقد: marc jacobs

 خبروني اي تنسيقات تحبون الكاجوال ولا حقت مناسبات، واصير انزل منها اكثر. 

وصحيح هاجرة المدونة بس في السناب انزل مكياجي مشترياتي ف تابعوني هناك وجودي اكثر و يسهل علينا نتفاعل سوا #Purpleita

ولاتنسون تعطوني رايكم و اي شي حابين اكتب عنه اعطوني خبر 

فمان الله

WHEN YOU KNOW ME YOU WILL LOVE ME

لوك كاجوال و شيك مع #بربليتا || Efortless Look with #purpleita

اهلا، كيفكم اليوم♥♥؟

اليوم حبيت انزل لوك كاجوال وسيك في نفس الوقت، يعطي انطباع بسيط وانيق شوي. وفي نفس الوقت efortless ♥♥

تفاصيل :

الشيرت: اديداس

الجينز و الهيلز: زارا 

الشنطة: بارفيوس

الاسوارة: سوارفسكي

الشيرت من اديداس الالوان و الرسومات اللي فيه جدا صارخة و زحمه شوي♥، ف حبيت اني اهديها بسكني جينز لون ابيض♥، تقدرين تلبسين اسود لقنق، لكن الابيض راح يبرز الالوان و الرسومات وراح يكون التركيز على التي شيرت♥. 

الفكره في الهيلز لما تلبسين هيلز هذا راح يخلي قوامك مشدود ومقسم اكثر ويرزك اكثر♥، وراح يعطيك منظر شيك، لكن لو لبستي معها سنيكرز او فلات راح يعطي لوك مره كاجوال. لبست معه هالاسوارة من شوافرسكي كلمسة تخليه شيك اكثر و الشنطة تجمع بين الابيض و الخط الاسود اللي فيها يربط بين الجينز و الاديداس اللي مكتوبة بالاسود

اتمنى اللوك اعجبكم♥♥، واذا فيه اي سؤال او افكار حابين اكتبها في المدونة يسعدني انكم تراسلوني♥♥

وبعد سويت حساب في سناب شات♥♥:$$، انزل فيه يومياتي وافكاري من ناحية الميك اب و الفاشن وايش لبست وحطيت ميك اب، ف ياليت تتابعوني فيه حسابي :

ipurpleita 

احبكم ♥♥♥

فمان الله

WHEN YOU KNOW ME YOU WILL LOVE ME