#بربليتا وش في شنطة الميك اب حقتي / #purpleita what's in my make up bag / sneak giveaway

 السلام عليكم ورحمة الله وبركاته 

كيفكم ؟ وش اخر اخباركم ؟

اليوم يوم جميل يالله لك الحمد <3 !

صحيح اللي يحترون اني اكمل اخر درسين من سلسلة الميك اب 

بيفجروني :#$ ! بس حابة اقول لهم انه ان شاءلله قريب مرة 

راح انزلهم <333 !

اليوم بتكلم عن وش في شنطة الميك اب حقتي <3 !

كنت دايم اشوف اجانب يسوونها ف اليوتيوب واشوف وش يحطون ف شناط الميك اب حقتهم , وقلت يعني ممكن احد وده يشوف وش اخذ معي 

لين طلعت "^^ !

..

اعترف ان الشنطة كان فيها اكثر من اللي صورته بس طلعت بعض الاشياء وراح اقول وش اللي طلعتها تحت

..

وصح خليكم معي لين نهاية التدوينة لأن عندي لكم شي جميل تحت ;)

 أول شي اخذه معي دائما وابدا هو الكريمات , هذا غير اني احط ف شنطتي الكبيرة كريم ثالث :$$$ ! المهم هالكريمين من ماركة " لاكوتيان" وتوني بادية احبها هالماركة فاتحة عندنا في بانوراما ,  ما ادري عاد اذا لهم فروع ثانية <3 ! 
كلهم جاييني هديه فما اعرف الاسعار , اللي على اليمين يرطب بس مب الترطيب العالي حق اللي مستعجلة وتبين شوية ترطيب في يدينك , لكن فيه زي القطع الوردية ريحتها جميلة , يعني ريحة ورود وعطرية شوي , استعمله اكثر اذا كنت ابي ريحة حلوة على يديني اكثر من الترطيب P: !

الثاني اللي على اليسار , ريحته دواء :/ ! بس ترطيبه عالي جدددا ! وثقيل شوي مو خفيف وهذا معناه انه يرطب وما يدبق في اليد رغم انه ثقيل شوي .. 
تمتصه البشره بشكل سريع , وفيه 20% زبدة الشيا<333 , ومخصص للبشرات الجافة
لكن احس حتى اللي بشراتهم عادية ينفع لهم لأن البشره تمتصه بشكل سريع فما يجلس على اليدين , ويعطي ملمس جميل <3 

 الحين ننتقل للأرواج , بصراحة كان عندي 2 زيادة غير اللي قدامكم خخخخخخخ :$$ بس اني قلت يا بنت عيب عليك بيقولون وش هاللي كل شنطتها ارواج "^^ !
المهم احب اخذ معي دائما وابدا مرطب + لون طبيعي + اللون اللي مسخدمته ف الطلعه او هذيك المناسبه ;) 

أول شي " baby lip " من مايبلين <33 ! الاختراع الجميل صدق <333!! ترطب بشكل جميل جداااا , وتعطي لون يعني هالعلبه اللون اللي تعطيك اياه شوي على فوشي غامق , نفس الكتابة اللي على العلبة تقريبا , احبها وتحسفت اني اخذت لون واحد بس :( ! العلبه فتنه و اللي خلاني اخذها هو المدح الكبير عليها وعلى مدى ترطيبها وصدق حبيتها صرت ما اطلع الا وهو ف شنطة الميك اب <3 ! لأن احب احطه فوق الروج اذا حسيت شفايفي جافة شوي يرطبها ويعطي شوي لمعه للروج <33 !
فيه منها الوان كثييير ومنزلين الحين مجموعه جديدة , بصراحة ما ادري اذا نزلت عندنا اول لا , انا اخذتها من دبي - صيدلية بوتس- بحدود الـ 15 ريال ...
وناوية اطلب باقي المجموعه من النت لأن اشكالها مرة كيوت تحسين بساعدة شوي لين شفتيها <3 :$$ 

هذا الروج تكلمت عنه قبل في تدوينة سابقة هنا , لكن بشكل مختصر هو من الارواج اللي احبها لا هو اللي مررة نود لدرجة يخليك مريضة , ولا هو اللي لونه قوي يعني ينفع للأستخدام اليومي <3 , احبه كثير الدرجة " Blush 35" السعر ف الخمسينات 

