السلام عليكم ورحمة الله وبركاته ,
كيفكم اليوم ؟
من زمان ما نزلت شي عن الميك اب ف حبيت اليوم انزل
مكياجي اليومي أو طريقتي في وضع مكياج خفيف
ويعطيك لوك ما كأنك حاطة او تاعبه فيه ;)
وبعد في نهاية التدوينة راح يكون فيه تقرير بسيط عن ماركة
BH Cosmetics
الميك اب هذا فعليا اسويه ف 5 دقايق يعني ما ياخذ مني وقت ابد
وحبيت اني اوريكم اياه خصوصا اني ف ويك الاجازة كثرت
الطلعات الخفيفة ولقيتني استخدم الاشياء اللي راح اذكرها تحت
أول شي نبدا ف تحضير البشرة للمكياج , لما نبي نوصل لنتيجة
الميك اب الخفيف او اليومي يفضل ما تكثرين اشياء على وجهك
تعلمي تستخدمين كريم الاساس و الكونسيلر في الاماكن اللي تحتاجينها فقط ..
وهالشي راح تشوفونه هنا . .
ارجع اقول اول شي ابدا في البرايمر , وبشرتي ماهي دهنيه
لكن فقط في منطقة الانف و حولينه ف احط البرايمر عليها ^^
هالبرايمر من سماش بوكس و سمعت انه رجع يفتح عندنا ^^
بعد كذا احط كريم الاساس , هالفاونديشن هو التوب عندي في الطلعات الخفيفة مهما شريت من بيبي كريمز القاني دايما ارجع له
وكثير تكلمت عنه في البلوق ف ماراح اتكلم كثير بس بقول انه
يعطي ترطيب رائع لدرجة اني حتى لما اغسل وجهي و ازيله يكون ملمس بشرتي رطب وماهي ناشفه <3
ويعطي تغطية خفيفة الى متوسطة ..
واخيرا البرايمر حق الظل , اوربان دكاي بالنسبة لي هو افضل برايمر للعين , انا جفن عيني عكس باقي بشرتي دهني جدددددا
يعني لو ما احط برايمر على طول راح يتفكك الشدو و يتحرك من مكانه ف احط البرايمر على جفن العين <3
وراح يجلس معك لباقي اليوم بدون ما يتحرك ;)
- برايمر سماش بوكس
- فاونديشن شانيل اكوا
- برايمر العين من اوربان دكاي
الفرش اللي استخدمتها في هاللوك :
- فرشة كريم الاساس
- فرشة لتحديد الحواجب
- فرشة لتوزيع الظل
- فرشة للبلش او حمرة الخدود
...
بعد كذا تقدرين تحطين بودرة انا قليل احطها ف انصح انك تستخدمين البودرة لو كانت بشرتك دهنيه ^^
الحين ننتقل للهايلاتر - الاضائه او خافي العيوب
احب مخفي العيوب \ الاضائه من مايبلين
وقد تكلمت عنه في البلوق , يعطي اضائه جميلة تنفع للاستخدام اليومي , احطه على اعلى عظمة الخد , وقريب جدا من جفن العين السفلي يعكس النور و يكنسل الهالات <3
ومافيه لمعه او قلتر فما هو اوفر بالعكس يعطي الوجه نظرة صحية و ينفع للاستخدام اليومي انصح فيه <3
بعد ما خلصنا من الوجه و ننتقل الحين للعين ,
هنا انا اكون قد حطيت البرايمر ف ما باقي الا الشدو , العين هي اللي بإمكانها انك تخلي اللوك حقك دراماتيك او طبيعي
ف كله يعتمد على لون جفنك او درجته , انا احب استخدم الوان ترابيه فيها قلتر بس مو قوية , تكون اقرب شي للون الجفن ف تقوم بتوحيد اللون ...
هالدرجة بالذات من بي اتش هي اللون المثالي بالنسبة لي
ترابي على قلتر احب احطه على كامل الجفن و زاوية العين الداخلية عشان يفتح العين اكثر <3
عموما انا انصح بالدرجات هذي او البنك , لأننا نبي نوصل للشكل اللي هو صحي وفرش و ما كأنك حاطة ميك اب او متعبه نفسك
بس ف نفس الوقت تطلعين من البيت وانتي واثقة منها <3
بعد كذا ننتقل للماسكارا , احب دائما استخدم ماسكارا مقاومة للماء واعتبر انه بما ان كل شي سمبل في اللوك ف بإمكانك وضع ماسكارا تكثف وتطول رموشك <3
هنا استخدمت ذا فولسيز من مايبلين .
بعد ما نخلص من العين ننتقل للحواجب ..
