السلام عليكم ورحمة الله وبركاته ..
كيفكم ؟
انا عن نفسي اشتقت لكم و اشتقت للتدوين :( ! والله اني احسبها شهر من اخر مرة كتبت تدوينة :( .. قتل الله العجز :( ..
على العموم اهم شي اني اليوم نزلت واخيرا ^^"
تدوينة اليوم غير شكل , وهي عن روتيني في الشاور
هو مراحل بالنسبة لي قبل وبعد الشاور..
قبل الشاور احب اشب شمعتي المفضلة عشان لين طلعت تكون
ريحة الغرفة مريحة وجميلة <3 ..
بعد كذا ندخل الشاور , اول خطوة هي التقشير ..
اول ما يتبلل جسمي احب احط المقشر حقي المفضل من سوب اند قلوري , احبه لأنه ماهو قوي مرة وفي نفس الوقت يقشر الجلد
الميت و يعطي ف النهايه ريحة حلوة <3
وأحب اذكر بعد طريقتي في تقشير رجلي .. لأن الحمدلله اعتبر طريقتي فعالة وبسيطة , ودائما رجلي ناعمه ^^
بعد ما خلصت تقشير الجلد , ننتقل للرجل , احط صابونة على هالشي اللي ما اعرف اسمه خخخخخخخخ :$
وابدا تقشير الجلد الميت من الرجل , وحرارة الموية راح تساعد في ان الجلد الميت يتقشر بشكل اسرع <3
وبصراحة ما استعمل مقشرات مخصصة للرجل , لأن مع مقشر الجسم احطه على الرجل أو صابون افركها وبعد كذا استخدم هالشي اللي فوق وابدا اقشر الجلد الميت في الرجل ..
بعد كذا انتقل للترطيب , بصراحة هالشي هو المفضل عندي
كشامبو للجسم , يرطب بشكل وفوق كذا يعطي ريحة حلوة <3
استخدم الليفة و احط شوي منه وابدا توزيع على الجسم <3
بعد كذا ننتقل للشعر , حاليا استخدم هالشامبو من دوف
وبالنسبة لي هو الشامبو الوحيد اللي فعلا احس بمعنى كلمة "ترطيب" اذا استخدمته <333 !
من احطه على فروة الراس و ابدا اوزعه على باقي الشعر واغسله على طول احس برطوبة شعري و كيف انه صار لين وماهو جاف <3 .. ينفع للشعر الجااف لانه فعلا يعطي ترطيب عالي جدا <3 انصح فيه وبشدة ;)
هو للعناية بالشعر الجاف جدا احس وانا في فصل الشتاء شعري يجف ويبدا يتكسر :( .. ف لاحظت انه حل مشكلة الجفاف <3
اخر خطوة هي تقشير اليومي للوجه , احب اني استخدم مقشر الوجه في الشاور , لأن مع حرارة الموية المسامات تتفتح
ويكون اسهل للمقشر في انه يدخل وينظفها بعمق بدون ما اجلس افرك بقوة خخخخخ , من فترة وانا استعمله وفعلا مقشر يشيل الدهون و الروؤس السوداء اللي ممكن تتجمع خلال اليوم
وحتى القشور اللي ممكن تجيك من الجفاف , بس ما يجفف البشرة <3 ! وهذا الشي كنت اعاني منه لأن بشرتي جااافة بس عندي الانف فيه دهون كنت اعاني من انه الغسولات تجفف بشرتي بشكل احسها بتنشق خخخخخ :( !
مع هذا لا ما عمري حسيت بهالشي احسها نظيفة وفرش بس ف نفس الوقت رطبه <3
بعد كذا نطلع من الشاور , و اول خطوة اسويها هي الترطيب
احب ارطب جسمي وهو ما نشف بشكل كامل , اول شي احط فازلين على رجلي وهي رطبه والبس شراب ^^ .. بهالطريقة
راح تترطب الرجل و تجلس معك اليوم كامل وهي رطبه وخالية من الجفاف <3 , عادة استخدم زبدة الكاكو لكن خلصت :(
بعد كذا ننتقل لترطيب اليدين و الوجه
- كريم الجسم من جونسون
- كريم للجسم برائحة الورود من L'occitane
احب هالكريم لأن ريحته ورد بشكل جميل جدا <3
بعد كذا افك شعري من المنشفة , واحط بديل الزيت من دوف
صار لي فترة ما استخدم الا هو واذا خلص ارجع واشتريه <3
لأن فعلا يرطب الشعر طبعا ما احطه الا على الاطراف ما اخليه يلمس فروة الراس او الجذور ^^
واحب اخلط مع هالزيت من لوريال <3
من زمان وانا استخدمه وفعلا يعطي ريحة حلوة للشعر
ويساعد على انه ما يتعقد <3
وطبعا ما ننسى مزيل العرق , انا استخدم هذا من دوف <3
احبه ومن زمااان ما استخدم الا هو ^^
اخر شي نبخ شوي عطر جسم من فكتوريا سيكرت
أحبه لان ريحته منعشه , وبعد الشاور احب ان الاشياء اللي استخدمها تخليني احس بالانتعاش اكثر <3
وشوي عطر تولة بريحة الياسمين <3
احب احطه ورا اذني و على اليدين لأن اذا استشورت شعري
ينتشر مع الحرارة وتصير حتى شعري ريحته <3
وبس ^^
ان شاءلله يكون اعجبكم البوست
وبحاول ما اتأخر ف التدوين عشان ما تنسوني خخخخخ ..
تكلمت بشكل اكثر عن تقشير الرجل لأن كثير سألوني عن طريقتي وصحيح انها تقليدية لكن الحمدلله هي فعلا ناجحة <3
وبكذا لا تنسون تدعموني و تعطوني رايكم وتعليقاتكم
ولا تنسوني من الفولو و الرتويت <3
موفقين و فمان الله