بالرغم من اني احب ارواج ريفلون المات منها و القلوس , لكن هالروج ماحبيته اصلا ما ادري ليه وكيف خلاني البايع اشتريه :( ! وطبعا انا ما احب اترك شي كذا 
لازم اطلع السعر حقه خخخخخخخخخخخخخ , ف صرت احطه ف شنطة الميك اب عشان استخدمه :( , وتوني مطلعته من الدرج وحاطته ف الشنطة ... ماحبيته ثقيل مرررة وما احب القلوس اللي يجيك ثقيل ومليان قلتر او لمعه :/ ! 
حتى لين جيت احطه احسه يتلزق بين شفايفي او مدري كيف اشرح لكم بس ما حبيته ! مع ان يوم بحثت عنه لقيت ناس يمدحونه بس بالنسبة لي ما عجبني ! , أحسه اوفر شوي يعني حتى لو حطيته لحاله يسوي زحمة :/ ! ف عشان استفيد منه صرت احط نقط على شفايفي وبعدين امرر شفايفي ببعض عشان يندمج مع الروج ويعطي لمعه بسيطة .. اخذته من سنتر بوينت , ما اذكر السعر "^^ - اسمه "strawberry 006"

هالروج من ريمييل  اسمه " Tell no 30 " , مات او مطفي ومثل ما انتوا شايفين في الصورة اللون على اورنج او مشمشي <33 ! هاللون اساسا كان لأمي , لكن شفته يوم عندها وحبيته ف اخذته منها ولا عاد رجع لها خخخخخخخخخخ :$$$ ... 
الروج ثباته قوي , لكن مشكلته يجفف الشفايف يعني بعد فترة تبدين تحسين ان شفايفك بدت تتقشر شوي , لونه أورنج فاقع شوي , لكن انا احط منه طبقة وحدة ويعطي لون مشمشي جميل <3 , صرت استخدم قلوس رفلون فوقه طبعا بالطريقة اللي قلتها فوق 
ويعطي لمعه جميلة ... 

الحين ننتقل للماسكرا , الماسكرا هذي من مايبلين , أسمها "volume express" وطلعوا منها اشكال كثيرة بعد هذي , وهي بالاساس لأمي :$$$! بس ما حبتها قمت اخذتها , هي اللي تجي فرشتها على شكل حرف سي , او معفوطة شوي , اخذتها انا لأن حسيت ان شكلها غريب , بس مدري ما حبيتها ولا استعملها كثير الا اذا احتجت او كنت مستعجلة , عموما الفرشة نحيفة مرة و تسمح لك توصلين للرموش الصغيره ف العين , تعطي طول و تفرد الرموش لكن أحسها للأستعمال اليومي "^^ ! 
أخذتها من سنتر بوينت 

 بودرو من ماكس فاكتر , ولو اني ما احب هالشركة مرة ,لكن بدورتهم هذي جميلة خفيفة احسها وما تكتم بشرتي ولاهي ثقيلة عليها , ولأن بشرتي جافة الا منطقة الانف احيانا احب احطها عليه , و حلو انه يكون معك بودرة لو كنتي طالعه لأي تعديلات 
او دهون بدت تطلع ترجعين تضبطين مكياجك فيها <3 ! , للحين ما فكرت ابدلها ما ادري ما اهتم كثير بالبودرة لأن مثل ما قلت بشرتي جافة وما يحتاج احط ستتنق باودر الا نادرا "^^ ! , أخذتها من المصباح - ما اذكر بكم - .

هالفرشة بعد من الاشياء اللي اذختها من امي خخخخخخخخخخخخ :$$$ ! كنت ادور على فرشة اقدر احطها ف شنطة الميك اب لكن ما تتوصخ , ولقيت امي توها شارية هالفرشة وملمسها ناعم بصراحة ما ادري وش نوع ماركتها او بكم ! 
بس انها تأدي الغرض خصوصا انه معها زي الغطى ويغطيها او يحميها من الاوساخ وتجلس نظيفة وما يجيها بيكتريا وهي مرمية في الشنطة ;)

أدري بتقولون قلم ؟ وش جاب القلم ف شنطة الميك اب خخخخخخخخخ !بقول لكم انا وحدة احاول قد ما اقدر ان شنطتي تكون مرتبة وما اجلس ساعه ادور الشي اللي فيها ف احاول اقسم اشيائي الى شنط صغيره يعني عندي شنطة للميك اب - للاشياء الشعر - للبطاقات و الكروت :$$$ ! أعترف اني مهووسة شوي ف ترتيب شنطتي :$ ف القلم ما لقيت له مكان معين قلت يا بنت حطيه مع الميك اب شكله كذا ينفع لهم خخخخخخخ ! وعشان اكون بعد صادقة معكم , كان فيه علبة علك بس ما صورتها "^^

اخر شي هو البنس , قلت لكم عندي شنطة مخصصة لاشياء الشعر , لكن لقيت هالبنستين مع الاغراض قلت خل اصورها خخخخخخخخخخخخ , يعني عشان اكون صادقة وما اغبي اشياء خخخخخ :$ 

وبكذا نكون خلصنا التدوينة حقت اليوم 

وان شاءلله تكون اعجبتكم واستفدتوا منها لو شي بسيط :$$ !؟

..

