'Night Mother a play I love #purpleita || مسرحية حبيتها

السلام عليكم ، كيف الحال ؟

تدوينة اليوم جديدة من نوعها ويمكن ماراح تفيد او تحمس كثير منكم لكن مثل ما ذكرت في تعريفي عن نفسي هالمدونة حابتها تكون مذكارت لي اكتب فيها عن الاشياء اللي احبها وهالشي انا اسويه وعندي مذكرات اكتب فيها بشكل متفرق عن كل شي ايجابي وجميل اثر علي ، عشان كذا قلت ليه ما اكتب عن هالمسرحية ؟ 

معلومات عامه :

الاسم : ‘Night Mother

الكاتبه : Marsh Norman

عدد الصفحات : about 60 pages

التحميل : هنا 

القصه :

المسرحية مدتها ساعتين حتى في الترتيب على المسرح كان فيه ساعه تشتغل وتستمر المسرحيه بشكل فعلي لمدة ساعتين. 

هو عن ام وبنتها ،  الام هي ثلمها و بنتها جسسي. والمسرحيه مافيها الا حدث واحد بس ، اللي هو رغبة البنت في الانتحار و كيف تحاول تقنع امها و تجهزها لها الشي ، خلال القراية\عرض المسرحيه الام تحاول تقنع بنتها في انها تستمر في الحياة ، لكن هل تقدر ؟

المسرحية قريتها تبع دراستي وكعادتي ما كنت متوقعه شي كبير منها. لكن حبيتها كثييير ورجعت اقراها وهاللي خلاني اكتب عنها في المدونه لاني نااادر ما ارجع اقرا الكتب ! الا شبه مستحيل فقط روايتي ذا بوك ثيف اللي قريتها ٣ مرات ! غير كذا ما اعيد. فلما جتني الرغبه اني ارجع اقراها قررت اتكلم عنها. بالنسبه لي اي شي مرتبط بعلاقة الام مع بنتها يلمس شي داخلي. كوني بنت امي الوحيدة يخلي كل شي له علاقه ف الام ياثر بقوه. حتى على اخر كم صفحة من المسرحية ماقدرت اقرا من كثر البكي والدموع :””. ولما قريتها مره ثانيه اوجعني قلبي لكن اللمميز فيها هو واقعيتها جدا واقعيه وتعكس لكم حياة الام وبنتها. 

لها فلم للناس اللي تبي تقرا لكن متعيجزة خخخخخخخ ، بصراحة ما شفته لانه قديم وبالنسبه لي دايم الافلام ما توصل جودة القرائة عندي. لذلك افضل اني اقرا ولا اشوف. 

ومن عاداتي في القرايه هو اني بعد ما اخلص قرايه اي شي اجمع الاقتباسات اللي اعجبتني واكتبها ف ورقه واحطها وسط الكتاب. لان احسها هي خلاصه الروايه. بالنسبه لمسرحية night’ mother هو اقتباس واحد اللي حسيته انا واحس انه شخصي شوي لكن قررت احطه لاني دايم ارجع اقراه :$*ادمان* قلت احطه واحسه اقوى شي او اقوى سطور في المسرحيه كلها. وممكن لان هالاقتباس مررره مآثر فيني خفت اشوف الفلم وما يكون تمثيل الممثله بقوة صوت البطلة وانا اقرا ! 

الاقتباس :

اتمنى تقرونها واتمنى تشاركوني رايكم ، لان هذا شي احبه فعلا :$

واذا فيه اي سؤال او حابين استمر في كتابة تدوينات مخصصه بالكتب اللي اقراها ياليت تعلموني !

لاني اتردد احيانا لذلك ما اكتب عن الكتب بشكل كثير كثر ما اكتب عنها ف اماكن ثانية “^^

تدوينة يوم الاحد راح تتأخر كم يوم :$

فمان الله

WHEN YOU KNOW ME YOU WILL LOVE ME

review on Tanya Burr lipgloss #purpleita || رأيي في القلوسس من تانيا بُر # بربليتا

السلام عليكم .

كيف الحال ؟ 

تدوينه اليوم عن قلوس تانيا بر. 

