مشترياتي من كات فون دي #بربليتا || A Kat V D Haul #purpleita

اهلين ، كيفكم ♥؟

في بداية شهر مارس جاني ايميل من سيفورا يعلنون فيه عن اطلاق مجموعة كات فون دي في فروع سيفورا بالرياض♥♥. وكان يوم الاطلاق في تاريخ ١٧ مارس. من عقب ما جربت شيد اند لايت باليت من عندها وانا حابه اجرب اشياء ثانيه من نفس البراند. خصوصا التاتو لاينر اللي الكحل كان يمدحه ♥. 

راح اوريكم مشترياتي من كات فون دي وبالسعر. الماركة مو متوفرة في كل الفروع. موجودة في سيفورا المملكة-رياض قاليري- النخيل مول. وكانوا عاملين عرض اذا كانت مشترياتك من هالبراند ٥٠٠ وفوق تحصلين على كحل هديه♥♥. 

تفاصيل :

الاسم: Shade + Light Eye Contour Palette

السعر: 220ريال

الموقع: هنا

اول شي و نجمة الحفل هي باليت الشدو. حبيتها لانها كلها مات♥، وانا ما عندي باليت كلها مالت ما عدى نيكد بيسك. حبيت الالوان المتنوعه فيها و الدافيه منها و الباردة،التدرج اللي فيها حلو من الالوان الترابيه البرادة الى الالوان الخريفية الدافيه♥.و مثل ما انتوا شايفين ما لمستها من شريتها فما اقدر اعطيكم ريفيو كامل عنها. لكن بعد ما اجربها وكذا راح اكتب تدوينة كامله عنها. احسها مناسبه لي وراح تعجبني لاني احب الالوان هذي واحس اذا هي قوة وثبات الوانها مثل بات الوان الكونتور و اللاي باليت راح تعجبني كثير. 

تفاصيل:

الاسم:  Everlasting Liquid Lipstick

السعر: ١٠٠ ريال 

الموقع: هنا

الارواج واللي الكل في المحل ياخذ على ثلاثه واكثر خخخخخخخ♥، لكن انا اخذت ٢ من لوليتا اللي هو في الصورة على اليسار، لونه لحمي مايل على موف او بنك اكثر من اللي جمبه، واقدر اتكلم عنها القلوس المات لان لي اسبوع ما استخدم الا هي ! 

الثبات شي خرافي تجلس معك طول اليوم، خصوصا اذا كانت شفايفك مترطبه ماراح تتحرك من مكانها وقوة اللون واضح من اول طبقه. حبيت اللون كثير و هو تحديدا من الالوان اللي بسرعه تخلص من البراند وصعب تلقينها بسهوله لذلك اخذت ٢ من لوليتا :$$ وبصراحة ما ندمت لان من شريته ما استعمل روج\قلوس غيره. يعني اخذت ٣ حبات، ٢ من لوليتا وو واحد من لوليتاII 

وفي الرابط تقدرون تشوفون اللون و الدرجات بشكل اوضح. 

تفاصيل:

الاسم:  Tattoo Liner

السعر:٩٩ريال

الموقع: هنا

واخر شي اخذته التاتو لاينر♥، كثير يتكلمون عنه وعن دقته وثباته، خصوصا ان القلم مو سفنجة لكن ريشة وهذا يسمح لك برسم قلم حاد و نحيف وتحكم اسهل بالقلم، قريت ان ثباته عالي، لكن للحين ما جربته. وجدا متحمسة اجربه واشوف ثباته بدون برايمر للعين. 

راح اكتب لكم تدوينة كامله عنه وعن باقي اشياء اللي اخذتها منهم. بالنسبة للقلم الثاني Ink liner هذا اعطوني اياه هديه بما ان مشترياتي وصلت للمبلغ المطلوب♥. 

وبس اتمنى تدوينة المشتريات اعجبتكم ♥

واذا عندكم اي استفسار تقدرون تتواصلون معي تحت، واذا شريتوا اي شي من البراند بليز اكتبوا لي تجربتكم وايش حبيتوا منها♥؟

فمان الله ♥♥

WHEN YOU KNOW ME YOU WILL LOVE ME