طريقة #بربليتا للتخلص من الرؤوس السوداء || Purpleita's way to remove blackheads

السلام عليكم .. 

كيفكم ؟ 

قبل فترة جتني بنت ف الاسك وطلبت مني انزل كيف اتخلص من الرؤوس السوداء , الحمدلله ماعندي كثير بس ولو مزعجة جدا وكلنا نبي نتخلص منها للأبد TT , وحبيت الفكرة وقررت انزل طريقتي وهل فعلا فادت او جابت اثر ولا لا , لأن اللي اسويه ما بانت نتايجة فوريا بالعكس اخذت وقت .. 

الرؤوس السوداء تطلع لاسباب كثير اول شي الدهون اللي تتجمع وبعد الاوساخ اللي تتجمع حول الانف .. كلها تساعد في ظهورها ف استخدام المقشر اليومي - التونر كلها تساعد , لكن فيه بعض الخطوات اللي تقدرين تضيفينها لروتينك ونوعا ما غير مكلفه تساعدك ف التخلص منها خصوصا لو كانت عندك مناسبة ;)

روتيني هو عبارة عن 3 خطوات 

الخطوة الاولى 

غسول الوجه \ Visibly Clear Blackhead Eliminating

من نيتروجينا 

سعره : 37 ريال 

اي صيدلية او سوبرماركت 

عن الغسول :

مقشر يومي للبشره يقوم بإزالة الرؤوس السوداء ومنع ظهورها لغاية 3 اسابيع . المقشر كريمي القوام ويحتوي على حبيبات صغيرة لفتح المسام والتخلص من الرؤوس السوداء و الدهون 

تجربتي معه :

كثير ناس شافت نتايج مع هالمقشر وعشان كذا كتبته هنا لان ممكن وحدة فيكم يناسب بشرتها , وبصراحة ما اعطيته الفرصة عشان اشوف هو فعلا يمنع ظهورها , بالنسبة لي من بعد يومين استخدام ما حبيته ابدا , اولا ما ازال الرؤوس السوداء , وبالعكس بعد ما استخدمه احس فيه طبقة دهنيه على الانف لدرجة اني اقوم اغسله مرة ثانية بالغسول اليومي حقي :( .. قريت مدح كثير عليه ولازم تكون مسامك متفتحه عشان فعلا يزيلها وبصراحة هالشي ما يناسبني كمقشر او مزيل يومي لكن مب معناه انه ما ناسبني ماراح يناسبك ف انصح تجربونه خصوصا ان سعره ماهو غالي , عموما انا حاولت اني اعطيه فرصه لكن بعد كذا محاولة لقيت اني ما احبه احساس الدهني اللي يتركه على بشرتي بعد غسله ما حبيته , لانه ماهو ترطيب اللي احسه , بالعكس وكان فيه طبقة دهنيه فوق بشرتي :/ .. 

عموما الخطوة الالى يفضل انك تستخدمين مقشر يومي بإمكانك تجربين هذا او تستخدمين المقشر اليومي المفضل عندك لأن مهم انك تفتحين مسامك قبل الخطوة الثانية ;)

الخطوة الثانية :

هو موية الورد , وتقدرين تشترين اي نوع او اي مصنع انا هذي العلبه اذا فضت اعبيها بموية ورد من الثلاجة عشان تكون باردة وانها بخاخ تساعد على توزيع الموية بشكل افضل 

ونتايج موية الورد على البشرة ماراح تشوفينها في يوم وليلة بالعكس انا ما بديت الاحظ الفرق في بشرتي الا بعد شهرين من الاستعمال المتواصل ..

وكلنا عارفين ان موية الورد تساعد على تصغير المسام + تورد الوجه وتعطيه منظر صحي ..

طريقتي :

كل يوم بعد ما اقشر بشرتي بالمقشر اليومي ابخ من موية الورد البارده واتركها لما تمتصها البشره ..

سهله جدا وطريقة فعاله <3 ..

ثالث خطوه :

لصقات التنظيف العميق للمسام من بيوريه 

من اي صيلدية 

سعرها : 50 ريال

معلومات اكثر :

لصقات بيوريه تتشبث بالاوساخ و تسحبها من اجل تنظيف اعمق , تحتوي على 9 لصقات للانف 

وهي ما اسويها الا مرة - مرتين ف الاسبوع اذا كنت محتاجة 

 طريقتها :

تقومين بتبليل الانف وبعدها تحطين اللزقة عليه وتتركينها من 10 دقايق الى ربع ساعه , لحد ما تجف بشكل كامل وبعد كذا تزيلن اللزقه 

تجربتي معها :

بصراحة هي اكثر شي جربته وكان فعلا فعال ف التخلص من الاوساخ و الرؤوس السوداء , وفعلا بعد فترة من الاستخدام لاحظت ان المسام نفسها بدت تصغر و الرؤوس السوداء بعد لكن لازم تستمرين كل اسبوع مرة 