اول شي للي ما يعرف 

من هي تانيا بر ؟

تانيا برر هي خبيرة مكياج بريطانيه لها قناه على اليوتيوب ، صار لي اتابعها اكثر من ٣ سنين اتوقع ٤ سنين اذا ماني غلطانه ، احبها لانها فعلا خبيره في المكياج ودايما احب اتابع المكياج اللي تسويه على نفسها وفي كل مره يكون جميل. 

بعد ما اشتهرت اطلقت ارواج قلوس بسعر يناسب الكل يعني ماهي هاي اند او ماركه غاليه ، وهي الوحيدة اللي فكرت اشتري من مجموعتها خصوصا ان فيه كثير يوتيوبرز طلعوا مجموعات مكياج ، هي تخصصت في البدايه في المناكير و الارواج القلوس، ف قررت كتجربه اشتريها 

معلومات عن اللارواج القلوس :

الاسم :  Tanya Burr Lip Gloss

السعر :6.99£

مكان الشراء: feelunique

لكن بكل صراحه ما انصح الشراء من هالموقع اخذت شهر على ما وصلت وانا ما احب التأخير .. 

بالنسبه للارواج نفسها :

بصراحه انا ما احب القلوس ابد ابد ، ما احب كيف هي تجي على الشفايف ولا احب الـ stickness of them.

لكن هذي حبيتها كثييير ! وكان هالشي مفاجاة بالنسبه لي خخخخخخ ، اخذت درجتين وحدة فوشي والثاني نود 

بصراحه كلهم حبيتهم !

حبيت الريحه جةدا لذيذه @@! كانها علك او حلاو جدا مغري انك تذوقينها خخخخخخ، وبعد انها تعطي اللون !

يعني قوتها ممتازه و تعطيك اللون و ترطيبها عالي جدا، والاهم من هذا كله اني احب احطها فوق الارواج احب استخدم الفوشي فوق الارواج اللي مايله على هاللون و النود او اللحمي احبه فوق الالوان الغامقه او الفاقعه اذا حبيت اخليها اهدى 

بشكل عام ما عمرها قشرت شفايفي واحب استخدمها بشكل يومي او على السريع وترطب وريحتها جميله 

وحابه اطلب الالوان الثانيه خصوصا الاحمر و العنابي ( الواني المفضله في الارواج :$) ودي اشوف الـ pay off حقتها يعني ودي اشوف هل فعلا راح يكون احمر لما احطها على شفايفي او لا :$ 

بس كانت تجربه حلوه خصوصا انه ماكان عندي توقعات عاليه بالنسبه للارواجها وانا طلبت picknic in the park 

لانها تكلمت عنه كثير وكان من مفضلاتها وهاللون هو الفوشي اللي في الصوره وفعلا هو عندي افضل من النود :$

اذا فيه اي سؤال عن القلوس او الموقع تقدرون تسألوني تحت 

فمان الله

WHEN YOU KNOW ME YOU WILL LOVE ME

favorite shampoo from Garnier Ultra Doux #purpleita. || شامبو المفصل من قارنييه #بربليتا

السلام عليكم. كيف الحال ؟

تدوينة اليوم بنكهه مختلفة خخخ. حبيت اليوم اتكلم عن شي حابته فعلا وحاسه بالفرق معه ومع استخدامي له. 

بصراحة انا شعري دهني في فروة الراس و جاف في باقي الشعر مختلط يعني. متعب جدا هالشي. من فتره صرت احاول اني شبه اسبوعي استخدم شامبو يتخلص وينقي شعري من كل انواع الدهون. 

هنا لقيت شامبو اولترا دوكس من قارنييه. حبيت ريحته وانه بالليمون. الريحة منعشه جدا. وعندي انه من المفضلات. لان فعلا لما استخدمه كل اسبوع مره او مرتين الاحظ ان فروة راسي نظيفه ! ماهي جافه او شعري نفسه ماهو جاف. لكن نظيف هذي الكلمه الوحيدة اللي اقدر اوصف شعري فيها بعد استخدماي لشامبو قرانييه. هو مخصص للشعر الدهني. لكن انا احسه ما يجفف شعري كثر ماهو ينطف فروة الراس. احب استخدمه واحس فعلا ان شعري او بالاصح فروة راسي تخلصت من كل التجمعات اللي فيها. وبالتالي الفروة تكون صحيه ونظيفه وتتنفس. احب هالشي واحب هالشعور. هو مخصص لتنقية الشعر. وفعلا هو يقوم بهالشي لكن ما يجفف الشعره نفسها. لان مثل ما وجهك يحتاج انك تغسلينه بالغسول عشان تتخلصين من كل شي متجمع فيه طول اليوم. انا احس ختى فروة الراس تحتاج لها الشي لان مثلها مثل بشرة الوجه. 

