السلام عليكم ورحمة الله وبركاته
كيفك ؟
ما عمري فكرت انزل مفضلات , لأني بصراحة امل من الاشياء
بسرعه يعني غير الاساسيات كثير اغير واوقف استخدم اشياء عندي وانساها "^^ .. بس هالمرة قلت ما اتكلم عن "مفضلات"
بس اشياء حابتها هالفترة و اشياء احس اني مستحيل اغيرها طالما الشركات تصنعها خخخخخخخ .. وهذا هو تدوينة اليوم <3
الترتيب عشوائي , وكلها اشياء تكلمت عنها قبل يا بشكل مفصل يا بشكل بسيط
وكلها راح اتكلم عن ليه حابتها | استخدمها | ما استغني عنها <3
أول شي هو كريم الاساس المفضل عندي دائما وابدا وهو :
الأسم : Chanel Vitalumiere Aqua
السعر : حدود الـ 200
تفاصيل اكثر :
* واقي شمس 15SPF
* اساسه مائي يعني انه ماراح يسد المسامات
* يعطي ترطيب عالي
*تغطيه خفيفة إلى متوسطة
* يعطي البشرة نظرة صحية ولمعة خفيفة "يعني بشكل صحي اكثر من انها لمعه"
* يجب تحريك العلبه بشكل جيد قبل وضعه
هالكريم الاساس احبه اكثر شي استخدمه , واعتبره ينفع لجميع انواع البشرة
هالفترة بشرتي صايرة مايلة اكثر على المختلطة في التي زون ,ومع اني كنت استخدمه لما كانت بشرتي صحراء قاحلة و الحين مختلطة في كل الفترتين حابته <3
واحسه يعطيك احساس اللي ماكنك حاطة ميك اب بس ف نفس الوقت مع الدمج يعطي تغطية متوسطة , خفيف جدا على البشرة وراح تحسين بعد ما تشيلينه بالغسول ان بشرتك ماهي ناشفه بالعكس احس في كل مرة استخدمه ان بشرتي فعلا رطبة !
هو من المنتجات اللي مستحيل ما ارجع اشتريه *لأنه شوي ويخلص* :(
أحبه وفعلا كريم اساس يسوى سعره , لانه يجلس معك فترة طويلة ويعطيك الترطيب و المنظر الصحي الديوي <3 .. انصحكم فيه وان شاءلله راح تحبونه
لاني قريت كذا مدونات بشراتهم تختلف عني وكلهم يمدحونه , وبالرغم من ان فيه واقي شمس , لكن ما يعطيك هذي الطبقة البيضا ..
ملاحظة :
اذا بشرتك فيها اثار حبوب كثير او حب شباب ما اعتقد راح يناسبك .
الأسم :Sigma Round Top Kabuki F82
المكان : موقع سيجما
هالفرشة شريتها مع مجموعة الفرش للوجه الثلاث من موقع سيجما .
اخذتها قبل سنتين تقريبا , ومن سنتين وانا لاحظت اني اذا بغيت نتيجة مثالي للفاونيشن اللي استخدمه راح استخدمها هي تحديدا من بين الثلاث فرش<3 !
هي الفرشة اللي استخدمها مع كريم الاساس , مو بس حق شنيل بس مع كل كريماتي
لو تحطين شوي بس من كريم الاساس راح توزعه لك بشكل جدا جميل
ولأن الفرش صغار و ملمومه فهي ما تمتص الكريم وبالعكس توزعه لك بشكل انتي نفسك تلاحظينه <3 , انصحكم فيها بصراحة .
أعتني فيها ونظفيها وراح تجلس معك العمر كله , لان شعرها ما يطيح ابدا <3
الأسم : Garnier Tinted Eye Roll-On
المكان : الدانوب
كونسيلر من قارنيه , هو الكونسيلر اليومي اللي استخدمه بدون تفكير .
