السلام عليكم ,
كيفكم ؟
بما ان الشتاء دخل و الاجواء صايرة جميلة جدا
قررت اسوي التاق الجميل هذا , هو منتشر في اليوتيوب
وحبيته لأن اولا الشتاء فصلي المفضل <3 !
والسوالف عنه و التغييرات اللي تصير فينا وفي روتين حياتنا
شي جميل جددا ..
ف قررت اسوي هالتاق واضيف له بعض الاشياء وامسح بعضها
لأن بعضها ما لها اي علاقة فينا خخخخخخ :$
المهم نبدا في :
The Sweater weather TAG
1- شمعتك المفضلة للخريف ؟
شموع باث اند بودي ووركز اعشقها :( ..
خصوصا حقات الشتاء تقتلني بروائحها <3 , واحسها ما تحترق بسرعه مثل حقات الصيف ما ادري ليه ..
عموما اعشق هالريحة من باث اند بودي ووركز
اسمها : Marshmallow Fireside
ما ادري اذا للحين موجودة ولا لا , بس ريحتها تجنن :( ..
يعني من قوة ما انا احبها ما اشبها كثير خخخخخ اخاف تخلص
ونادرا ما باث اند بودي يرجعونها ما ادري ليه :( . .
عموما هي و leaves من المفضلات عندي و الحمدلله
"ليفز" يرجعونها كل سنة بس بشكل جديد <3 ..
2- شاهي - قهوه - او شوكلاة ساخنه ؟
شاهي اكثر شي يعني لازم ف اليوم كوب شاهي <3 !
لكن احب بين فترة و الثانية خصوصا الصباح اذا كنت صاحية
اسوي هوت شوكلت ومعه مارشملو $__$!!
لكن الشاهي شي اساسي خصوصا شاهي بالحليب <3 ..
القهوه ما احب القهوه الامريكية ريحتها تصدع راسي :( .. ويجيني غثيان لين شربتها ودي اجرب شعور اني احبها احسها شي جميل ومحرومه منه :( , ف دائما هوت شوكلت او شاي <3
3- ماهي افضل ذاكرة لفصل الشتاء\الخريف ؟
كثير والله كثير , لدرجة اني وانا اجهز الاسئلة بس اتذكرها
اممم ممكن العام او اللي قبله ما اذكر بس هي من الاشياء
الجميلة اللي صارت انه طلعنا مع اهلي وجدتي نتمشى وكانت ترش بشكل خفيف وانه ماما نورة معنا كان للطلعة نكهه ثانية <3
ولها عندي صور كثير لأن جدتي قليل تطلع معنا او توافق عشان البرد وكذا <3 .. كل شي كان في الروحة الخفيفة جميل<3
الكشته ف البر و الرش اللي خلانا نقوم وبعدين التمشي ف السيارة <33 ..
4- ماهي موضة الميك اب التي تفضلينها : روج داكن - رسمة كحل القطة ؟
روج داكن آل ذا واي خخخخخخخخخخخخخ <333
واخترت المفضل عندي للأستعمال اليومي هو اللي ازعجتكم فيه
الروج الداكن من توب شوب <333 , احبه لان طبقة وحدة منه يعطي لون كرزي فاتح جميل للأستعمال اليومي لكن اذا حطيت
اكثر من طبقة يعطي لون اكثر وثبات اكثر <3 ..
احب ارسم عيني لكن الروج الداكن شي اساسي :$
5- عطرك المفضل للشتاء ؟
عندي واحد ارشه على جسمي بعد الشاور بشكل سريع
من فكتوريا سيكرت : Pure Seduction
احبه لأنه فيه سبايس شوي في الريحة , وماهو خفيف مرة
يعني اثقل شوي من عطورهم الباقيه <3 . .
وفيه ريحة تذكرني بعطر قدييم كان عندي ايام الثانوي خخخخ
ف يذكرني في اشياء جميلة <3
بعد كذا استخدم هالعطر من دولتشي اند قابانا
جميل جددا وفخم بشكل :""" .. الريحة ثابته وقوية
يعني بخة منه تكفيك ومثل ما تعرفون انا فاشلة في الوصف
لكن انصح فيه اذا كنتي حابة تشترين عطر للشتاء <3
يعني حتى الاسم اسمه : intense
6- أكلة مفضلة في هالفصل ؟
صدق مافيه شي معين يعني أحب اي شي فيه بطاطا مهروسة :(
لكن من الاكلات الشعبيه مافيه شي معين اقول الله هذا اشتهيه
غالبا البطاطا المهروسة مع دجاج <33 ..