واحلا شعور لما اشيل اللزقه واشوف الرؤوس السوداء كيف انشالت و الانف صار انظف , ولاحظت انها فعلا تشيل الاوساخ و الدهون من البشره , فيه منها هالنوع ونوع ثاني يسمح لك تحطينها على الجبهه .. لكن انا اخذت هالنوع لأن يهمني اني اتخلص من الرؤوس D:

وفعلا المنتج قدم ما وعدني فيه وازال \ صغر المسامات 

وبس هذا روتيني حاليا للتخلص من الرؤوس السوداء 

وان شاءلله يفيدكم , هو بشكل عام الاستمرار ف الروتين من ناحية المقشر و التنظيف العميق مرة ف الاسبوع مع الوقت راح يساعدك ف التخلص منها 

واذا عندكم اي سوال بخصوص هالموضوع تواصلوا معي وان شاءلله اقدر افيدكم 

ولا تنسون تدعموني :$

فمان الله 

WHEN YOU KNOW ME YOU WILL LOVE ME

تقرير عن مزيل العرق من فيشي مع #بربليتا || Review on Vichy antiperspirant with #Purpleita

السلام عليكم ورحمة الله وبركاته 

كيفكم مع الحر الشديد T_T !

بما أن الجامعة قريبة ف راح انزل شبه سلسلة تخص الموضوع بطريقة او اخرى وممكن تساعدكم لين منتصف شهر 11 ^^ 

متحمسة لها مرة امس صورت حق 4 تدوينات <3 , ادري ادري ماعندي حل وسط خخخخ :$ , يا تدوينة وحدة ف الشهر يا عشر خخخخخخ , بس العام سويت سلسلة واحس كثير حبها ف قلت هالسنة اسويها بطريقة مختلفة ومتنوعه وماهي ملتزمة مرة لموضوع الجامعه .. وبعد لو ف بالكم شي معين عطوني خبر ;)

المهم .. موضوع اليوم عن مزيل العرق من فيشي , وليه قررت اتكلم عنه هو تحديدا لأني شفت فرق من استعملته 

ملاحظة :

راح اتكلم بدون اي تحفظات عشان كلنا نسفيد :$ .. ف اللي بيضاقها الموضوع ياليت ما تقرا , انا هنا افيد وانقل تجربتي بكل صراحة <3 

معلومات عنه :

اسمه : VICHY deodorant

مكان الشراء : صيدلية وايتس

سعره : تقريبا 69 ريا 

مزيل العرق من فيشي خالي من العطور و الكحول و الباربن الإتانول 

لطيف للبشرة الحساسة , ويحمي من العرق لمدة 48 ساعه 

مخصص للبشرات الحساسة او بعد ازالة الشعر 

تجربتي :

كنت متضايقة من مزيل العرق حقي , كنت استعمل دوف وبعد فترة غيرته وصرت استخدم نيفيا , لكن بعد فترة من استخدامه لاحظت انه يكتم , بمعنى انه صحيح اني اجلس يوم ما اعرق لكن اليوم الثاني نسبة التعرق كبيرة لدرجة ما احس بأرتياح , وبعد النسبة نفسها من التعرق كانت كبيرة وشي جسمي ما تعودت عليه ف وقفت ماعاد صرت استخدمه , وقررت اني اجرب مزيل عرق خالي من الكحول او العطور * هذا اهم شي عندي كان*

رحت لصيدلية وايتس وطلبت منهم يعطوني مزيل فيه هالخواص

ف اعطاني هالمزيل من فيشي , بصراحة اول ما اخذته كنت مشككة انه ماراح يعطي اي نتيجة , وخصوصا اني ما احب الرول , افضل البخاخ اكثر 

لكن بعد شهرين من استخدامه لاحظت الفرق <33 !

ايجابيات :

1- نسبة العرق تجي بشكل معتدل يعني ما احس المنطقة مكتومة او جافة بشكل كبير 

2- انا ما عندي مشكلة مع العرق الخفيف ولكن لاحظت انه اول يوم فعلا ما اتعرق لكن ثاني يوم اعرق بشكل طبيعي جدا 

وحتى لو حصل فيه عرق ف اول يوم يكون بشكل طبيعي , النسبة نفسها ماهي كبيرة مرة 

3- ماسبب حساسية لبشرتي او سواد . . بعكس نيفيا اللي يدعي بأنه يفتح البشرة مع انه ماكان يفتحها , هذا لاحظت انه البشرة رطبه والترطيب بحد ذاته يساعد انها ما تسمر <3 

4- اهم شي انه يناسب البنات اللي يعملون ليزر او بعد ازالة الشعر باي طريقة لأن وقتها البشرة تكون حساسة من اي شي واي مزيل عرق فيه عطور او كحول ممكن يهيج البشرة وهالشي ممكن يسبب ان العرق يكون له رائحة كريهه .. ف انصح البنات بعد ازالة الشعر تستخدم خصيصا هالمزيل 

بشكل عام 

انا راضية عنه بشكل كامل كل الاشياء اللي كانت مزعجتني شوي ف مزيلاتي اللي قبل ما لاحظتها فيه .. غير اني موسوسة شوي ف لازم بعد ما استخدمه امسح الرول نفسه بمنديل :$ .. 