طول هالاسبوعين كل ما حسيت ان عندي هالات و جفني منتفح استخدمه
- لأن الكورة الباردة تخفف من الانتفاخ
- كونه سائل نوعا ما هذا يعطي ترطيب + يسهل علي دمجه
الحين طلعوا درجات منه <3 , وفعلا احبه لأنه يعطي تغطية ويجلس معك اليوم كله
ما يجلس على الخطوط الرفيعه تحت العين , واعتبره ينفع للي ماعندهم هالات شديدة
وينفع بعد للأستخدام اليومي مثل ما قلت , وبرجع اشتريه <3
حتى الشركات الكبيرة الحين صارت تسوي كونسيلر بنفس طريقة قارنيه
منتج جميل بسعر اجمل <3
الأسم :benefit big beautiful eye an eye contour kit
المكان : وجوه
الحلو في شادوهات بينفت هي انه مع كل علبه يجيك صور تعلمك طرق لوضع الشادو
ومع فرشة لتحديد و تزيع الشادوز <3
اخترت هذي تحديدا لأنها اولا من زمان عندي والقاني بين كل فترة وفترة ارجع استخدمها , خصوصا البنك الفاتح مرة <3 , هو لوني المفضل في الكيت
احبها لأنها شوي منها يكفي على الجفن كامل , وبإمكانك تسوين لوك كامل من هالعلبه البسيطة , والالوان جدا حلوة وتعطيك نتيجة اروع , البنك احب احطه احيانا على الجفن كامل ومع كحل وشوي ماسكرا وبسس <3 طلة خفيفة وبسيطة لكن بتكون جدا جميلة على العين خصوصا البنك يعكس ويعطي منظر صحي <3
ولاني استخدمتها كثير هالفترة حسيت اني صدق حابتها <3
الأسم :
* Rimmel - Barely There 362
*H&M - Jo is in the House 3E1I
السعر:كل الاثنين في العشرينات
المكان : ريمل : الصيدلية - و الثاني من اتش اند ام
مناكير ريمل احبها بشكل عام , عندي كذا لون من نفس هالمجموعه
احبها لأن اللون قوي وثقيل المناكير ما تحسينه موية الاشوي مثل بعض المناكير
والشي اللي اكثر شي احبه فيها هي قصة الفرشة حقتهم <3 !
مريحة جدا القصة وتحط لك المناكير من اول مرة .. وهاللون حابته مرررة مع حق اتش اند ام , هو صراحة احب مناكيرهم اللميعه حقت اتش اند ام <3
جودتها حلوة و احسها تعطيني بيس كوت للمناكير و اللمعه تخلي كل شي احلى <3<3
ولانه نود\لحمي لين حطيت عليه هاللمعه الملونة *لو لاحظتوا في الصورة فيها كذا لون* احسها تعطي منظر جميل <3
الأسم : Mentha lip shine
السعر: ريال - كان اساس 35ريال
المكان: باث اند بودي ووركز
بالنسبة لهالمرطب , هو بصراحة انا اخذته لأني شفت السعر وانهبلت خخخخخخخ
انا وبنت خالي اخذنا لكل العائلة خخخخخ , وما توقعت انه بيعجبني , بس الريحة حلوة كأنك توك ماخذه حلاو فقس <33 , ويحر شوي لكن بعد فترة ماعاد يحر أحسه يعالج الشفايف فعلا <333 .. حتى على العلبة نفسها مكتوب لرائحة نفس منعشة .
لكن انا استخدمه كل الوقت لأن شفايفي انا تتشقق بسهوله , وتتعبني كثير ف هالشي
لكن اذا حطيته احسها تترطب وتهدى بعد فترة <3 , اول ما احطه احسه حار ولكن مع الوقت يروح الاحساس واحساس الحرارة اللي يجي من الشفايف نفسها من الجفاف يختفي <3 وهذا الشي اللي مخليني حتى وانا اكتب البوست هذا اكون حاطته خخخخ <3
واكيد برجع اشتريه وما احس اني بستغني عنه <3
الأسم : Apocalips lip lacquer
السعر: 42ريال
المكان : صيدلية بوتس
هالروج\قلوس تكلمت عنه في مشترياتي الأخيرة هنا , وانا اتكلم عنه وقبل لا استخدمه قلت اني راح احبه , وفعلا حبيته , حبيته لدرجة اني ناوية اشتري كل الالوان الموجودة من هالمجموعه , اللون بحد ذاته شي جدا جدا جميل , وفي البوست اللي قبل حاطة صورة له .