7- كيف فصل الشتاء في المكان الذي تعيشين فيه ؟
الرياض وما ادراك ما الرياض <333
الجو متقلب ايام يجيك امطار ترد الروح متواصلة
وايام يكون البرد شديد لدرجة تحسه دخل في عظامك
احيانا يجينا الجو اللي تكون فيه الشمس طالعة وحاره نوعا ما
لكن فيه هواء بااااارد وجااف :( ..
لكن لما يكون فيه مطر هنا الحب يتضاعف للرياض <33
8- اكثر قطعه تلبسينها في فصل الشتاء ؟
هالشي حللته العام واحس اني راح ارجع البسها كثير هالسنة
السوتر او الجاكيت جميل جدا لأنه يناسب اشياء كثير
وقماشة غريب يعني ماهو صوف ما ادري هذا وش يسمى بالضبط خخخخخخخ , لكن احبها لان ماهي ثقيلة لدرجة اللي
تكتم ولاهي اللي خفيفة مرة ان بتوين
اخذتها من : Paul and bear
الشال : Zara
أحب شالات زارا ينزلون اشكال وخامات مرة كويسة
ولان ف الشتاء عادة الواحد يلبس الوان غامقة احب اضيف بوب اوف كولور للبسي يعطيه شوي حياة <3
9- أكثر مناكير \ مناكير المفضل لفصل الشتاء ؟
اللي يعرفني يعرف اني اعشق مناكير شانيل <3 !
ولو اني زعلانه منهم انهم زادوا اسعار مناكيرهم لكن بالنسبة لي
هي افضل شي ما تتكسر بسرعه , وتجلس معك سنين ما تفككت
او خربت يعني هالاثنين عندي من سنتين تقريبا وللحين ولا اجمل منهم وفي كل شتاء ارجع لهم <3
احب هالكومبو يعني هالاثنين مع بعض <3
الارقام و الاسماء واضحة في الصورة ..
وبعد احب مناكير اتش اند ام , خصوصا انهم في كل مجموعة شتاء ينزلون مناكير فيها لمعة او قلتر <3 !
وانا احب دائما احط لمسة قلتر لمناكيري ..
المناكير الكرزي او التوتي جميل جدا فيه صور له في الانستقرام وانا حاطته يعني <3 ..
اللمعة من : H&M
الكرزي : Primark
10 - أكثر نشاط تقومين بعمله في الشتاء ؟
القرائه , يعني حتى لو طلعنا برى او رحنا للبر لازم اقرا
يكون لها لذة خاصة والجو بارد او حتى جوا البيت و الشباك مفتوح وانا اقرا عنده عموما تزيد نسبة القرائه عندي في هالوقت <3 !
11- سكني جينز - لقنقز ؟
لققنقز <333 !
خصوصا حق زارا اللي فيه زي المشد على الخصر
هذا من كثر ما البسه فكرت اشتري واحد ثاني :$$ !
12- بووت او فلات اوقز ؟
ولا وحدة خخخخخخ :$
ماقد فكرت اشتري جزم اقز الله يكرمكم
لكن عندي فلات من جوا فيه فرو دافي جدا
13- افضل مسلسل في فصل الخريف ؟
حاليا وقفت كل مسلسلاتي فجأة مليت منها :(
لكن لو بقول شي مفضل راح يكون : TVD
14- ماهي الاغنية اللي تدخلك جو الخريف ؟
اي شي هادي , مع اني هالايام صايرة اسمع صوت المطر نفسه خخخخ بس عموما اي شي هادي وحتى لو كان موسيقى بس
دامه هادي هذا يكفي لأن ما احب الازعاج عموما
mostly English in case you're interested
15- موضة في فصل الشتاء حابة تجربينها ؟ " ميك اب - فاشن "
مرة ودي اجرب القمصان المقلمة عندي كم وحدة بس للحين
مابعد جت الفرصة اني البسها او انسقها بالطريقة اللي انا متخيله راح اسويها :$ . .
وبس كذا اكون خلصت التاق . .
وان شاءلله يكون اعجبكم خصوصا انه شي جديد علي اني اسويه
لكن وانا اصور الصورة حقت الموضوع اشتهيت اني اسويه
وكالعادة ماخليتها في خاطري لأن جد استمتعت وانا اشتغل عليه
واي بنت حبته وودها تكتب بوست عن التاق لا تتردد
لأن جد راح يسعدني هالشي <3
and I tag :
Anoofah
Bayanola92
milkywaystylest
iGorgeousta
وبكذا نكون فعلا انتهينا من بوست هالاسبوع
والله شي جميل اني قررت اسوي كل اسبوع تدوينة جديدة
أكون حاطة ف بالي كل اسبوع راح اكتب عن ايش <3
ولو فيه شي معين حابين اتكلم عنه لا تتردون
وبعد لا تنسون تدعموني بالرتويت و الفولو ..
فمان الله
WHEN YOU KNOW ME YOU WILL LOVE ME