غير كذا ممتاز ويكفي انه خالي من كل المواد اللي ممكن تضر البشرة على المدى البعيد <3

وبس 

ان شاءلله البوست هذا مفيد وبعد ان شاءلله كوني صريحة شوي ف هالموضوع ما ضايقكم "^^ 

بس كلنا نبي تكون اجسامنا نظيفة و ريحتني حلوة مع هالحر خخخخخخ 

اذا فيه اي سؤال او اسفسار تقدرون تتواصلون معي على الروابط تحت <3

فمان الله 

WHEN YOU KNOW ME YOU WILL LOVE ME

مكياج يومي ضد الحر والعرق مع #بربليتا || Sweat Proof makeup #Purpleita

السلام عليكم 

وكل عام وانتوا ومن يعز عليكم بخير <3 

بما انه اول يوم من شهر اغسطس وبما اننا في عز الحر 

قررت انزل بوست مخصص لمكياجي #بربليتا اليومي واللي استخدمته فعليا شبه يومي ف السفر + وانا طالعه ف الشمس 

وهالمكياج ( ضد العرق + سريع )

طبعا هو بسيط وسهل لكن تقدرين انتي تضيفين له اللمسات اللي تحسين انتي تحتاجينها لكن هذا فعليا استعملته كثير ف قلت اشارككم وان شاءلله يعجبكم 

ملاحظة :

ما نزلت صور للفرش قلت اسهل ف الشرح ..

1- واقي الشمس من بايوديرما - وايتس 

2- كونسيلر رول اون من قارنيه - سوبر ماركت

3- بودرة ستاي مات من مايبلاين - وايتس

أول شي استخدم واقي الشمس من بايوديرما 

هالواقي اللي اغناني عن البي بي كريم , وراح اكتب تدوينة كاملة عنه قريب ان شاءلله لأن ماعاد صرت استغني عنه , بس بشكل بسيط هو يجي منه درجتين ( فاتح + داكن )

انا اخذت الداكن وهو مايل على برونز ويعطي البشرة منظر ديوي خصوصا على عظمة الخد , وفعلا يقوم بتغطية خفيفة الى متوسطة , ولكن اذا بشرتك فيها حبوب او اثار استخدمي كونسيلر

ولأنه واقي فهو مو بس يعطيك تغطية لكن يحمي من اشعة الشمس 100SPF وبعد ضد الموية و التعرق ف راح يدوم وقت طويل معك .. وفعلا صرت استخدمه ف المشاوي البسيطة وتركت البي بي كريم <33 

عموما .. استخدم واقي الشمس واوزعه على وجهي بيدي بعدين اتركه شوي لين يجف , بعد كذا اخذ كونسيلر المفضل عندي " كونسيلر قارنيه " وحطه تحت العين او اي مكان يحتاج تغطية اثار او هالات .. 

ولأني مثل ما ذكرت قبل ان التي زون صارت دهنيه ف اخذ فرشة كبيرة واحط بودرة مايبلاين ستاي مات على التي زون وتركيزي يكون على الانف اكثر شي .. 

1- عكافة الرموش - وايتس

2- ماسكارا ميك اب فور افر - سيفورا - رياض قاليري

بعد كذا ننتقل للعين , ولاني عادة اكون مستعجلة ولأن هاللوك لليومي ف يهمني يكون التركيز على البشرة اكثر من اي شي ولان الواقي يعطي ديوي لوك , ف العين ما احط فيها شي وان حطيت يكون برونزر فقط مع الكثير من الماسكارا , عشان كذا استخدم اولا عكافة الرموش بعدين ماسكارا ميك اب فور افر 

صحيح هي للسهرات بس احب يكون عندي رموش كثيفة وتمسك طول اليوم ولأنها ضد الموية ف بتجلس وقت اطول <3

1- Smokin' eyes من بنفت - سيفورا

بعد كذا ننتقل للحواجب , هذا يختلف من شخص لاخر وكيف 

هي تتعامل مع حواجبها ف طريقتي ممكن ما تصلح لحواجبك خصوصا اني ما اشقر جواجبي ولانها غامقة مرة ف دايما استخدم هالباليت من بنفت وواضح جدا اني احبها :$$ .. ارتب الحواجب بالجل البني + درجة الرمادي الفاتح بفرشة مايلة .

1- بلش من الف (tickled Pink) - موقع درق ستور

وبعد كذا انتقل للبلش .. 