بس مثل ما قلت انا ما استخدمه بشكل يومي او في كل مره اخذ شاور. لا احب استخدمه مره ف الاسبوع. واحب استخدمه ف يوم انا ماراح استخدم اشياء تثقل شعري او تنحط على فروة الراس. 

النوع الثاني و النقيض تماما هو قارنييه للشعر الجاف و الباهت. يحتوي على الارغان و الكاميليا. احبه احبه 💖💖. احس بعد ما استخدمه شعري مترطب بشكل خيالي. وفوق ذا كله احسه كانه بلسم بس فيه نسبة تنظيف بسيطة. يعني ما يجفف الشعر ولا هو اللي تحسين الشعر مزيت بعد ما تستخدمينه. العكس تحسين شعرك شارب له كاس مويه خخخخخخخ. يعني مترطب كثير و لين وحتى الملمس راح يفرق معك. وشعرك بعد الشاور راح يفرق معك. احب استخدمه واحس من حبي للمجموعة هذي
من قارنييه ودي اجرب باقي الانواع واشوف الفرق لان فيه فرق شاسع بين الاثنين وكلهم لاحظت الفرق بعد استخدامهم. قارنيه للشعر الجاف فعلا يعطي شعري ترطيب و احس ملمسه ناعم حتى وانا تحت الموية. 

انصحكم تجربون النوع اللي يناسب شعركم ونوع الفروة من هالمجموعة. انا اخذت الاثنين من السوبرماركت ف اتوقع متوفرة في كل الاماكن. وبعد ماكان غاليه مره. 

اذا فيه اي سؤال بخصوص الشامو لا تتردون ف انكم تسألوني تحت 🙇💕. 

فمان الله

WHEN YOU KNOW ME YOU WILL LOVE ME

My thoughts on real techniques brushes #purpleita|| رأيي عن فرش ريل تكنيك #بربليتا

مرحبا، كيفكم ؟
كل عام وانتوا بخير والله يعوده علينا وعليكم بصحه وعافيه.

حبيت اليوم اتكلم عن فرش ريل تكنيك. خصوصا انه كثير يتكلمون عنها و يقارنونها بماركات فرش ثانيه. 

من فتره كل ماجيت بشتريها القاني اتردد، السبب اني حابه فرش سيقما ولها عندي اكثر من ٣ سنين ولا تغيرت او طاح شعرها. وعندي هي افضل من فرش ماك. عشان كذا قلت ماله داعي اجرب شي ثاني. بس مره قررت اشتريها واجرب. اخذت هالمجموعه. صراحة ما اعرف او اذكر اسمها لكن اخذتها لاني احس فرش العين عندي بس احتاج فرش للوجه اكثر. 

معلومات:

الاسم : travel essentials

الموقع: here

مكان الشراء: صيدلية وايتس 

هي ثلاث اشكال شي للبودرة\للبلش. شي للعين او الكونسيلر. والثالثه اللي ما احبها هي المسطحة.

بصراحة اعجبتني جدا. وما توقعت تعجبني لها الدرجة. حتى افكر اشتري اللي مخصصه للفاونديشن و اقارنها بحقت سيجما. 

لان حبيتها كثير خصوصا حقت البودرة\البلش. استخدمها اكثر شي من هالثلاث. احبها لانها تلقط البودره او البلش او اي شي بشكل سريع. وما تتعبين وانتي تحاولين اللون يمسك ف البشره عشان يبان في الوجه. بعض الفرش تجلسين ساعه تدورين في البودرة او البلش وبعد ما تحطين على وجهك تحسين مافيه شي. لكن مع هالفرشه بسرعه وتوزعه بشكل متساوي. ما تحسين انه فيه مكان اكثر من مكان. وهالشي ممتاز 👍. 

