السلام عليكم ورحمة الله وبركاته
كيفكم ؟
أشتقت للمدونة و التدوين واشتقت اني اسولف هنا
مهما كتبت تقارير بسيطة ف التويتر او الانستقرام بس ف المدونة لها نكهه خاصة , اني اكتب بشكل مسهب خخخخخ
ولأني مقصره كثير مجهزه تدوينات حقت شهر قدام خخخخخ
وكلها منوعه ومفكرة فيها زمان بس اشوا اخيرا فضيت اني اسويها , الشغل ما يخلص ف قررت اني اصور مجموعه من التدونيات واصير انزلها بشكل اسبوعي اسهل لي
لأن اكثر شي يتعبني شوي هو التصوير ..
ما علينا اهم شي رجعنا $_$ .. واكثر شي يفرحني انه للحين فيه ناس تدخل المدونة وللحين فيه ناس تسأل عني وبعد هالشي اكيد يشجع <3
...
تدوينة اليوم عن منتجات\ادوات التجميل من ماركة اتش اند ام
من زماان شريت منهم فرشة وهالفرشة جلست عندي حول ال 6 شهور او اكثر ومع الغسيل و الاستعمال انبهرت فيها , ومنها بديت شوي شوي اشتري منهم واجرب <3 !
أول شي مناكيرهم , لأن عندي حب للمناكير و اللمعه تحديدا شريت منهم مناكير اللمعه ولازلت اذا رحت لهم اشوف وش اشكال اللمعه الحديدة عندهم ..
بالنسبة للمناكير اللمعه جميل جددددا $_$!! اتعب وانا اقول جميل يجلس طول فترة ما انتي حاطة المناكير , ويطلع جميل فوق الالوان اللحمية \ الفوشية \ اي لون حابة تحطينه فوقه
احب احط على ظفر واحد اللمعه وفعلا هالشي يعطي لمسة فخامه خصوصا فوق الالوان الغامقة <3 , اسعار مناكيرهم موحدة 29ريال , ومرة حلو السعر خصوصا انها ما تتفكك مثل المناكير العادية
بالنسبة لمناكيرهم العادية *الالوان* I'm not a big fan
ما احبها وشريت 2 واحد نشف وخرب بشكل سريع لدرجة اني تحسفت اني شريته والثاني هذا , ومثل ما انتوا شايفين ف الصورة بدا يتفكك ويجف , وما احب هالشي , بالنسبة لي هذا اكبر منفر وفعلا من يومها ماعاد شريت منهم , لان حرام ادفع لو 20 ريال على مناكير ف اقل من شهر او شهرين يتفكك , وفيه ماركات كثير "رخيصة" ويجلس المناكير سنة كاملة ما تغير <3
ف ما انصح فيها جودتها ماهي كويسة . بس بالنسبة للمعه جدا جميلة وشايفة انهم عشان فصل الصيف منزلين لمعه ملونة فوشي \ ازرق \ احمر <3 ! وافكر اخذ منها <3 ..
صورة للمناكير , الاول قطع اللمعه كبير وواضحة , اما الثاني فهو ملتي كولر يعني فيه كذا قطع صغييرة لمعه ملونة وواضحة ف الصورة <3
ثاني شي ارواجهم , وهالنوع تحديدا , وقعت في غرامه من اول ما شريت اول لون , عندهم 4 الوان حاليا
( احمر - اورنج - نود"لحمي" - فوشي )
الاورنج و النود ما اعجبوني خفيفات مررة بعكس اللوانين الاحمر و الفوشي , الفوشي من اول ما تحطينه يطلع اللون <3 والريحة لذييذة خخخخ , ريحة حلاو $_$ !
وبعدين العلبة جميلة انه تشوفين اللون من قبل لا تجربينه وفعلا الدرجة هي نفسها مثل العلبه , وما يحتاج تبرينه , بس تحركينه من تحت ويطلع الروج . .
الفوشي : قوامه مخملي \ يجلس فترة اطول \ يرطب \ فيه لمعة خفيفة
الاحمر : اخف قوامه \ مائل للقلوس \ ترطيب \ ولمعة اكثر
مع انه المفروض يكونون نفس القوام بس حتى وانتي تجربينهم على يديك تلاحظين الفرق بين اللونين ..
حابتهم مرة وبالنسبة لي افضل من حقات ريفلون .. ولما احط الفوشي لاحظت ان اللي حولي يسألوني عن اللون <3:$
الارواج السعر : 29ريال
أنصحكم تجربونها خصوصا مع فصل الصيف حلو انك تجربين الوان فيها لون مثل الاحمر الفوشي و الاورنج <3 ..
اخر شي الفرش , وهي مثل ما قلت فوق السبب اللي خلاني اجرب اكثر منتجات التجميل من اتش اند ام <3 ..
خصوصا الفرشة الكبيرة , اخذتها لأني كنت احتاج فرشة لكسرة(عفطة) العين غير عن اللي عندي .. وشفتها وقررت اجربها خصوصا انها كانت حول 29 ريال مثل باقي اشيائهم
واخذتها وجربتها اول شي حابة اقول انها ناااااعمه !!!
وهالشي صدمني , وفوق كذا شعرها ما يطيح , مليانه شعر
وهالاشياء كلها يساعد انها تلقط الشدو بشكل اسرع + توزعه بشكل افضل , صرت استخدمها ف حواف الشدو عشان يتوزع بشكل افضل وما يكون واضحة اطرافه ..
صرت ما استغني عنها حتى افكر اخذ وحدة ثانية لأن احيانا احتاج فرشة توزيع نظيفة عشان ترتب\تخفف الحواف بشكل ارتب وكل ما ماكنت الفرشة نظيفة كل ماكان التوزيع اسهل لك
اكثر شي استخدمها لعكفة العين لان شكلها يسمح انها تدخل وسط العكفة و توزع الشدو بشكل اسهل <333 !
ومع الغسيل و الاستعمال للحين ناعمه وشعرها ما طاح <3
بالنسبة للثانية الصغيرة احبها لو كنت حابة احط سموكي واحدد اكثر تحت العين عند الخط وقريب من الرموش <3 شعرها صغير وشكلها شبه مربع يسمع لي اني اقرب من خط الرموش واوزع الشدو تحت العين بشكل ارتب ..
عموما فرشهم هذي ممتازة وحابة بعد استمر ف اني اجرب منتجات اكثر .. ولو جربت اكيد راح اكتب
لأن بالنسبة لي ما كنت افكر عند اتش اند ام ارواج حلوة او فرش جودتها مرة كويسة , وحاليا افكر اشتري بونزر وعندهم بعد بي بي كريم ف لو حابين جربتهم <3 ..
في النهايه احب اشكر اللي ساعدتني بخصوص جودة الصور
لأن كانت مضايقتني جودة صوري وان شاءلله يكون الفرق باين خخخخ , لأن احس نص جمال التدوين هو حلاوة الصور $$
وان شاءلله ما انقطع مرة ثانية لأن اشتقت لكم اكثر شي :<
وبعد احيانا اكتب تقارير بسيطة عن بعض الاشياء اللي جربتها بس ما احس انها تسوى اكتبها ف المدونة ف اذا حابة تقرينها تابعيني على التويتر و الانستقرام ..
و اشوفكم الاسبوع الجاي ان شاءلله , واي سوال او استفسار او اي طلب تقدرون تتواصلون معي تحت ..
فمان الله
WHEN YOU KNOW ME YOU WILL LOVE ME