الحين ننتقل للموضوع اللي انا جدااا متحمسة له $___$!!

اليوم راح يكون فيه قيف اواي , لكل متابعاتي الجدد و اللي من الاساس

متابعيني ف تويتر و انستقرام قبل افتتاح المدونة <33 !

اليوم كان اطلاق مجموعة شنط لابوغبغ 

اللي هو متجري الالكتروني للناس الجديدة او توها متابعتني <3!

حبيت انكم تشاركوني فرحتي في المجموعه لأنها مثل الحلم وصار واقع <3

ف حبيت اهديكم هالهدية البسيطة :"$

القيف اواي تتضمن :

- شنطة المكياج "ديرمه"

- روج من الارواج اللي تكلمت عنها اليوم 

شروط الاشتراك في القيف اواي :

- متابعتي في التويتر او الانستقرام 

- المشاركة في هاشتاق #PurpleitaGA

وتكتبين ف الهاشتاق ايش تحطين ف شنطة الميك أب حقتك 

او الاساسيات اللي تاخذينها معك لما تطلعين <3 !

- القيف اواي راح تستمر لمدة اسبوع من تاريخ اليوم يعني 

راح تنتهي ف يوم الاحد الاسبوع الجاي <3 

اتوقع الشروط سهله متابعتي و هشتقوا يا بنات <33 

والله يوفق الجميع و الفائزة راح يتم اعلانها في حسابي ف التويتر 

ويتم مراسلتها وارسال الهديه لها لعند باب بيتها <3 

وبكذا يكون صدق انتهت تدوينة اليوم و لا تنسوني من دعمكم وتعليقاتكم من نشر للتدوينات او الفولو على بلوق لوفين في اليمين ;) !

اذا فيه أي سؤال او استفسار بإمكانكم التواصل معي هنا او على الروابط تحت

فمان الله <3

WHEN YOU KNOW ME YOU WILL LOVE ME

منتجات خلصتها ورأي فيها #بربليتا | #purpleita products i've used up

السلام عليكم ورحمة الله وبركاته 

كيفكم وش اخباركم ؟

اليوم حبيت اخذ بريك عن #سلسلة_الميك_اب 

لأني ناوية اخر بوست لهالسلسلة يكون شامل لكل من حاب يبتدي في الميك اب 

خصوصا ان كان على هالموضوع طلب كبير وحابة اوفيه حقه ;)

فقلت موضوع اليوم يكون عن منتجات خلصتها او قريب بتخلص 

وبتكلم عن رايي ف كل منتج , من ايجابيات وسلبيات ^^ 

أول منتج هو من كلين&كلير , ما اذكر بكم لأنه من قوة ما انا راميته كان عليه غبار وحالته صعبه جدا P: !
أشتريته يوم كنت ف الجامعه تعرفون مع الحر و تجمعات اليوم على الوجه مهما كان الوجه جاف بيكون فيه لمعان , ف شفت هذا ومكتوب عليه "يومي" قلت بيكون خفيف على بشرتي خصوصا انا بشرتي جافة وما تتحمل الشي الثقيل .. 
أستعملته اول مرة وكانت تجربة فاشلة للأسف , مب بس تخلص من الدهون بس كان قوي جدا على البشره , حتى استعملته كذا بنت وبشراتهم دهنيه وصار لهم نفس النتيجة , اللي هي جفاف شدييد وقشر البشره يعني تعرفون اللي من قو الجفاف ما تقدرين تبتسمين تحسين وجهك بينشق الا شوي خخخخخخ ؟
 ايه هو هذا اثره على بشرتي , وزيادة على كذا تطلع ف منطقة الجبهه زي القشورالبيضاء.. 
عطيته فرصى ثانية وقللت كمية الاستعمال صرت استعمله مرة وحدة ف الاسبوع لكن لاحظت مع استعمالي له ان طلعت لي حبوب و تحسست بشرتي منه ف الاخير :( !
التقييم : ما حبيته وما انصح فيه احد ابد ... 

االمنتج الثاني هو من بياودرما , هو عبارة عن منظف ومزيل للمكياج , سمعت عنه 
كثير من الاجانب , ف أول ماشفته في صيدلية وايتس اخذته على طوول <333 !
ووقعت في حبه:$$, اللي يعرفني يعرف اني امشي وامدح فيه , حتى ما طول عندي وخلصت ثلاث ارباع العلبه , خفيف جدااا على البشره وما يسبب اي نوع من انواع الحساسية او الاحمرار, يزيل المكياج بسهوله و كل اللي اسويه اني احط شوي منه ف قطنة وأزيل به المكياج , حتى اللي ضد الموية يزيله ;) !
خفيف على البشره ويزيل الاوصاخ بشكل ما يؤذيها ..
السعر ف الثمانينات , 85 يمكن :$ 
التقييم : أنصح فيه لأنه خفيف و لطيف و يسوى سعره , وكمية قليلة تكفي <3