بالنسبه للصغيره استخدمها للكونسيلر اذا كنت رايقه. لان عادة اكون مستعجلة في حط ميكياجي عشان كذا استخدم الفرشه حقت الفاونديشن ف نفس الوقت. بس الصغيره احبها لانها توزع الكونسيلر و بعد احب اتبعه ببودره فوقها باستخدامي لنفس الفرشه. 

بعد حبيتها للاستعمال اليومي اللي احط فيه ميك اب سريع وابي الشادو يتوزع على الجفن كله. ما استخدمها للدمج مو لانها سيئة بس صراحة مستغنيه عنها بحقت الف. وقد تكلمت عنها في مفضلاتي. 

بشكل عام ابهرتني فرش ريل تكنيك. وتحمست اشتري المجموعه الجديدة لان ختى شكلها شيك اكثر 💖. 

حسيت الكلام عن الفرش مب سهل مره كيف اشرح انها ممتازة بالكتابه خخخخخخخخ. 

اللي ما حبيته هو غلاها عندنا. لانها تعبتر درق ستور برشز. بمعنى انها مو مثل اسعار ماك او زويفا. لكن هنا ٣ توصل بميه وزيادة. صراحة ما اذكر السعر. بس ما حبيت غلاها في الصيدليه.

في النهايه. 

اتمنى البوست افادكم لو شي بسيط. 

فمان الله 

WHEN YOU KNOW ME YOU WILL LOVE ME

Eid Haul by #purpleita || مشتريات العيد مع #بربليتا

أهلا وسهلا.. كيف الحال ؟

كيف تجهيزات العيد ؟ 

تدوينات اليوم هي عن مشتريات العيد. بصراحة مو كلها للعيد لكن حبيت اسميها كذا لان شريت اغلبها الاسبوع اللي فات 

وقلت منها تكون للعيد و لغير العيد. خصوصا مشترياتي من صيدلية بوتس لان عندهم عرض راح اتكلم عنه بعد شوي. 

معلومات :

الاسم : The Big Easy Liquid To Powder

النوع : BB CREAM

السعر: 190 ريال

مكان الشراء: وجوه 

الدرجه : 5 بيج

الموقع: هنا

بشكل عام:

اول شي انا رايحة ادور عن بي بي كريم فيه تغطيه + واقي شمس في نفس الوقت. بصراحة كنت مره حابه بي بي كريم ديور لكن السعر كان جدا غالي و العلبه سعنووونه. حسيته ما يسوى. وأجلته لبعدين اشتريه منهم. لان ابي شي هالفتره وحابه استهلكه بشكل يومي. ف قررت اشوف بيبي كري بنفت. ما قريت عنه شي ولا عمري فكرت اشتري منهم كريمات اساس او بي بي كريم. لكن لما حطيته على يدي حبيت التغطيه كانت اقوى بشوي من ديور و مات اكثر. حبيت فيه انه كريمي اول ما تحطينه لكن يجف ويعطيك مظهر مات\باودر يعني كآنك حاطه بودرة فوقه. وبعد فيه حماية من الشمس 35SPF. 

خالي من الزيوت، ومن المفترض انه يتحكم في زيوت الوجه او البشره المعرضه للدهون. اكثر منها للجافه. انا بشتري مختلطة لذلك ماراح استخدم بودره عليه لآنه يجف ويعطيك منظر مخملي. حبيته على يدي وان شاءلله يكون كويس على بشرتي لان بشرة وجهي مو اي شي يناسبها :(. 

معلومات :

الاسم :  Color Lip Last

النوع : روج مات

السعر : ٧٩ ريال للواحد.

