السلام عليكم ، كيفكم ؟
ان شاءالله الاجزة كانت حلوة عليكم وانبسطتوا فيها♥♥
هالفترة السوق كله مخفض و من اول المحلات اللي حرصت اروح لها اول ما خفضت هي كانت باث اند بودي وركز♥. انا ما اشتري منهم الا في فترة التخفيضاات او العروض اللي تكون وسط السنة♥. و بصراحة اشيائهم الحلوة بسرعه تخلص. عشان كذا اول يوم تخفيض لهم حرصت اني اروح واشتري لي من عندهم شموع و شامبو جسم♥♥. بالنسبة لي هي اهم الاشياء اللي احوص اني اشتريها منهم♥.
نبدا اول شي في الشموع♥♥. اول كنت دايم اخذ الشموع القوية اللي تنفع للشتاء اكثر لكن جونا اغلب السنة حر و ما يناسب ريحة فانيلا مع سكر و قرفه في البيت ف عز الحر. عشان كذا راح تشفوون اغلب الاشياء اللي شريتها تناسب فصل الصيف اكثر. وفيه وحدة من افضل الشموع اللي اشتريها كل سنة من باث.
الشموع عادة ٩٥ ريال اخذتها ب٥٠ ريال
اخذت خمس من المقاس الكبير ووحدة صغيره. راح ابدا من يمين الصوره.
كوكونت ليف (اشجار جوز الهند) من اسمها تعرفين ريحتها لكن ما اعتبرها قوية مثل اللي جوز هند صافي♥. ريحتها مخلوطة بشي منعش على هنت و لمحة بسيطة من جوز الهند. وانا من عشاق جوز الهند في كل شي من اكل وكريمات وحتى رايحة. ريحته تنتشر في البيت وتعطي شعور منعش. احب احطها في دورة المياة الله يكرمكم.
اللي جمبها نقيضها تماما لكن هذي اللي احكي لكم عنها انها من افضل الروايح لفصل الشتاء من باث. كل سنة اشتريها وكل سنة ما امل منها ابدا. تعطي شعور بالدفى على شوي ريحة قرفه بسيطة. جدا جدا جميله ومن الشموع اللي ما تحترق بسرعه لذلك تجلس معك فتره طويلة. Autum (الخريف)♥♥♥♥♥♥، كل سنة يغيرون شكل الستكر حقها لكن الاسم و الريحة وحدة. اول ما نزلت كانت اسمها Leaves بعدين الحين صار اسمها الخريف. لكن الريحة وحدة $ـ$
اول شمعه في الدور اللي تحت من الرائح اللي تمشي بشكل تام مع الصيف مشمش على برتقال وليمون ريحتها فيها حموضة وتذكرك بالليمون على البرتقال جدا منعشه و حلوة وخفيفه في نفس الوقت. في الصيف انا ما افضل الروايح القوية لانها تسبب لي غثيان بسرعه. عشان كذا احب الروايح الخفيفه و المنعشه. ومنها Peach bilini ♥
اللي في الوسط Island Margarita من الشموع اللي حبيت يكون فيها لمحة بسيطة من ريحة الحلا♥. مخلوطة بالليمون و الحامض مع شوي ريحة حلا او سكر ذايب. جدا جميله وبعد واعذروني على الاستخدام المتكرر للكلمة لكن جدا منعشه.
الاخيره تيكي بيتش♥. تعرفون ريحة البحر في الصيف و كذا مع نظافة ؟ هذي ريحة الشمعه تحديدا غريبه ما ادري كيف اوصفها لكم لكن مختلفة عن الباقين كلهم وهذا اللي خلاني اخذها.
الشمعه الصغيره هي اخذتها لاني ماني من المعجبين بريحة النعناع لكن حسيته كريحة قوية ومنعشة تنفع تكون في المطبخ لانه قوي واحسه يمسح الرايح اللي كانت قبله و اخذت صغير لان ما حبيت اخذ كبيره وبعدين ما استخدمها.
و طبعا مستحيل ادخل باث بدون ما اخذ من معقماتهم♥. مع اني صرت افضل مناديل ديتول على الجل. لكن كريحة حقات باث افضل بكثير، وخصوصا انها تنتشر في المكان و تشمينها في يدك.
اخر شي شامبو الجسم من باث. قد تكلمت عنها في تدوينة هنا. احبها لانها بشتى الروايح منعشة و فعلا تنظف الجسم يعني احيانا من قوة اني احسها تنظف الجسم تسبب لي شوي جفاف لانها تتخلص من كل العوالق اللي فيه♥. وتجلس معك فتره طويلة لان شوي منها يعطيك رغوة وتنظيف ممتاز. وبكل اختصار احب في الشاور عكس الشموع. لاني في الشموع ما احب الاشياء الحالية و السكر والحلويات. لكن في الشاور احب يكون فيه فراولة او سكر او فواكة يعطي شعور بالنظافة و تجلس الريحة معك لفتره اطول لان لاحظت ان هالنوع من الروايح يكون اقوى من الروايح المايلة للعطرية. اخذت بالتفاح مع هنت كراميل - فواكة بالبرتقال حمضيه رايحتها - واخر وحدة ريحتها عي سكر هيك شي *ــ^
وبس اتمنى التدوينة اعجبتكم و قولوا لي ايش دايم تاخذون من باث♥؟
وايش هي الشمعه المفضلة عندكم من المحل♥؟
وبس فمان الله ♥
WHEN YOU KNOW ME YOU WILL LOVE ME
خصومات الان وباقل الاسعار الرائعة من متجر العربية للعود كما اننا نعمل ىعلى تقدم افضل الخصومات لتى نقدمة الان وعلى اعلى مستوى ممكن وباقل الاسعار الرائعة التى نقدمة الان فىق ال وقت ممكن الان من خصومات العربية للعود التى لا مثيل لها الان وباقل الاسعار الرائعة الرائعة
ReplyDelete