المنتج الثالث هو سبريه أو مثبت للشعر ,  من لوريال , عادي مثل اي سبريه ما عندي كلام كثير عنه الا انه خفيف يعني اللي ما تحب ان شعرها ييبس بس تبي اللفه تنمسك تستخدم هالمثبت , لكن ما ادري فجأة خلص ! , احسه فضى من نفسه ما احس اني استخدمته كثير , مدري المشكلة كانت من استعمالي او منه , المهم انه جميل وخفيف 

المنتج الرابع : عطر من لانكوم , هالعطر حكاية عشق انا وياه , شوفوا قبل لا اتكلم احب اقول اني انا وحدة تمل من العطور بسرعه وبشكل سريع اغيرها :$ ! 
بس هالعطر حبيته ومن اجمل العطورات اللي شريتها , حتى نادرا ما اخلص العطور عندي بس هذا صايرة ابخ شوي عشان ما يخلص :( وعارفة اني لازم اشتري شي جديد واودعه خخخخخخخ :$ , العطر قوي شوي بس مو اللي تصدع ف الراس , ما احسه معروف مثل باقي العطور اللي من كثر ما تشمينها تملين منها :# ! العكس مميزه ريحته لكن ينفع اكثر للطلعات , وكم بخة منه تكفي <333 ! انا فاشلة في وصف الروائح 
بس لين شميته احس فيه شي قديم يعني يذكرك بشي قديم :$$ !
التقييم : رائع وجميل , السعر 500 من سيفورا رياض قاليري 

المنتج الخامس : هي ماسكرا قديمة شوي من مايبلين , قديمة وكانت عند الجميع واتوقع
من قدمها انتهت صلاحيتها , لكني احبها وهذي ثاني وحدة اشتريها , مدري احسها من الفرش اللي تحطينها ف شنطة الميك اب ف شنطتك و تستعملينها بدون ما تفكرين فرشتها كثيفة , وتصلح للأستعمال اليومي , أحيانا استعملها فوق الماسكرا اللي انا استعملها بسبة فرشتها احسها تفرد و تكثف الماسكرا اللي انا حاطتها <33 ! 
منزلين وحدة جديدة تشبه لعلبتها , لكن ما بعد جربتها , عموما هي من الماسكرات اللي نجحوا مايبلين في انتاجها ..
التقييم : للأستعمال اليومي , وتقوم بالتكثيف حبيتها , هذي ثاني حبه عندي <3

المنتج السادس : هو من ميك اب فورافر , الستنق سبراي حقهم , من الاشياء اللي تحسفت اني اخذتها منهم , ما احسه يسوي شي :/ ! بالعكس احسه يخرب كريم الاساس خصوصا بعد ما يكون ثبت شوي على البشره , احاول فيه احاول اقنع نفسي فيه بس ماااش عجزت , هالبخاخ استعملته قبل الميك اب وبعده وما احس انه سوا شي ف مكياجي او خلاه يدوم بشكل اطول :/ ! حتى مرة جربت مكياجي بدونه و به ولا احس فيه اي فرق ! , الشي الوحيد اللي استعمله له واحس انه هه ممكن سوا شي هو اني ابخ شوي على فرشة كريم الاساس بعد وضع الاساس و امشي بها بشكل خفيف على الوجه احسه يخفف الجفاف ف المناطق اللي يكون فيها الكريم متعلق فيها ويخلي مظهرها طبيعي , غير كذا ما يثبت او يخلي كريم الاساس يدوم لفترة اطول 
التقييم : جيد .. ما راح اشتريه مرة ثانية  

المنتج السابع : كحل جيل من ماك , وهذا من اشهر المنتجات عندهم يعني كثيير ناس تعرفه و تكلمت عنه , هو اول كحل جل شريته , بقول لكم تجربتي معه مثل القصه خخخخخخ ! 
اول ما شريته حبيته ومدحته عند كثير من الناس , لانه سهل علي عملية رسم الكحل ويمديني اخففه واثقله , وكل شي كان جميل بيننا , لكن بعد فترة لاحظت انه بدأ يجف :/!
وبدا يصير ثقيل علي اني امشيه على عيني او جفنها  , وحتى اني اخذه بالفرشة لدرجة 
انه صار زي الكتل صغيره واللي صارت تطيح :/ ! مع انه ما طول وهو عندي لكن جف بشكل غريب :/ ! شوي شوي لقيتني ما استعمله وابعد عنه لأني حاولت فيه واني استعمله بس ماش , وعقب فترة اكتشفت اني مو لحالي وانه كثير من الناس يشتكون من هالشي ... ماك المفروض تلقى لها المشكلة حل يعني مب من رخصه عشان يخرب ف شهرين :) ! 
التقييم : جميل وسهل الرسم فيه لكن قبل لا يجف وينشف :/ ... ماراح اشتريه مرة ثانية

