السلام عليكم، كيفكم؟
اليوم راح اتكلم عن اكثر فاونديشن بسعر مناسب حسيته ينفع للبشرات الدهنيه و المختلطة.
واستخدمته كثير في الصيف.
مثل ما انتوا عارفين انا بشرتي مختلطة وعندي مسام في منطقة الانف يعني التي زون عندي دهنيه. ولكن باقي وجهي جاف. شفت افضل طريقة لي او تناسبني اني استخدم كريم اساس للبشرات الدهنيه على التي زون وباقي وجهي كريم اساس خفيف. عشان ما اكتم وجهي بشكل كامل.
بالنسبة لها الفاونديشن :
الاسم: Infallible 24H Matte Foundation
مكان الشراء: صيدلية بوتس
الدرجة: هوني - ٠٣
الدرجة: هوني - ٠٣
اول شي سعره يعتبر رخيص ، والدرجات اللي فيه قليلة ماهي كثيره. واكثر شي حبيته انه فعلا يغطي المسام ويتحكم في الدهون في البشره ويدوم على الوجه فترة ممتازة. انا احطه باستخدام البيوتي بلندر ولا احط فوقه الا بودرة سائبة وعلى الانف بس عشان يدوم ثباته واخفائة لمسام الوجه. لانه ثقيل ينفع تحطين منه كمية بسيطة وراح يكفي ويغطي المناطق اللي انتي حابه تخفينها بشكل كامل. لي فتره استخدمه وجدا مرتاحة معه وحابته. ومن المفترض انه ضد الموية و التعرق وانه يدوم معك ٢٤ ساعه. بصراحة ما احس فيه اي بنت حابه الفاونديشن يكون على وجهها ٢٤ ساعه. ولكن هو فعلا مثل ما ذكرت يجلس فتره طويلة على البشره.
وهذا اللي في فتره الصيف استخدمه للتحكم في الدهون و لثباته على الوجه فتره طويلة.
فمان الله ♥♥♥
WHEN YOU KNOW ME YOU WILL LOVE ME