والحواجب تختلف من شخص لاخر وكيف طريقتك في ترتيبها
انا دائما استخدم هالدرجة من شدو بنفت . . لأن حواجبي غامقة
ف احاول و انصح انك تستخدمين شدو \ قلم حواجب افتح من حواجبك بدرجة عشان تكون طبيعيه <3
وارسمها بفرشة الحواجب اللي في الصورة فوق , الفرشة اللي تكون مايلة ^^
اخر شي نعطي لون لبشرتنا عن طريق وضع بلشر بنك او وردي
احب هالدرجة من كاراجا وقد ذكرتها في مشترياتي
اللون بنك فاتح و فيه شوي قلتر ف يعطي لمعه لكن خفيفة للبشرة <3
ولا ننسى الروج , دائما اذا تبين توصلين لها اللوك استخدمي
ارواج كريمي \ قلوسي , وبعد تكون درجاتها قريبة من لون شفايفك , على الوردي او درجات العنابي الفاتحة
هنا انا استخدمت الروج المفضل عندي للأبد خخخخخ
من ريفلون <33
وبكذا اكون خلصت من الميك اب واللوك ..
- ما استخدمت كونسيلر لأن الحمدلله بشرتي مافيها حبوب فما تحتاج
- كل بشره تختلف اعرفي وش تحتاج له بشرتك و ابدي تعاملي معها على هالاساس
- تقدرين تحطين برونزر على المناطق اللي حابة تنحفينها \ تخفينها اكثر
- الفكرة في هاللوك هو انك ما تكثرين بالاشياء لكن تستخدمين كل شي في مكان الصحيح , والالوان الترابية + البنك هي اللي تعطي المنظر الصحي و البنك يعكس ان خدودك موردة <3
...
الحين بتكلم عن ظلال BH
اول شي من فترة يعني من حول السنتين كنت اسمع كثير
يوتيوبرز يتكلمون عنها هالماركة و واضح انهم متعاقدين معهم
بس شفتها وشفت اسعارها وحسيتها رخيصة ف قلت اجرب ماراح يضر , وقررت اطلب الـ :
Neutral Color Eyeshadow Palette 28
الرابط : هنا
السعر : 12$ *كان وقت تخفيض*
فيه عندهم مجموعات كثير والوان كثير , لكن هذي حسيت هي اكثر شي راح استفيد منه , وفعلا هذا اللي صار
الوانها طبيعيه \ ترابيه \ سموكي
فيه تدرجات كثير ومثل ماهو واضح في الصورة :
الصف الطولي اللي على اليمين هي الالوان اللي تكون للسموكي
الالوان قوية وواضحة يعني من اول ما تمسحين عليها بإصبعك
راح تبان <3
بعضها ما حبيته وهي اللي فوق واللي في الوسط لأن ماكانت تبان مرة او ما كأني حاطة شي , لكن لأنها مات ودرجتها مائلة على الترابي اتوقع كان هذا السبب
الدرجات اللي فيها قلتر هي احلى شي القلتر يعكس وما يتناثر بكثرة تحت العين <3 ..
بالنسبة للسعر فهي رخيصة جدا خصوصا انك راح تحصلين على 28 درجة , ومقارنة بالبالت اللي عندي وشاريتها من هنا وكان سعرها رخيص فهي افضل بكثييييير <3 !
واستفيد منها خصوصا الدرجات الداكنه , و الدرجات الطبيعيه مثل اللون اللي صرت دائما استخدمه للطلعات الخفيفة <3
في النهايه
إحسها تنفع للمبتدئات في المكياج لأن سعرها رخيص
وفيه منها الوان وتدرجات كثير وجودتها كويسة
فما راح تقولين حسافة او تحسين انك جالسة تلعبين فيها
ومع كل بالت او شدو في الموقع فيه فيديو لبعض اليوتيوبرز
وكيف استخدموها ..
أعتبرها النسخة اليومية الخفيفة من باقي الشادوهات
مثل نيكد و ماك اللي عندي <3
وبس ..
ان شاءلله التدوينة اعجبتكم وحبيت ادمج تدوينتين في وحدة
واعطيكم تقرير بسيط عن البالت ..
ولا تنسوني من دعمكم بالرتويت و التعليق و اللايك في جميع وسائل التواصل الاجتماعي <3
أي سؤال او اسفسار تقدرون تتواصلون معي عن طريق وسائل الاتصال
ولو حابيني اتكلم عن موضوع معين لا تتردون ف انكم تعطوني خبر ^^
فمان الله
WHEN YOU KNOW ME YOU WILL LOVE ME