المنتج الثامن : روج ريفلون , العشق <33 ! هالروج اسمه " soft rose " ومن اجمل الارواج اللي طلعت بها ريفلون في هالمجموعه <33 ! , الروج هذا استخدمته شبه يومي في الجامعه وما ساح مع انه كان مرمي ف شنطة الجامعه , وكذا اقدره على هالشي P: 
يعطي لون طبيعي ويرطب الشفايف , صحيح ما يدوم لفترة طويلة , لكن انا عادي عندي هالشي لأن يهمني الترطيب ف الدوام , خصوصا انا شفايفي تجف بسسرعه ! 
هو يعتبر من اكثر الارواج مبيعا في هالمجموعه <33 ! 
احسه من الارواج اللي تحطينها تبع الاساسيات ف المجموعه حقتك , لأنه يرطب ولونه جميل لحمي على شوي حمار , وما راح تملين منه <3 !
التقييم : جميل جددددا وراح اشتريه مرة ثانية وثالثه <3 

اخر منتج : هو شمعه من باث&بودي ووركس , طبعا شموعهم اعتبرها من افضل الشموع عندنا , وهالشمعه بالذات احبها <33 ! هذي ثاني علبه منها و عندي ثالثه جديدة :$$ ! اعرف بتقولون ادمان , وبقول لكم ايه نعم , من الشموع اللي ريحتها غريبه اسمها "اوراق" لكن ريحتها ما احسها ريحة ورق محترق خخخخخخخ :# ! ما اعرف اوصف الروائح لكنها تبع المجموعه الشتوية ف ريحتها اقوى و اثقل من روائح الصيف , كثير يحبون هالريحة وانا منهم <33 ! , هالشمعه تطول على ما تخلص والريحة تجلس ف الغرفه حتى بعد ما تطفينها تقريبا تقعد يوم كامل <333! ومع الشتاء تحسينها صدق تعطي شعور انه دفى الجو <33 ! ما استعملها ف الصيف الا اذا مسكت معي احيانا اني اشمها :$$ 
اخذتها ب 30 ريال بعد الخصم , وغالبا اشتري روائح الشتاء ف الصسف لانهم يكونون مخفضين عليها وهي بينزلونها نفسها ف الشتاء بالسعر حقهم اللي 95 ريال :/ ! 
التقييم : من الروائح اللي ما امل منها واحبها و اشتريها مره ثانية <3

وبكذا نكون خلصنا , واستمتعت جدددا وانا اشتغل على هالبوست <3 , حسيت اني جالسة اسولف على صديقاتي وهذا عطاني شعور جميل وان شاءلله يكون هالشعور وصل لكم <3 

أخيرا لا تنسوني من دعمكم وتعليقاتكم من نشر للتدوينات او الفولو على بلوق لوفين في اليمين ;) !

اذا فيه أي سؤال او استفسار بإمكانكم التواصل معي هنا او على الروابط تحت

فمان الله <3

WHEN YOU KNOW ME YOU WILL LOVE ME

سلسلة الميك اب \ مكياج السهره من ماك #بربليتا | #purpleita make up series \ night out makeup

السلام عليكم ورحمة الله وبركاته ♥

كيفكم وش اخر اخباركم ؟

اليوم هو ثاني درس من سلسلة الميك اب , هو عبارة عن ميك اب السهره , كنت بسوي شي لون واحد بس , لكن يوم شفت البالت حقت ماك اشتهيت استخدمها ويكون هالميك اب كامل من بالت واحد بس ;) !

الميك اب تقتدرين تثقلينه وتقدرين تخففينه لكن ف النهايه لأن فيه دمج كثير واسود فهو يناسب السهرات اكثر .. لا تخافين راح اشرح لك خطوة خطوة وان شاءلله يكون سهل عليكم..

قبل لا نبدا حبيت اقول ملاحظة الورق ووضع الميك اب عليه صعب جدا , ف يمكن يكون اخر مرة اسوي هالطريقة , راح ابحث عن حل لكن اعذروني على القصور خصوصا انها مب اول رسمه اجرب فيها خخخخخخخ , جلست ساعة و انا احط لها الميك اب وما يطلع حلو =-="!!

 بس ف النهايه طلعت النتيجة قريبة من ما انا ابي  ^^ !

أول شي نجهز العين بالبرايمر , البرايمر من اربن ديكاي تجدون الصورة له ف التدوينة السابقة .. 

هالمرة قررت ما احط درس كامل راح يكون التركيز على العين بس *_^! 