أحب هالبلشر من الف جدددا , مع اني اول ما شريته حسيته خفيف وما يعطي لون ابد وتركته لكن بعد ما شريت هالواقي ولانه اغمق من بشرتي ويعطي لون برونز جدا جميل ف قلت اجرب معه هالبلش , هو لونه على مشمشي فااااتح <3 , واسم البلش جدا مناسب الدرجة P:

 بس مع البلرونز يعطيك منظر صحي جدا وفيه لمعة خفيييفة ف جدا جدا احبه <3

احطه على الخد وانا مبتسمة بفرشة كبيره وبس 

واخيرا الروج وبكل صراحة يخلف على حسب المزاج احيانا كثير احط قلوس واحيانا روج مات , بس اليوم قررت استخدم الروج المات المفضل عندي من ميك اب فورافر احسه من الاشياء الاساسية اللي المفروض تكون عند كل بنت وهالدرجة تحديدا <3 .. 

وبسس ^_^

حابة هالميك اب لأنه سهل جدا وتقدرين تخلينه مناسب لطلعات اكبر شوي بكحل سايل او شادو , في كل الحالتين احبه لأنه فعلا ضد الحر و التعرق ومناسب للجامعه مع قربها والحر الرهيب للي عندنا ما يناسبه الا واقي 100 ويالله خخخخخخ :$

وبكذا بعد ما نتعب البشره بطبقات كثيرة عليها ..

وان شاءلله اعجبكم واستفدتوا لو شوي :$ 

ولا تنسون تتابعوني ف كل وسائل التواصل تحت 

فمان الله 

WHEN YOU KNOW ME YOU WILL LOVE ME

تقرير و رأيي في جل التخلص من حب الشباب Grease Lightning من LUSH #بربليتا

السلام عليكم ورحمة الله وبركاته

الشهر عليكم مبارك , وكل عام وانتوا بخير 

قبل اسبوعين تقريبا مريت لش وكنت كل مرة اروح لهم ابي اشتري هالجل القاه مخلص :( , و ذاك اليوم رحت ولقيته عند فرعهم اللي ف المملكة .. 

قررت اخذه .. اللي لازم تعرفونه انه بشرتي تغيرت وصارت مختلطة جافة في جميع المناطق ماعدا التي زون .. وبعد تجارب كثير قربت أني احل بعض المشاكل اللي بدت تظهر لي .. منها الحبوب .. الحمدلله ما عندي حبوب كثير بس احيانا لازم تطلع لك حبة حبتين ف الشهر :( .. و النوع اللي يطلع لي القوي اللي اذا لمستيه يوجع :"( .. ف شرينا هالجل وفي نفس اليوم كنت حاسة ان فيه حبة بادية تطلع وكذا من شكلها حسيته بتجي كبيرة ><

اول شي بعطيكم تفاصيل عن الجل بعدين بتكلم عن النتايج ..

الاسم :Grease Lightning

الموقع : هنا

الماركة : LUSH - المملكة

السعر : 68 ريال

تفاصيل عن الجل :

الجل هذا مخصص للبشرات الدهنيه و الحساسة , لأنه يحتوي على مواد طبيعيه ولا تقوم بتحسيس البشرة , الجل اهم مكون فيه هو زيت الزعتر - زيت شجرة الشاي - اكليل الجبل 

يقوم بالتخلص من الاوساخ و الدهون و في نفس الوقت فهو يرطب البشرة ويهديها ..

ويقوم ايضا بالتخلص من الدهون الزائدة ف يمكن استعماله على منطقة التي زون " الانف و الجبهه"

طريقة الاستخدام :

العلبه تجيك على شكل ضغاط من فوق , تضغطينه وفعليا ما تحتاجين الا قليل تحطينه "بعد" ما تقومين بتقشير بشرتك وبيد نظيفة على الحبة اللي طالعة و تتركينها لين ما تحسين الجل نشف و تحسينه مشدود , بعدها تقومين بغسله بموية دافية 

تقدرين تستخدمينه اي وقت ومتى ما بغيتي بس اهم شي تكون البشرة + اليد نظيفات 

تجربتي :

مثل ما قلت فوق اول ما شريته كان فيه حبة بادية تطلع لي ف اول ما رجعت غسلت وجهي بالمقشر اليومي و حطيته عليه وتركته لما جف تماما وبعدين غسلته بموية دافية , وسويت هالشي ثلاث مرات لمدة يومين او ثلاثة ناسية بس عموما بعد فترة مو اكثر من اسبوع لاحظت ان الحبة اختفت تماااما <3333 !! 

وحتى الاثر مختفي لأني استخدمته قبل لا تطلع بشكل كامل$__$ بس حتى بعد فترة طلعت لي حبة صغيرة ولما استخدمته مرتين في اليوم راحت <3 , بعدين قريت انه افضل وقت لأستخدامه هو عند بداية ظهور الحبوب.. 

