طريقتي للحصول على بشرة ناعمه و ترطيب كامل ♥ #بربليتا

السلام عليكم ، كيفكم اليوم ؟

هذي التدوينة خاصه لاصحاب البشره الجافه مثلي ، خصوصا الجسم. روتيني يمكن ما يكون يسوى ويعطي شي اوفر لكن انا يهمني المنظر العام لبشرتي يكون رطب ولين وناعم :$♥♥♥. 

راح ابدا اول شي بالروتين , وانا جسمي لسه مبلول احط على كل جسمي كمية لا بأس بها من زيت بيبي جونسون♥♥♥. احبه كثير لانه عن غيره من الزيوت ماله ريحة وخفيف ويرطب الجسم بشكل كامل. و لان الجسم رطب وفيه شوي موية تمتصه البشره بشكل اسرع. 

وبشكل اسبوعي او متى ما قدرت اسوي ترطيب لجسمي بزيت جوز الهند♥ بشكل كامل واجلس فتره بعدين اخذ لي شور عميق بعدين ارجع احطه. لان اول شي ريحته حلوة و يعطي نعومة مالها مثيل♥♥. استخدمه مره في الاسبوع لانه ريحته قوية ولو استخدمه بشكل يومي كان مليت منه. لذلك افضل اني استخدمه بشكل اسبوعي. عشان كذا اشيل كمية بسيطة وابعدين اميعها في راحة يدي وادهن بها جسمي كامل♥♥. حوز الهند يعطي ترطيب عميق و يعالج الجسم داخليا من الجفاف. 

لاحظت مع الاستخدام اليومي للزيت و البيبي جونسون خف الجفاف من جسمي وماعاد فيها قشور او شهابه. وانا تركيزي دايما على منطقة الركب كترطيب مكثف. 

بعدها على حسب المزاج اذا انا ابي شي يعطي ترطيب وقتي وريحته حلوة استخدم سوب اند قلوري♥♥♥. لكن اذا انا ابي ترطيب متكامل و عميق لبشرتي استخدم زبدة الشيا من بودي شوب♥♥♥. 

مثل مانتوا شايفين في الصورة القوام جدا واضح:

زبدة الجسم من سوب اند قلوري احبها لان ريحتها جدا حلوة وتجيب السعادة و الانتعاش. و الترطيب حقه اعمق من الكريمات العادية لكن على بشرتي اللي هي جافة جدا، ما احس انه ينفع لها كاستخدام يومي. لكن اذا حابه ادلع نفسي بريحة حلوة وترطيب لطيف استخدم هالزبدة♥. 

زبدة الجسم من بودي شوب اللي هي ربدة الشيا♥. جدا رائعه استخدمت كريمات كثير لكن مثلها ما استخدمت ، قوامها مثل ما انتوا  شايفين ثقيل وما يتحرك بسهولة زي السوب اند قلوري♥. هو ثقيل لذلك احب احط منه كمية على جسمي وادلكه داخل الجسم بشكل دائري مع الزيت الجسم يكون امتصاصه للجسم مضاعف. 

واخر شي احط على بعض المناطق مسك الطهاره من عبدالصمد القرشي♥♥♥. احبه لان ريحته نظافه وبس مدري كيف اشرح لكم لكن نظافه وتدوم معك طول اليوم بشكل ما تتخيلونه. احب احطه على اماكن النبض عند اليد و خلق الاذنين وتحت الاند ارمز بمسافه يعني مو عليها بالضبط لكن تحتها بشوي. 

وبكذا اكون كملت روتين الترطيب لجسمي بشكل كامل ومستمر طوال اليوم. 

انتوا ايش افضل شي عندكم لترطيب الجسم♥♥؟ خبروني في التعليقات تحت

فمان الله ♥