طيب بعد ما نجهز العين نبدا ف الشدو وراح نسخدم من ماك هالبالت اللي ظاهره ف الصورة فوق .. 

اول لون نستخدمه هو اللي جاي على ذهبي غامق ونقوم بوضعه على جفن العين كامل مثل ماهو واضح ف الصورة .. نسخدم فرشة مسطحة او عادية لوضع الشدو وننتبه اننا ما نرقيه فوق الجفن فقط على الجفن ;)

بعد كذا ننتقل للون اللي جاي على عنابي مطفي , هاللون جميل وراح نسخدمه من زاوية العين ونبدا ندخله 

على جوا , تستخدمين نفس الفرشة اللي استخدمتيها للون اللي قبل , والتركيز يكون على زاوية العين 

بعدين تبدين تخففينه كل ما دخلتي جوا ..

بعد كذا ناخذ فرشة نظيفة واللي تجيك منفوشة , هذي من ماك ونسخدمها عشان ندمج اللونين البني و العنابي 

لكن ننتبه نروح فقط على الاطراف العين ونقوم بالدمج لين نوصل للشكل اللي يرضينا ^^

بعد كذا ننتقل للون الاسود ونركز فقط او اكثر شي على زاوية العين , نملي الفرشة بهاللون ونبدا ندخله وسط العين لكن ما ندمجه مرة مثل اللونين اللي قبل , نحاول قد ما نقدر يكون واضح , ولما ندخله لوسط الجفن 

ننتبه اننا ما نسحبه جوا مرة فقط لين منتصف العين ونوقف 

وبعدها نكرر العملية بالفرشاة المنفوشة P=! 

بعد كذا ناخذ الكحل السايل ونرسمه بشكل مقاارب جدددا لخط العين ما نبيه يكون عريض مرة , لأن لو عرضتيه

راح يصغر العين ويسبب زحمة وبكذا تكون العين تعبانه , ف نرسمه بشكل مرررة قريب من خط العين 

ونطلعه شوي برى , أفضل اني ادمج الكحل السايل مع الشدو الاسود و انصح فيه ^^ ! 

لكن بسبة الورقه ما قدرت ادمجهم سوا , عموما كذا بتكون العين تقريبا انتهت , الكحل اللي استخدمته هو 

من ميك اب فورافر , وصورته موجودة ف التدوينة السابقة <33 ! 

بعدها نرسم حواجبنا ونحط ماسكارا , دائما وابدا تكون ماسكرا ضد الموية ^^ , وهنا الشكل النهائي للعين 

بعد ما نخلص من العين ننتقل للوجه , نقوم بوضع بلشر او حمره انا هنا استخدمت بنتفت تنت 

المكان = سيفورا - بانوراما 

اخترت هالتنت لأنها ثابته وبإمكانك تثقلينها او تكون خفيفة مرة وتعطي لون طبيعي , وبدون لمعه لأن 

العين هي بتكون التركيز الاساسي للميك اب ف ما يحتاج يمتلي الوجه بلمعه ^^ 

بعد كذا ننتقل للشفايف , اخترت شي قريب على النود او اللحمي , وهو من رفلون , الرقم و الاسم واضحين

تقدرين لو حابة تحطين شوية قولس , لكن اخترت هذا لأنه مايل على قلوس ومع ترطيب و يعطيك لون بعد

الشكل النهائي للميك اب على الصورة ..

وبكذا نكون خلصنا درس اليوم , وان شاءلله يكون اعجبكم واستفدتوا منه <3 !

الاسعار ما اذكرها لكن بذكر اماكن الشراء : 

بالت ماك = محل ماك اللي في غرناطة 

الكحل السايل من ميك اب فورافر = وجوه فرع بانوراما 

بنفت تنت = بانوراما سيفورا 

روج رفلون = سنتر بوينت اتوقع سعره بـ 59ريال 

بكذا نكون انتهينا لليوم , واي سؤال او استفسار انا موجودة للإجابة عليه =) 

لا تنسوني من دعمكم وتعليقاتكم من نشر للتدوينات او الفولو على بلوق لوفين في اليمين ;) !

اذا فيه أي سؤال او اسفسار بإمكانكم التواصل معي هنا او على الروابط تحت

فمان الله <3

WHEN YOU KNOW ME YOU WILL LOVE ME

1-سلسلة الميك اب \ مكياج يومي #بربليتا | #purpleita makeup series \ everyday makeup

السلام عليكم ورحمة الله وبركاته

كيفكم ؟ وش اخباركم ^^؟

الشهر عليكم مبارك , والله يجعلنا من صوامه وقوامه يارب

تدوينة اليوم راح تكون أول تدوينة او بوست لسلسلة الميك اب , حبيت أنزل هالسلسلة في رمضان بما أن العيد قرب والتجهيزات له وكذا , هذا أول درس وأن شاءلله مايكون الأخير ♥