 احب استخدمه على الحبوب ف الصباح اول ما اقوم و المساء , مابعد جربته على منطقة التي زون صراحة لكن مذكور انه تقدرين تستخدمينه فيها اذا حابة 

والحلو انه ما سبب لي حساسية او هيجان للبشرة , ريحته قوية نوعا ما لكن ماهي مزعجة , قوامه جل شفاف .. 

للمعلومية فترة استعمالي له ما طولت فقط حبتين من شريته , لكن لأنه مخصص للحبوب ولأني شفت فعاليته على الحبتين حبيته وقلت لازم اكتب عنه في المدونة $_$ !

ف اذا انتي بشرتك ما هي دهنيه مرة ولكن يطلع لك حبوب بين فترة والثانية انصحك تجربينه , وحتى اللي بشراتهم دهنيه يجربونه <3 

وبس 

ان شاءلله التدوينة افادتكم و احس شي حلو اني اكتب عن تجاربي مع الكريمات و هالاشياء , لاني من شريت هالجل وانا مزعجة اهلي فيه خخخخخخخ :$ , ف دوركم ازعجكم فيه خخخخخ 

ما ودي ابالغ بس اول ما شفت نتيجة قلت سحر خخخخخخخخ لان نادرا ما تسوي منتجات العناية بالبشرة اللي هي تدعي انها تسويه *لها عدة تجارب فاشلة* 

وحلو انه سوى فعليا اللي هو مطلوب منه $_$.. 

واذا عندكم اي سؤال او استفسار تقدرون تتواصلون معي تحت 

ولا تنسون تتابعوني على التويتر\انستقرام انا هناك موجودة كثير ;) 

فمان الله 

WHEN YOU KNOW ME YOU WILL LOVE ME

رأيي في منتجات Botanics من بوتس #بربليتا || My Opinion on Botanics skincare products #purpleita

السلام عليكم ورحمة الله وبركاته 

كيفكم ؟ 

بوست جديد عن منتجين من #Botanics 

قبل فترة كنت في بوتس وشفت المنتجين اللي راح اتكلم عنها وقررت اشتريها , ولأن التغليف جذبني و بعد بحثت عنها ف امازون و بوتس *اونلاين* وكلهم قريت تعليقات جيدة عنها ف قررت اشتريها , وبعد وقتها بوتس كانوا مسوين عرض اشتري واحد و الثاني مجانا <3 .. وهذا عامل جذب خخخخ ;)

بصراحة ما عمري جربت اي شي من عندهم عشان كذا جلست ساعة ابحث واقرا وانا ف بوتس خخخخخخ :$ .. كعادتي يعني ما اشتري شي الا لما اكون قارية عنها ف الانترنت .. وعملية البحث سهله جدا اذا عندك تطبيق امازون ف الجوال لان بس تثبتين الكاميرا على الباركود وعلى طول يطلع لك المنتج وبعدها عاد انتي اقري ;)..لأن انا بصراحة ما اثق ف البائعين ف محلاتنا :$

المهم ما شريت الا اثنين 

مدة التجربة : حدود الشهرين 

اسم الكريم : Hydrating Night Cream All Bright

فوائده : كريم ترطيب وتفتيح ليلي 

قواه الغني راح يقوم بترطيب البشرة في الليل و يتركها ناعمه 

ومشرقة في الصباح

- يوجد به نباتات تساعد على ترطيب البشرة 

- هذا الخط تحديدا من المفترض انه يكون طبيعي ومستخلص من نبات الـhibiscus "الخطمي" والذي يقوم بتفتيح البشرة.

نوع البشره : العادية إلى الجافة

سعره: 49ريال *تقريبا*

مكان الشراء : صيدلية بوتس 

مدة الاستعمال : شهرين -متقطعه-

سبب شرائي له :

انا مثل ما انتوا عارفين بشرتي جافة لكن ما يمنع انه بين فترة وفترة تطلع لي حبوب , اثار الحبوب تطول على ما تروح وشفت ان هذا فيه عوامل تفتيح +ترطيب + مستخلص من النباتات 

قررت اشتريه واجربه .. 

رأيي ف الكريم :

اول ما استخدمته لاحظت شيين , اول شي انه ريحته منعشة جدا جدا ريحته تحسين نظافة على شي جميل صراحة 

وثاني شي قوامه فعلا غني لكن ف نفس الوقت ماهو ثقيل على البشرة او يكتمها على طول تمتصه البشرة .. 

ما استخدمه على وجهي كامل الصراحة بس على حواف الوجه -هنا المناطق اللي فيها اثار الحبوب- 

أول ما استخدمته طلعت لي حبوب :( .. وتركته فترة اسبوع تقريبا بس قلت لازم ارجع استخدمه , وصرت اقشر بشرتي بالمقشر اليومي حقي بعدين استخدمه وبعدها ماعاد يطلع لي حبوب , يعني لازم تكون البشرة نظيفه + اتوقع اذا بشرتك مرة حساسة ماراح ينفع لها . 

