السلام عليكم ، كيفكم ؟
سبق ونزلت كيف اسوي حواجبي و تكلمت عن الادوات اللي كنت استخدمها. لكن هالمرة حابه اتكمل بتفصيل اكثر بخصوص الادوات و كيف انا اسوي حواجبي.
حواجبي اول شي ما هي مصبوغه او كثيفه، خفيفه نوعا ما ويسهل علي رسمها.
لكن احب انظفها وارسمها بطريقة مرتبه بالليزر، اسويه كل شهرين عند عيادة عبدالعظيم البسام. احب اسوي تشقير بالليزر لانه يجلس فترة اطول و حتى لما يروح التشقير يكون مرتب مو مثل لما اشقره بالطريقة الاعتيادية، وهذا رأيي الشخصي واتمنى احترامه.
انا التنظيم الوحيد هو في نهاية الحاجب من تحت فقط الحمدلله يعني ماهي متعبه في الرسم او التشقير.
الحين نروح للادوات اللي استخدمها. لي فتره طويله ما استخدم غير قلم الحواجب من سماش بوكس وهو يعتبر دايما الخطوة الاولى او الوحيدة.
تفاصيله:
الاسم: Brow Tech Gloss Stick
السعر: 21$
الموقع: هنا
الدرجة: Brunette
اللي في الصورة هو قلوس يعني فيه لمعه خفيف يعطي منظر قلوسي للحواجب وعندهم مات نفس القلم. انا لي فتره استخدمه وفعليا من بديت استخدمه والكل لاحظ الاختلاف في حواجبي كيف هي طالعه نظيفه اكثر ومرسومه بطريقة مرتبه وطبيعيه اكثر !
ومن يومها وانا كل ما خلص اشتريه لاني استخدمه بشكل يومي ولا لاحظت عليه تساقط لشعر حواجبي.
الخطوة الثانية هي اذا حسيت لازال فيه فراغات او حابه اطفي القلوس اللي في حواجبي استخدم بودرة من باليت naked basic من اربن دكاي. لي سنين استخدم هالدرجة وشوفو كيف من حبي لها وصلت للاخير خخخخخخخخخخ. احب فيها ارتب و اثبت القلم بشكل اكبر. وانا الحمدلله حواجبي ما تتحرك من مكانها او تنحاس ف مريحتني في هالموضوع.
ثالث واخر خطوة هي ماسكارا الحواجب. وللامانه ما استخدمها كثير اذا صرت رايقة و مشتهيه ادلع حواجبي استخدمها لكن لي فتره من شريت قلم الحواجب من سماش بوكس وانا شبه متوقفه عن استخدامها. بس احب استخدمها في بداية حواجبي عشان ارفع واثبت شعيرات الحواجب اللي في البداية يعطي منظر حواجب طبيعيه وكانها محيوسة شوي و كثيفه شوي “وهذا الاتجاه للحواجب هالفتره”.
وبس
انتوا ايش الادوات اللي تستخدومها في رسم حواجبكم؟ وفيه قلم معين حابيني اتكلم عنه؟
ياليت تكتبون لي ردودكم تحت يسعدني اني اعرف ايش تحبون وكذا ^^
فمان الله ♥♥♥
WHEN YOU KNOW ME YOU WILL LOVE ME