مكان الشراء:  سيفورا

الموقع: هنا

الدرجات: رقم ٤ و ٥

من فتره وانا صايره اجرب منتجات سيفورا نفسها. قبل فتره شريت كريم الاساس حقهم وحبيته كثير. وراح يكون فيه تدوينه كامله عنه. لكن الارواج ما عمري جربتها او سمعت عنها شي. لكن قررت اجربها. كان فيه زحمه على ارواجهم 😂. وهذا خلاني اتحمس اكثر اني اشتري منهم. جلست اجرب ولآني انسانه ما تحب القلوسي او الكريمي عيني صارت تبحث عن كلمة مات خخخخخخخ. اخذت هالاثنين في الصوره صايرين قريبين مره من بعض لكن في الواقع لا. واحد مايل على موف و الثاني على بني. وكلهم جميلات جدا مع التان او غير التان. وهاللونين تحديدا صايره ابحث عنهم وبصعوبه القى هالدرجتين. انصح انكم تشوفونها لو رحتوا لسيفورا لانها فعلا الدرجة الللي راح تستخدمينها بشكل يومي. حبيتها كثير حتى ريحتها جميله 🌸. 

معلومات 

الاسم : سوب اند قلوري

مكان الشراء: صيدلية بوتس.
 العرض: اشتر ٢ و الثالث مجانا.

من اول ما فتحت المدونه وانا اتكلم عن منتجات سوب اند قلوري. وحتى اول تدوينه لي كانت عن اشياء شريتها منهم. هالمره شريت شاور جيل بريحة حامضه لاهو ليمون ولاهو برتقال. يذكرني بريحة حلاو او علك بنكه الليمون. حبيتها جدا و السعر بعد حبيته. وشريت بعد زبدة جسم لان اللي عندي شوي وتخلص. اخذت الريحة الاساسية منهم. و اخر شي مقشر جسم حبيته انه عصار احسن من اللي عندي افتحه وتدخل فيه المويه و يخف شوي. هذا اعصر بالكمية اللي ابي بدون ما تدخل فيه الموية. 

واخر شي من بوتس اخذته هو مزيل المكياج من بايوديرما #الحب ما استغني عنه صراحة واستهلكه بشكل كبير ولا افكر اغيره لان خلاص تعودت عليه. وتكلمت عنه كثير في المدونه فماراح اتكلم زيادة :$

الاسم: Rose 

السعر:39ريال

مكان الشراء: زارا

وانا احاسب ف زارا عن بعض اغراض شريتها ذكرت كذا وحدة تمدح عطورات زارا انها رخيصة وتنفع للاستخدام اليومي السريع. ولاهي ثقيله ف قررت اشمها وحبيت ان حجمه كان صغير وهو اللي شجعني اخذه عشان احطه في الشنطه بدون ما ياخذ مساحة كبيره. كان فيه انواع كثير وهذا تحديدا اكثر واحد لفت انتباهي. وحبيته خفيفه ريحته و نسائية ما ادري كيف اوصفها لكن حبيتها جدا 🌸. 

وبس هذي مشترياتي وحبيت اني اتكلم عنها يمكن تفيد احد فيكم خصوصا مع تجهيزات العيد. 

كل عام وانتوا بآلف خير و اشوفكم بتدوينه جديدة يوم الخميس 💖. 

فمان الله

WHEN YOU KNOW ME YOU WILL LOVE ME

All About Concealers #purpleita || اكثر ٣ كونسيلرز استخدمها #بربليتا

السلام عليكم ، كيفكون ؟

اليوم تدوينه حابتها خخخخخ ، وهي التدوينه اللي احس انها راح تفيدكم بشكل جدي ^^

خصوصا ان كل الكونسيلرز اللي استخدمها هي من الصيدليه \ drugstores يعني ماهي غاليه 

راح اتكلم عن استخداماتي لكل واحد منهم + تغطيتهم وكيف هي ناسبتني و الاماكن ، خصوصا اني ما احس اني استخدمها كلها بشكل اللي متعارف عليه خصوصا age rewind من مايبلين 

ملاحظه :

لكن قبل لا اتكلم انا ما اعاني بشكل دايم من هالاتي بس اذا ما نمت زين اعاني من انتفاخ اكثر من الهالات "^^

اول واحد 

fit me من مايبلين ، وهو بالنسبه لي اكثر واحد متعدد الاستعمال. 