الصراحة لأني وقفت استعماله ما شفت اثر كبير والعلبه لسى مليانه لكن اقدر اقول ان اثار الحبوب بدت تخف وهذا اهم شي , وان شاءلله مع الاستعمال المستمر راح اشوف الفرق 

بالنسبة لتفتيح البشره بشكل عام ف صحيح شفت هالشي حتى اللي حولي لاحظوا ان بشرتي صارت افتح وصحيه اكثر + مع شرب الكثير من الموية طبعا <3 

هالاسبوعين صايرة احبه كثير وما استغني عنه ف ان شاءلله مع الاستعمال المستمر راح اشوف فرق واضح اكثر بالنسبة لاثار الحبوب .. 

اتوقع الحبوب طلعت لأني ما اغير كريمي كثير ولأني كنت احطه على البشرة بدون غسول او تنظيف ولو كان بسيط لأن من بعد ما صرت انظف بشرتي قبل النوم ماعاد تطلع لي حبوب <3 

حاولي قبل ما تشترين تشمين ريحته لأن اول ما تحطينه تكون واضحة بس بعد ما تمتصه البشرة تختفي 

وحبيت اكثر شي انه قوامه ثقيل لكنه بسرعه البشرة تمتصه <3

ثاني شي اخذته منهم هو الماسك 

أسم الماسك : Iconic Clay Mask Shine Away

فوائده : يزيل الشوائب و ينظف البشره بعمق , يقوم بالتخلص من الشوائب و الزيوت من دون تجفيف البشرة بشكل قوي , يترك البشرة انعم و اصفى وانعم

سعره: حدود الخمسين ما اذكر بصراحة لأني اخذته مجانا :$ 

مكان الشراء : صيدلية بوتس

مدة الاستعمال : شهرين بشكل كامل 

طريقة الاستعمال : استعمال مرة كل اسبوع - توزيع على الوجه وتركه لمدة 10 دقايق لا اكثر , ويتم غسله بموية دافية

سبب شرائي للماسك :

مع فصل الصيف و الحر لاحظت عن منطقة الانف بدت تطلع لي مسامات وهالشي ماعمره صار لي لكن قريت ان البشره ونوعها شي مو ثابت تتغير بتغير الهرومونات الجو الاكل .. الخ 

ومع المسام زادت نسبة الدهون على البشرة :( .. ف لما شفت هالماسك وانه "كلاي" وهو معروف وش كثر هو ينفع للبشرات الدهنيه .. ف قررت اخذه 

رأيي فيه :

حبيته حبيته من اول استعمال وانا واقعه في غرامه , احسه ينظف بشرتي بشكل <3 , ومن فترة استعمالي وانا بشرتي بشكل عام متحسنه <3 , اول ما استعملته لاحظت انه مسامي بدت تصغر + بشرتي انعم بكثييير , ما استخدمه انا على كامل وجهي بس المناطق اللي احس فيها دهون واحيانا اذا حسيت انه القشور متجمعه وهذا غالبا جلد ميت احسه ف اذا استهخدمته وتركته 10 دقايق فعلا احس بشرتي انعم واصفى وحتى افتح .. مرة استخدمته وطلعت لأهلي كلهم قالوا ان بشرتي منورة :$<33 .. واصلا انا نفسي حسيت بالفرق , وف التعليقات ف النت قريت انه مع فترة من الاستعمال راح تلاحظين ان بشرتك صارت اصفى , وفعلا هذا اللي لاحظته 

طريقتي في استخدامه :

اول شي هو خفيف مرة ف افضل انك ترجين العلبه قبل الاستعمال ولأنه عصار ف هذا يسمح لك تتحكمين ف الكمية اللي تطلع لك , ف التوزيع استخدم فرشة عندي ما احتاجها واوزع فيها و احط اكثر شي على الانف وحوله , وبعد ما ينشف تلاحظين انه ف بعض المناطق اغمق من بعضها , المناطق اللي تكون شوي غامقه حتى بعد ما ينشف هذي هي اللي متراكم فيها الدهون 

لأن بعد ما تغسلينه تلاحظين انها انعم و ناشفه لكن ماهي متقشرة مثل ما بعض الغسول\ماسك تسوي .. 

انصح فيه خصوصا اللي حابة تجرب ماسك جديد وماهو سعره غالي <3 

العلبه ماهي كبيره لكن كمية بسيطة بتكفي كامل وجهك واذا بشرتك مختلطة فما يحتاج تحطينه على وجهك كله فقط ف المناطق الدهنيه منها .. 