قبل لا ابدا حابة أقول اني حابة افيدكم اولا وأخيرا بخبرتي المتواضعه , ما اتفلسف او اوريكم الاشياء اللي عندي , العكس تماما وان شاءلله تستفيدون من تدوينة اليوم ♥

اليوم راح يكون عن الميك اب اليومي , او السريع هالشي اخترت أبدا فيه لأني اسويه بشكل سريع ما ياخذ مني ولا 10 دقايق , راح تحسون مع الشرح أنه طويل لكن أوعدكم اذا سويته بنفسك ماراح ياخذ منك أي وقت , خصوصا اني انا اروح له اللوك اذا كنت مستعجلة ;)

طبعا بعد ما تغسلين وجهك وتستخدمين منظف البشره و الكريم نبدأ بالبرايمر ^^

البرايمر هذا من بنفت , احبه لأنه خفيف ولأن بشرتي جافة و احيانا تكون دهنيه في مناطق معينه وهالبرايمر يخفي المسامات ولو كانت صغيره و يكون طبقة عازلة بين بشرتك و الميك اب , انا ما احطه ف كل وجهي احطه ف المنطقة اللي حول الأنف او اللي ممكن تكون دهينه بعدين ^^

بعد البرايمر نجي لكريم الأساس , ف الطلعات الخفيفة وخصوصا اذا كنت مستعجلة ولا لي خلق افكر ف كريم الاساس استخدم هالكريم اللي هو " شانيل أكوا" أحبه كثير لأنه خفيف على بشرتك ويعطيها نضاره خصوصا للبشرات الجافة, هو اقرب لتنتد او البي بي كريم , لكني افضله أكثر ما ادري احس اني بعد ما استعمله تكون بشرتي اليوم الثاني مو تعبانه او مرهقه :$ , قبل ما استعمله ارجه بقوه لأنه يتفكك شوي ف لازم ترجينه قبل و بعدين استخدم الفرشة من سيجما " flat top F80".

بعد ما اترك كريم الاساس شوي ف بشرتي , انتقل للكونسيلر او خافي العيوب , ولأن هالميك اب لطلعه خفيفة او يومي احب استخدم خافي العيوب من قارنيه "Rool-on" , الكورة الباردة اللي فيه احسها تريح جفن عيني و لأنه سائل احسه ما يجفف الجفن , ثباته اكيد مو قوي بس مو لدرجة اللي يسيح وكذا لكنه يغطي الهالات <33!

الحين ننتقل للعين و الشي الجميل ف عملية وضع المكياج بالنسبة لي هي العين احب العب و استمتع ف هالمرحلة , لأن المكياج عشان تستمعي فيه خذيه على انه شي انتي تستخدمينه عشان تظهرين الاشياء الجميلة واللي تحبينها ف بشرتك وتخفين اللي ما تبين العالم مرة ينتبهون له ;) !

قبل لا نبدا بوضع الشدو نستخدم برايمر للعين , عمل البرايمر هو انه يكون عازل عن الزيوت اللي يطلعها الجفن من الشدو وكذا يدوم مكياجك فترة اطول ولا يتكتل او يتجمع ف مكان معين !هالبرايمر من اربن ديكاي , وهذي عينه  اللي تجي مع اربن دكاي نيكد ^^

بعد البرايمر ننتقل للشدو , ولأننا بنكون مستعجلين ومالنا خلق "هذا انا :$" أحب اقول لكم وبكل صراحة اني دائما وابدا اروح لها الكريم أي شدو من ميك اب فورافر :$$!!

لأنه ما يحتاج فرشة ما يحتاج تعب ابد حطي شوي ف اصبعك و مرريه على الجفن , والباقي من اصبعك احب اثقل شوي عند جفن العين ويبدا يخف كل ما رقيت فوق عند صفطة العين

وما يتحرك ولا راح يتلحلح من مكانه واللون جميل جدا , ذهبي على لمحة خفيفة من البنك او زي ما يقولون " rose gold" , وتقدرين تخلينه مرة قوي او خفيف *_^ !

بعدها عشان نبعد شوي التعب عن العين ونكبرها شوي اخذي اصبعك الصغير و حطي شوي من venus من " Naked basics" أو أي لمعه خفيفة عندك وحطيه في زاوية العين بس شي بسيط وراح تلاحظين الفرق <33 !

