تنسيقات لفصل الربيع مع #بربليتا || spring outfits by #purpleita

السلام عليكم 

كيفكم ؟

توني فرحانه بنفسي اني صار لي اسبوعين انزل كل اسبوع بوست بس ما قدرت الا اني اتاخر لان الفوتوشوب ومشاكله :(

اهم شي اني قدرت انزل اليوم تدوينه ممكن مبكره فيها لكن وانا اصورها احسها تجيب لي السعاده من الالوان اللي اخترتها 

هي كانت ف البدايه كيف تنسقين بنطلون واحد بثلاث طرق 

لكن حسيت بعد ممكن تساعدك وتعطيك افكار انك تتشجعي بالالوان الفاقعه و النقشات المختلفة 

وللتنبيه ذوقي ممكن يختلف عن ذوقك وما يعجبك و ف النهايه هي ايحاء لك او طريقه تساعدك انك تتشجعين ف التنسيق وما تكونين مقيده نفسك بشي واحد معين ^^

اول تنسيق مره صيفي لكن تقدرين تلبسين فوقه بلوفر اسود او بوي فرند جاكيت ابيض $ـ$

البنطلون هو الاساس ف التنسيقات .. حبيت احط فوقه بلوزه خفيفه من اللونين الابيض و الاسود , حبيت اللرسمه اللي فيها مخليتها فرايحيه و ماهي رسميه مره . وبعد ان فيها رسمه + مخططه من ورا بالابيض و الاسود كسر
 حدة فقاعة اللون البنطلون ، حبيت تفاصيل الدانتيل مع الشيرت وخفته 

قررت البس معه كعب قصير اسود و اكسسوار خفيف
لان تقدرين تضيفين اي نوع من الاكسسوار بس انا احب البس ساعه مع اسواره ، وبعد الحلق من forever21 
الكعب : زارا 

ثاني طله لطلعه خفيفه و زياره سريعه للاهل و الصديقات 

القميص اساسا اخذته للبنطلون من فور افر٢١ ، واللي خلاني اختاره هو الاشكال اللي فيه فيه منها نفس اللون اللي ف البنطلون مع باقي الالوان اللي تعكس فرفشه 

واحلى شي من ورا الفتحه لان من قدام تحسون رسمي و عادي لكن من ورا بووم فيه شي ثاني وانه مو رسمي مره ^^

حبيت البس معه شوز خفيف ويكون اللوك مره بسيط و مريح لكن اذا حابه تقدرين تلبسين معه كعب نود 
الشوز : forever21

اخر طله هي بالنسبه لي الطله المفضله عندي $ـ$ وتعتبر اكثر وحدة مناسبه لجمعات اكبر شوي ، و احس اللي قبل صحيح فيه دمج بين اللون الفاقع و الاشكال الملونه ، لكن هذي حتى النقشات كبيره وفاقعه $ـ$

والكيمونو للحين موضتها مستمره ، وبالنسبه لي احب الكيمونو حقت اسوس ، وهذا تحديدا من موقع اسوس 
تحته تقدرين تلبسين توب ابيض سادة 
لكن لاحظي كيف الورود نفس لون البنطلون من نفس الدرةه تقريبا ، لكن اللي احب اقوله انه لا تخلين الالوان الفاقعه او النقشات الكبيره تخوفك جازفي ممكن تلقين ان الطله كلها تعجبك $ـ$

انا احب البس مع هاللبس تحديدا عقد كبير او واضح ، وهالعقد و الحلق من forever21 و معها كعب نود لان ما احس الطله تتحمل الوان زيادة
ولان القطعه اللي تحت الكيمونو بدي ابيض 


وبس 
ان شاءلله هالبوست فتح نفسكم للبريع و الجو الجميل اللي نمر فيه هالفتره استمتعوا فيه وخلوا الاصواف خخخخخ :$
وشوي شوي دخلي الوان فرايحيه في لبسك وطلتك 
و فعلا استمتعت وانا اصور هالبوست لان الالوان تجيب السعادة $ــ$
اي سؤال او اسفسار تقدرون تتواصلون معي تحت 

