السلام عليكم ورحمة الله وبركاته
كيفكم اليوم ؟
قبل اسبوع تقريبا جاني احساس قوي اني ابي اتسوق خخخخ
ولا خليتها ف خاطري وكنت حابة اشتري ميك اب واشياء انا
من زمان ادور عليها ^^ ..
ف الحمدلله شريت اللي كنت ابيه وان شاءلله يكون زي المتوقع
لأن اغلبها ما بعد جربتها قلت اصور وانزل البوست اول
...
أول محل هو بوتس - رياض قاليري
الاسم : Apocalips lip lacquer
الدرجة : 101 Celestial
السعر : 42ريال
سمعت كثير عن هالروج\قلوس , هو جامع بين الاثنين
و كثير ناس تقول انه يجلس معك ساعات كثير و هالشي شجعني اكثر اني اشتريه , فكرت اخذ اللون الأحمر منه لكن قلت اجرب
هالدرجة أول خصوصا ان الصيف جاي , وموضة الميك اب هالسنة هي الأرواج القلوس الميعه ^^ .. مع اني ما احب بس
قلت لازم نجرب اشياء جديدة ويكون هو يخليني احب القلوسس
صورة للقلوس , اللون حبيته جدا مايل على نود شوي <3
وينفع للأستخدام اليومي او مع السموكي ^^
الأسم : INECTO - pure coconut
السعر : 22ريال
النوع : بلسم ليف ان
هالبخاخ هو بلسم تستخدمينه بعد الشاور وتبخينه على شعرك
من المفترض انه :
- يحمي الشعر من حرارة الأستشوار
- يفك تعقيدات الشعر ويمنعه من التشابك
- يرطب الشعر
بصراحة اللي جذبني فيه انه 100% زيوت جوز الهند وكلنا عارفين فوايد جوز الهند للشعر و الجسم بشكل عام <3
وريحته جدا منعشه <33 ! و الترطيب بعد يعطي ترطيب عالي
و يخفف من تعقيد الشعر .. هذا من التجربه الأولى لكن ما يمدي احكم عليه بشكل كامل ^^ ..
بالنسبة لسعره اعتبره ماهو غالي وهالشي يشجع خصوصا للي يحبون زيوت جوز الهند <3
ثالث واخر شي اخذته
الاسم : Nivea mask
السعر : 7ريال
هالماسك للبشره العادية , ومن المفترض انه يرطب البشرة بشكل يرجع لها الحيوية اللي ممكن تكون بهتت مع التعب ..
هو عبارة عن حبتين ويستخدم في منطقة الانف - الجبهه- الذقن
شفت سعره وانه من نيفيا وماسك كلها اشياء شجعتني اني اجربه وان ما نفع ف ان شاءلله ماراح يضر ..
مثل ماهو واضح في الصورة من المفترض انه ينعش البشرة ويوازن الترطيب فيها ^^
بعد كذا رحت لوجوه ..
الأسم : Makeup forever
النوع : Smoky Extravagaint
السعر: 105ريال
كنت داخلة وجوه خصيصا عشان اشتري ماسكرا ..
وحابة اقول شي اكتشفته عن نفسي ^^ , ما احب المسكارات اللي تكون رطبه مرة , مثل ذا فولسيز من مايبلين :( !
احبها تكون جافة شوي .. صديقتي مدحت لي ماسكرا ميك اب فور افر و تشجعت اني اروح واجربها خصوصا اني ما عمري شريت\قريت شي عنها ^^ ,
البائعه كانت جدا جميلة الله يسعدها واقنعتني اني اشتريها <3
ولأن ماسكرتي المفضلة من بنفت نشفت , كنت ابي ماسكرا هاي اند \ للمناسبات ف ان شاءلله تكون كويسة <3
بالنسبة للسعر اعتبره مناسب لماسكرا هاي اند ..
الأسم : Makeup Forever
النوع : Rouge
الدرجة : Mat 5
السعر : 115ريال
هالشي انا جربته كذا من مخي , ما عمري شريت من ميك اب فور افر ارواج , بالنسبة لي هالماركة مربوطة فقط بالشدوز
ف يوم جربت هالروج المات\وردي وقعت في غرامه !
فعليا لدرجة اني اول ما وصلت البيت جربته وحطيته على شفايفي و حبيته اكثر واكثر <3 , الدرجة اللي احبها ومن زمان ادور عليها , كأنه شفايفك بس على احلى خخخخخخخ
يعني مورد توريدة طبيعيه <3 , صحيح غالي شوي بس اعتبره اللون اللي كلنا نبحث عنه وانصحكم تروحون وتجربونه <3 !
هو الروج اللي راح استخدمه اكثر شي وهالشي واثقة منه خخخخ
عموما انا اساسا احب الارواج المات , ولأني من زمان ابحث عن هالدرجة تحديدا ما فكرت اني اتردد "^^
بعد كذا H&M
النوع : فرشة ظل عيون
السعر : 29ريال
دخلت اتش اند ام , لاني كنت ابي اشتري فرشة وعندي وحدة من فرشهم ف انا عارفة هي ايش وكيف جودتها .
وراح اتكلم عنها بشكل مفصل اكثر ف تدوينة جاية
الأسم : H&M
النوع \ الدرجة : LIP PIN \ Passionata pink
السعر : 26ريال
هالروج \ تنت شدني لأن كثير ماركات طلعت مثله
بالنسبة لي حسيت حق ريفلون شفاف الا شوي , وما عجبني واحتري المات من نفس الخط يوصل لنا $_$ !
السعر جدا رخيص , وفيه منه الوان حلوة وصيفية <3
حبيت هاللون لأنه بينك \فوشي , ولما جربته على يدي حسيت اللون طلع وبان مع لمعه خفيفة ينفع تحطينه وانتي طالعة ومستعجلة <3
اللون في صورة اوضح :
تحسونه يحكي صيف وفرش <33 !
اخر شي نزيه
الأسم : Macadamia
النوع : hair mask
السعر : 105ريال
نزيه في شارع العليا العام ..
هالفترة صايرة اعتني بشعري بشكل أكبر لأن لاحظت انه متكسر وصاير يطيح :( ! ف يوم شفت الماسك قررت اني اخذه ولو اني استغربت السعر المريع حقه خخخخخخ ! بس صديقتي جربته وتمدحه مرررة , قلت اجربه وف النهايه هو ماسك وللترطيب
والبائع يقول انه هالشركة ماهي تخصصها فروة الراس انما الشعر نفسه , و الماسك يفضل استخدامه مرة - مرتين في الاسبوع <3
هو مخصص للشعر التالف و الجاف
نجربه وان شاءلله نشوف نتائج في شعري ^^ ..
وبس ,
هذي الاشياء اللي شريتها هالفترة , بعضها تكلمت عنها لأني استخدمتها وبعضها ما فتحتها حتى خخخخخخ ...
ان شاءلله يكون اعجبكم و استفدتم لو شي بسيط
في النهايه لاتنسوني من الدعم و الرتويت واي سوال او اسفسار تقدرون تتواصلون معي تحت ^^
فمان الله
No comments:
Post a Comment