بعد كذا تقدرين توقفين وتحطين شوي ماسكرا وبكذا تكونين خالصة , لكن اذا كان عندك شوي وقت وحابة تلعبين زيادة بالميك اب ;p , استخدمي الكحل او الجل لاينر وارسمي الـ " cat eye"  " انا هنا استخدمت الكحل السايل من ميك اب فورافر , و استخدم الفرشة اللي تجي معه لكن لو حست شوي او حابة امد الرسمة زيادة استخدم الفرشة اللي تجي زي المشطوفة مثل ما هو واضح في الصورة

الحين الماسكارا , أنا مهما كان اللوك طبيعي ما احب استخدم الا ماسكرا ضد الموية لأنها مو بس ما تسيح وتخلي لك زيادة هالات سوداء P:, بس تدوم فترة أطول ولا تتناثر او تتكسر , احب استخدم ماسكارا من بنفت اسمها " they're real ! ", مثل ما انتوا شايفين الفرشة نحيفة وهالنحف يسمع لها انها تطول رموشك وتفردها اكثر + تسمح لك انك توصلين للشعرات الصغار ف رموشك و تبرزينها ;) !

بكذا نكون خلصنا العين :D, الحين ننتقل للحواجب , لأن الميك اب ماهو ثقيل يمديك تثقلين حواجبك او ترسمينها زي ما انتي تحبين , أنا لأني احب اللوك يكون كله طبيعي استخدم " smokin' eyes" " من بنفت , البودرة اللي تحت احب استخدمها لأنها على رمادي و انا حواجبي سوداء , لكن اذا حواجبك افتح او على بني استخدمي درجة افتح من لون حواجبك بدرجة وما يكون فيها لمعه اكيد ^^ ! طبعا استخدم هالفرشة المشطوفة وهي وحدة ثانية غير عن اللي رسمت فيها الكحل لأني افضل استخدم شي نظيف ,بكذا بشكل خفيف عبي حواجبك ..

بعد كذا ننتقل للخدود , احب استعمل البرونز باودر من برجوا , لكن مو عشان اسوي كونتور او تحت عظمة الخد , لا احب احط شي بسيط على الخد ككل , لأن هالبودرة ماهي على بني او على ترابي فيها شوية حمره شوي مشمشي واللمعه تسمح لك انك تستخدمينه كبلش وهذا انا اسويه .. أستخدم معها فرشة سيجما من نفس المجموعه رقم "F84" أو فرشة بلشر عادية ^^

أخر مرحلة هو الروج , هالروج هو ادماني الجديد مهما حاولت القاني اروح له , اللون مرعب شوي بتقولون كيف يا لمياء تقولين لوك طبيعي وتستخدمين هالدرجة :O ؟

بقول لك ان هالروج مات اول شي ومع كذا كريمي يعني يرطب الشفايف , واللون فيه بإمكانك تخلينه خفيييف لدرجة كأنه على بنك او فوشي او تعيدين عليه لين ما يوصل للدرجة اللي ف علبة الروج نفسها , الروج من توب شوب أسمه "  the damnd " جدا انصح فيه خصوصا هالدرجة لأن تنفع للصيف و الشتاء وبإمكانك تثقلينه او تخلينه خفيف و الدرجة بتشوفونها ف الرسمه تحت ما كأنه من نفس العلبه P: !

هنا حاولت اني اوريكم المكياج على الوجه , وان شاءلله يكون واضح طبعا خليته شوي ثقيل عشان الورقة تعبتني شوي يالله يبان فيها اللون وحطوا ف بالكم انها مسطحة مو ثلاثية الابعاد مثلنا كأوادم XD ! , اللمعة اللي ف زاوية العين ما بانت لأن الشدو كان على ابيض شوي ف تبخرت =-="!!

بكذا نكون خلصنا الميك اب اليومي , ما استخدم بودرة الا نادرا ,لكن بإمكانك تستخدمين أي بودرة تناسب وجهك , مثل ستاي مات حبيبة الكل ;) !

في النهايه اقول ان شاءلله استفدتم لو شي بسيط , وان شاءلله ما اكون كثرت عليكم حكي

اول مرة اجرب هالشي اني اقول لأحد كيف احط مكياجي خطوة بخطوة خخخخخخخخ , جد شي غريب ولا فجأة اناظر وجهي ف المراية واتخيلني احطه ف نفس اللحظة عشان ما انسى شي خخخخخخخخخخخخخخ ! ولو حابين أني انزل تدوينة عن كيف طريقة الرسمه خبروني في التعليقات تحت وان شاءلله راح اخصص تدوينة ف السلسلة لها الشي ...

* بالنسبة للرسمه مستقبلا ف التدوينات الجاية حابين انزل كيف حطيت المكياج عليها خطوة بخطوة ولا مثل اليوم ؟ قلت هالمرة اسوي كذا و بعدين اشوف وش تفضلون ^^ <33

لا تنسوني من دعمكم وتعليقاتكم من نشر للتدوينات او الفولو على بلوق لوفين في اليمين ;) !

اذا فيه أي سؤال او اسفسار بإمكانكم التواصل معي هنا او على الروابط تحت

فمان الله <3

WHEN YOU KNOW ME YOU WILL LOVE ME