فمان الله 

WHEN YOU KNOW ME YOU WILL LOVE ME

all about brows #purpleita || كيف اسوي حواجبي #بربليتا

السلام عليكم ورحمة الله وبركاته 

كيفكم ؟ ، ان شاءالله مرتاحين ومبسوطين بالزياده خخخخ :$

الله يبارك لكم فيها .. تدوينة اليوم عن الحواجب وما ادراك ما الحواجب ، اول شي حابه اقول عن انا كيف احب حواجبي تكون ، احبها تكون طبيعيه شكلها ومب كانها بلكه فوق الراس حتى التقوس حقها يكون طبيعي قدر المستطاع ، دايما الميك ارتيست الاجانب يقولون ان البنت المفروض تتبع الشكل الطبيعي لحواجبها و شعيراتها و بعد لازم نستوعب ان الحواجب خوات يعني مستحيل يكونون مثل بعض بشكل كامل ١٠٠٪ وان صاروا ف هالشي بيعطي منظر مصطنع .

احب اقول اني اشوف الحواجب شي شخصي جدا وكل وحده وطريقتها ف رسم حواجبها ايش يناسبها 

اول شي لازم اقول نوع حواجبي .. الحمدلله حواجبي مرتبه وما شقرتها الا مؤخرا و التشقير انا اسويه ولا اصبغها 

حواجبي سخيفه نوعا ما ف احب اعبيها "شوي" ما اكذب احيانا اتحمس خخخخخ بس بشكل عام احب اتتبع الشكل الطبيعي للحواجب ، مثال على كلامي حواجب بيونسي $ـ$

الحين ننتقل للادوات اللي استدخمها لرسم حواجبي ..

اول شي بالفرشه المشطوفه حقت الكحل + باليت الحواجب من الف اقوم بتعبية الحواجب بالجل اللي جاي مع الباليت 

فيه منه درجات كثير و كل وحدة تشتري درجة حواجبها 

بالنسبه لي اخذت غامقه شوي لان حواجبي غامقه 

اعبيها بشكل خفيف بالفرشه بالجل بعدين اعيد عليه بالبودرة 

ليه ؟ لان الجل يكون مثل الصمغ يمسك ويثبت البودرة مكانها 

برغم رخصه لكن حبيت هالباليت من الف تعدد الدرجات و سهولة الرسم بالجل او البودرة يسهل علي اني ارسم حواجبي بشكل سريع . 

احيانا كثير اوقف هنا وخلاص لكن لان شعر حواجبي بعضها طويل وممكن تتحرك او تنحاس 

هنا استخدم ماسكارا حواجب وفيه ماركات كثير مطلعتها 

لكن انا افضل حقت بنفت لانها صغيره ف تسهل عليك انك تثبتين الاماكن الصغيره (مثل زاوية الحواجب ) وراح تثبت لك كل شغلك وتعطي لون جميل $ـ$

العمليه ماراح تاخذ منك وقت ط،يل اذا عرفتي كيف تتعاملين مع حواجبك ، انا ما احب الحواجب القاسيه اللي تحسينها مرسومه بالقلم ، حلاتها يكون فيها شوي شعيرات و طبيعيه شوي :$ طبعا هذا رايي الشخصي خصوصا اني انا بطبعي احب كل شي طبيعي :$

وبس ان شاءلله هالتدوينه افادتكم شوي 

وقريب راح انزل كل شي عن منتجات الف اللي جربتها 

بس لانها كثيره يبي لها مزاج خخخخخخ ..

اذا فيه اي سؤال او استفسار تقدرون تتواصلون معي تحت 

فمان الله 

WHEN YOU KNOW ME YOU WILL LOVE ME