وبس أن شاءلله اعجبكم البوست وفادكم من ناحية الترطيب + التخلص من اثار الحبوب + التخلص من الدهون 

كل المنتجين كانوا ممتازين مع اني ما توقعت كثير منهم لكن رخص الشي ما يعني انه سيء P:

حتى اهلي اعجبهم وكلهم شروا مثلي خخخخخخ <3 

واذا اي وحدة فيكم جربتها ياليت تخبرني لأن اكيد يفرحني اني اقرا تجاربكم باشياء انا مدحتها ;)

وتقدرون تتواصلون معي عن طريق كل وسائل التواصل تحت او عن طريق التعليقات هنا <3 

WHEN YOU KNOW ME YOU WILL LOVE ME

فمان الله 

قائمة القراءة لإجازة الصيف #بربليتا || My Reading List ForSummer #Purpleita

مرحبا يا جميلين ^^ 

كيفكم ؟ واخبار الاختبارت ؟ عساكم خلصتوا وجبتوا درجات كويسة .. 

تدوينة اليوم جديدة من نوعها , ما عمري نزلت مثل كذا 

بس لأني حابة ازيد نسبة القرائة عندي ف الصيفية قررت احط لي لست للقرائة بسيطة وان خلصتها قبل ما تنتهي الاجازة راح ازيد عليها غير كذا مقررة ما اشتري كتب جديدة مهما كانت المغريات لين اخلص هاللست خخخخخخخ :$ 

أحب القرائة جدا بس انا بطيئة :$ .. يعني حتى لو كان الكتاب عاجبني ومتحمسة معه لازم ياخذ مني وقت على ما اخلصه "^^

ف اللست ماهي كثيرة هي فقط 4 كتب .. 

اشتريتها من فترة وعلى اساس ماراح ابدا فيها الا مع بداية الاجازة بس فيه كتاب بديت فيه قبل الباقين خخخخ :# 

وراح اتكلم عنه لين وصلت له .. 

التدوينة جديدة من نوعها ولأني ما استمتع ف قرائة الكتب العربية كثر الانجليزي ولأني اشوف القرائه شي شخصي جدا فكرت كثير قبل لا انزلها لأن مو كلكم تقرون انجلش بس انطلب مني كذا مرة اتكلم عن كتبي و قلت ابدا ف هالبوست واذا اعجبكم راح اتكلم عن كتب اكثر ف المستقبل <3 

يلا نبدا ^_^ *المقدمة الطويلة جدا خخخخ*

This is how it ends - Kathleen MacMahon

السعر : 35 ريال - جرير

كنت وقتها ابحث عن رواية خفيفة لأن كنت مخلصة وحدة جدا عميقة وحقت تفكير , ف كنت ابي شي خفيف , وانا ادور ف جرير لقيت هالكوفر واخذته قريت اللي مكتوب ورا الكتاب 

وقررت اخذها 

التلخيص :

تتكلم عن شخص اسمه برونو , برونو ذهب لإيرلندا للبحث عن أصوله. 

أدي عاطلة عن العمل , سابقا كانت مهندسة معمارية , وحاليا تتعافى من قلبها المكسور , وفي الوقت ذاته تعتني في ابيها.

في الوقت ذاته عالم برونو وايدي يلتقيان , ويختبرنا مشاعر لما يشعرا بها من قبل .. لكن حبهم سيتم اختباره بمصاعب لم يتخيلها

............................

الرواية مررة رومانس شكلها , لكن بالنسبة لي احب انوع ف القرائه , والكفر اعجبني شكله , قررت اخذها لأني مثل ما قلت شي خفيف وعن حب <3 

اول شي احكم عليه هو الكفر خخخخخخخ :$ , ولان وقتها اخر رواية قريتها كان كفرها اسود شفت هالملون قلت اخذها واقراها وان شاءلله ما تكون too cheesy;[=

The Husband's Secret - Liane Moriarty

تفاصيل الرواية :

ام لثلاثة وزوجة لجون بول . سيسليا تكتشف رسالة مخبأة في علية المنزل مكتوبه بخط زوجها , ومكتوب على غلافها :

" تفتح فقط عند وفاتي "

فضولها يدفعها لفتحها - وبها الوقت يتوقف -.

في رسالة جون بول يعترف فيها بخطأ اقترفه وإن ظهر سوف يقوم بتدمير عائلتهم واناس اخرين.

