السلام عليكم ، كيفكم ♥؟
اليوم حبيت انزل لكم مشترياتي الشوزيه♥، اللي يضحك اني شريت شوزين مختلفين تماما، لكن حبيت انزلهم مره وحدة وما اخلي كل واحد في بوست لحاله♥.
لي فتره عاملة رحلة البحث عن شوز من نايكي مريح ولون انا فعلا يعجبني♥، ما عندي منهم الا شوز واحد فوشي فاقع جدا ومليت منه، وبصراحة حللت قيمته، لو تشوفون كم نره غسلته مسكين خخخخخخخ، عشان كذا قلت جاء الوقت اني اشتري وحدة جديدة. ما فكرت ابعد عن نايكي لاني جربتها ف السفر و المشي لساعات طويله وبصراحة مافيه فلات او شوز يقارن بالراحة اللي هي تعطيك اياها.
تفاصيل :
الاسم: Nike Plum Fog Air Max Thea Trainers
اللون: Plum
المقاس: 6.5
السعر: 90باوند - حدود الخمس ميه
الموقع: هنا
ما فكرت صراحة اخذ من هنا لان اولا الاسعار غاليه و الموديلات ماهي جديدة، و الالوان اللي هنا ماحبيتها. اخذت هاللون الموف الفاتح عي هنت رمادي. حبيته كثير ♥♥♥ لان حسيته لاهو رمادي ولاهو موف. وحبيت فيه انه مرتفع شوي ماهو نازل مره. وبصراحة انا شفت اللون واخذته من دون تفكير :$$♥. اخذته من اسوس لان الموقع يشحن دايركت ع السعوديه، و المقاس مشيت ع مقاس نايكي اللي عندي وصار نفس مقاسي بالضبط♥، بالاضافة اني رحت لمحلات نايكي اللي عندنا وقست عندهم وتاكدت ان مقاسي عندهم ثابت على ٦ونص. والشي اللي حبيته فيها انه من المقدمة فيه طبقه بلاستيكة تغطي القماش عشان ما يتوسخ بسرعه♥. وبعد انا حبيت لون يمشي مع كل شي وماهو صارخ مثل اللي عندي. لان بسرعه مليت منها.
ننتقل لشوز مختلف تماما عن الجزم الرياضيه و المريحة، الاسبوع اللي راح سمعت ان محل قصر الاحذيه مخفض حدود ٥٠٪ على اغلب الهيلز و الشوز اللي عنده. فما حبيت افوت هالفرصه، قلت اروح اشوف اذا اعجبني شي اخذته. وحاطه في بالي اني ما راح اكرر من الالوان اللي عندي او الاشكال.
تفاصيل:
الاسم: Alviero Martini
السعر: 720ريال بعد الخصم
المقاس: 36
الموقع: قصر الاحذيه
حبيت هالهيلز تحديدا من الفيرو مارتيني لان اولا قصه الكعب المدببة او المثلثه احبها كثير♥♥♥♥ ولان رجلي صغيره تحليها اكثر وتعطيها انوثه. و الزاوية المثلثه تطول القدم اكثر. لذلك اغلب الهيلز عندي تقريبا تميل لها النوع من الشكل. حبيت اني اخذت هالهيلز من عند الفيرو لان ما عمري شريت من عندهم، وعلى طول تخيلتها في لبس كاجوال مع جينز و قميص ابيض مع الهيلز. و طول الكعب ماهو طويل مره او قصير مره بالنسبه لي جدا مناسب. من جميع النواحي كنت سعيدة الحمدلله على اني لقيت هالهيلز. تغيير لان اغلب الشوز و الهيلز اللي عندي سادة لون اسود او نود ما عندي شي مشجر او فيه نقشات. وكانت على اللبس في المحل مريحة في المشي. واتوقع ان للحين التخفيضات متوفره فاللي حابه تشتري جديد تعطيهم زيارة♥.
وبس اتمنى التدوينة الشرائية اعجبتكم♥، واذا عندكم اي سؤال او استفسار تقدرون تتواصلون معي تحت
فمان الله ♥
WHEN YOU KNOW ME YOU WILL LOVE ME
كل الشوزين يجننون ماشاء الله شكل ذوقنا متشابه يالمياء 😂
ReplyDeleteلأن الشوز اللي من نايكي حاطتها عندي بالمفضلة عشان أشتريها
حبييت الهيلز مرة، أحب ماركة الفيرو مارتيني بس ماعمري شريت منها شوز، ولا أعتقد قد شفت منها شوز كل اللي أشوفه شنط وساعات وأبواك، ماقد شفت شوز..غريبة
هايدي ايييه مره قريبه من بعض، هذا اول هيلز اشتريه منهم صراحة
Delete