اللي حبيته فيه انه روج تحسينه بس هو ماهو روج , ما ادري كيف اشرح لكم حتى احسه جامع بين الاثنين , يعطيك ترطيب + لون قوي وثابت ماراح يتحرك من مكانه طول اليوم , لأني حطيته كثير هالفترة ولقيتني نادرا ما ارجع اعيد عليه $_$ !
يعطي لمعه ولا اروع , وهذا غير انه ما يبقع على الاشياء او الاكواب <3
يستاهل انكم تجربونه وهالدرجة تحديدا تنفع للإستخدام اليومي <3
واهم شي عندي انه ما يلزق او تحسين انه فيه شي ثقيل على شفايفك لأن بعض القلوسات تعطيك هالاحساس وهالشي انا ما احبه ..
الأسم : Pure Seduction
السعر : 100ريال تقريبا *اخذتها تبع مجموعه*
المكان : فكتوريا سيكرت
مجموعة بيور سيدكشن من فكتوريا سيكرت هي ادماني هالفترة <3 !
حتى لما افتح العلبة ابي احط كريم و اشم ريحته تجيني سعادة خخخخخخخخخ
عطر الجسم ريحته فاكهه , واحب ابخه بعد الشاور واحيانا اذا كنت احس اني مكتومة او ابي شي يرفه عني خخخخخ , لين بخيته حولي احس بشعور جميل مدري كيف اشرح لكم بس انا من الناس اللي اذا جلست فترة طويلة ف كلاس احس بكتمه ف فجاة اطلع عطر وابخه حولي to left me up <3
بالنسبة للكريم احسه مركز اكثر من العطر , يعني العطر فواكه بس احس الكريم معه ريحة حلويات وشي حالي <3333 ! وثقيل ماهو خفيف يعطيك ترطيب حلو
ولأنه صغير بإمكاني اخذه معي ف الشنطة <3
الأسم : INECTO - pure coconut
السعر : 22ريال
النوع : بلسم ليف ان
هالبلسم اول ما استخدمته رحت لصديقتي ركض واقول لها حبيته حبيته !
ومع كل شاور القاني احبه اكثر , الريحة تفتح النفس تحسينك كومة نظافة وشي منعش
الشي اللي ما حبيته هو البخاخ , يعني قوي مرة ف صرت ابخ كم بخة ف يدي بعدين اوزعه على الاطراف وطالع , يعطي شعرك ترطيب بشكل <333 !
تحسين ملمس شعرك صار رطب جدا , والتشابك قل , وان شاءلله يكون فعلا فيه حماية من الحرارة , بالنسبة لي كون ان شعري كيرلي \متاطير نوعا ما , فهو خفف هالشي
ماصار متطير واطرافي ماعادها تتشابك بشكل كبير مثل اول , بالعكس صار حتى لما اهويه تكون كل كيرل لحالها <3 , واذا كنتي تحبين ريحة جوز الهند ف بتعشقينه
انصحكم فيه بقوة $__$ ! تركت باقي الاشياء اللي صرت استخدمها وصرت استخدمه لحاله <33
وما احس اني بقدر استغني عنه حاليا <3
وبس بكذا نكون خلصنا اول تدوينة من المفضلات
واحس اني تكلمت بشكل مسهب عن الاشياء اللي حابتها بس حبيت اشرح لكم اكثر عنها
وليه انا حابتها <33 !
وان شاءلله يكون اعجبكم واستفدتم منه لاتنسوني من الدعم و الرتويت <3
احبكم اكثر شي ^^ خصوصا اللي يجوني في التويتر لأن هالاشياء تشجعني
واذا فيه اي سؤال او اسفسار تقدرون تتواصلون معي تحت
فمان الله