الرواية الجميلة جدا جدا جدا :""" .. هالرواية تحديدا كنت اكثر وحدة متحمسة لها وابي اقراها , لكن كان صعب اني القاها لأن كانت تنباع بشكل سريع ف فروع جرير :( .. هي تبع الأكثر كتب مبيعا في نيويورك تايمز *جريدة امريكية*

والكفر حقها كان شكله مغري :$ .. مو هذا الشكل الشكل الثاني على شكل وردة مهشمه <3 .. وبعدين المدح عليها كان كثييير 

ف كنت حاطة ف بالي ان هذي الرواية هي اول وحدة ببدا فيها وفعلا بديت قبل بشهر ووصلت صفحة 100 , لكن انشغل مرة الشهر اللي فات ف وقفت قراية وحاليا بديت ارجع اقرها $_$

أول ماقريتها ماكنت فاهمه شي جلست لين وصلت لكذا شابتر على ما فهمت , لكن اللغة جدا جميلة والاحداث تتطور بشكل سريع وان شاءلله ما تكون مملة وانتي تقرين تبين تعرفين ايش مكتوب ف الرسالة .. انصح فيها بقوة حتى لو اني ما بعد خلصتها <3 

The Paris Wife - Paula Mclain

السعر : 39 ريال - جرير

تفاصيل الرواية :

أحداث الرواية في 1920 شيكاغو 

هادلي هي فتاة خجولة في 28 من عمرها . وحين قد استسلمت في ايجاد الحب و السعادة تلتقي بي ارنست هيمينق واي . وفتنت بطاقته و طموحه الكبير . بعد الزواج منه الاثنان يذهبان الى فرنسا . لكن فرنسا ليست بلدا لبناء منزل وعائلة . إنه مكان للرقص و الشرب و الفنانين . زواج الاثنين يبدأ بالذبول وولادة ابنهم يجعلهم اكثر تباعدا . 

هذي بكل صراحة شريتها عشان الكفر <3 ! 

لأنه جذبني مرة خصوصا اني احب هالحقبه <333 .. 

و الرواية اغلب احداثها تكون في فرنسا , ومن المكتوب ورا الكتاب فهي عن ernest hemingway وهو كاتب امريكي معروف . وهي مكتوبة بطريقة روائية جميلة <3 

جدا متحمسة اقراها لأن قريت كثير مدح عليها ف goodreads

اخر رواية 

The Unlikely Pilgrimage Of Harold Fry

Rachel Joyce

السعر :34 ريال - جرير

تفاصيل الرواية :

عند خروج هارولد فري من منزله لإرسال رسالة بريدية ومع صوت زوجته في الدور العلوي . هو لم يكن يعلم انه على وشك الخروج من دولة إلى دولة اخرى.

هارولد لا يرتدي حذاء للتسلق ولا يحمل معه خريطة ولا حتى بوصلة. ولا يحمل معه ايضا هاتفه النقال, كل ما يعرفه انه يجب عليه ان يكمل المشي حتى ينقذ حياة شخص ما.

هالرواية تفاصيلها مررة تحمس , انه شخص بيطلع من البيت ليقضي شي بسيط بس يلقى نفسه في مكان اخر تماما ! 

ما ادري ليه وانا اقرا تخيلت هارولد شايب خخخخخخ :$ 

بس حسيت هالرواية غير عن كل اللي شريته وانا احب انوع عشان ما امل <3 , وكثير يقولون انها مضحكة وممتعه جدا لدرجة وانتي تقرينها تخليك ودك تسافرين $_$ ! 

وزيادة على كذا الرواية هذي من اكثر الكتب مبيعا للكاتبة ف ان شاءلله تكون ممتعه <3 .. 

وبكذا اكون خلصت $_$ !

لا تخافون ما كتبت شي يحرق كل اللي كتبته من ورا الكتاب 

بالنسبة لي ما افكر اشوف من الكتاب خخخخخ :# ونادرا ما اشتري كتاب بنائا على كاتبة , اروح المكتبة واختار كتب  عشوائي بناءا على الكفر , وبعد كذا اخذ لي كرسي واجلس واقرا كل كتاب وش مكتوب من ورا خخخخخخ واذا كان حمسني وخلاني ابي اقرا الكتاب , أسوي سكان للبار كود من ورا وابحث عنه ف القودريدز واقرا الرفيوز , عادة اخذ الكتب اللي عليها مدح وعادة احس لا بيعجبني الكتاب حتى لو ماعليه مدح 

يعني يفضل انك تسوين مثلي او على الاقل تحطين قائمة بالكتب اللي حابة تشترينها , بس حلو من فترة لثاني نشتري كتب بهالشكل يعني التجربة نفسها ممتعه , ونصيحة روحي لحالك خخخخخخخخخ عشان ما تكونين مستعجلة وتاخذين راحتك ف البحث <3 

وقرائة ممتعه جميعا لا نضيع الاجازة باللعب وبس خخخ :# 

<- توجه الكلام لنفسها قبل لا تقول لكم :$

وبس ان شاءلله يكون اعجبكم البوست ولو حابين اتكلم بشكل اكثر عن واحد من هالكتب اذا خلصت قرايته ياليت تعلموني 

وبعد تغيير عن سوالف الميك اب ;)

وتابعوني ف تويتر لأني عادة اتكلم عن الكتب اللي اقراها 

WHEN YOU KNOW ME YOU WILL LOVE ME