احبه تحت العين لانه كريمي ويعطي تغطيه كافيه بالنسبه لي ولانه كريمي فهو ماراح يجفف لي المنطقه لكنه ماهو خفيف بالعكس تغطيته كويسه و بعد احب استخدمه في اماكن مختلفه في الوجه اذا كان عندي احمرار او ما شابه ذلك ، لان اعتبر هو التغطيه اللي احتاجها ولا احسه يجفف او يتعلق في المناطق الجافه في وجهي ، عشان كذا احبه 

لكن بالنسبه لي استخدمه في المناسبات لان تغطيته اكثر مما انا احب للشي اليومي احب شي خفيف على جفن العين خصوصا انها جافه عندي جدا ! 

ولانه كريمي وصحيح ان تغطيته ممتازة لكن لازم احط فوقه بودره عشان ما يتكتل او يجلس ف الخطوط الرفيعه للعين 

عموما ومعلومة سريعه اغلب الكونسليرز الكريميه تتكتل تحت العين لانها سائله نوعا ما فهي اكثر قابليه للتكتل عشان كذا يفضل تحطين فوقها بودره ولو بشكل بسيييط وهو الافضل . 

ثاني واحد و المفضل :$

قارنييه حكيت عنه كثير في المدونه و تقدرون ترجعون لتدوينات سابقه 

احبه جدا جدا !ما ادري لي فرحت كثير لما دريت انهم رجعوه للسوق ولو بشكل جديد اهم شي الكوره البارده موجودة $ـ$

احبه لان اللون الغامق منه مايل على اورنج فيكنسل اي سواد تحت العين.

بعد خفته خفيف جدا وينفع تستخدمينه بشكل يومي تحت العين ف خفته تسمح اني ادمةه بدون تفكير وبدون ما اشيل هم ف انه بيطلع شكله غريب تحت عيني ، لدرجة انه هو الكونسيلر الوحيد اللي فعليا احس لما احطه لحاله بدون كريم اساس ما احس ان شكلي غريب او ان تحت عيني فيه شي واضح والباقي لا و يمكن لانه مقارب للوون البشره ويندمج بشكل سهل 

وفوق هذا كله الكوره البارده لما احطه احس بشعور بارد على جفن العين وهالشعور عندي مريح جدا و احسه يخفف شوي من الانتفاخ 

لكن ارجع اقول خفيف يعني ماراح يعطي تغطيه كبيره للبنات اللي يعانون من هالات سودا. 

لكن احبه انه ماهو مات تحت العين يعني ما تحسين ان المنطقه جافه بالعكس فيه انعكاس خفيف للنور وهالشي يعطي انطباع ان المنطقه منوره بدون ما تستخدمين هايلاتر او درجة افتح وتخليك كآنك تعبانه. 

اخر واحد 

اكثر واحد عليه كلام ومدح في الانترنت ككونسيلر لكن سبحان الله مو شرط اللي يناسب الغير يناسبك ، بالنسبه لي كـ خافي عيوب تحت العين ما نفع معي و حسيت انه جاف جدددا في البدايه قلت يمكن بسبب الدرجة اللي ذلبتها لاني شريتها من زمان قبل لا ينزل عندنا من النت ولا عرفت ايش الدرجة المناسبه ف اللي وصلت كانت فاتحة جدا ، بعدين شريته من هنا و بدرجة مناسبه ، بس ستل حسيته جااااااف جدا بالنسبه لي شوي حسيته يتقشر او يبرز الجفاف اللي ف الجفن ، لكن كهايلاتر لا يعلى عليه $ـــ$ ! 

احبه كهايلايتر تحت جفن العين مباشر يعني اعلى عظمة الخد احط كونسيلر على الجفن و تحت مباشره هو كهايلايتر وحبيته بعدها صرت استخدمه في المناسبات واذا حابه ابرز عظمة الخد او اعطي منظر صحي اكثر لوجهي $ـ$ 

لكن بصراحة بالنسبة لي كخافي عيوب تحت العين كان فاشل 

بس كهايلاتر على العظمة الخط و الانف و الاماكن اللي حابه تبرزينها ممتاز 

بكذا اكون عطيتكم استعمالات مختلفه لكل كونسيلر 

ما احب التزم بشي معين وهالشي فيني حتى ف الفرش ما استخدمها ف الاماكن اللي المفروض انك تستخدمينها وراح احكي عن هالشي في تدوينه ثانيه 
احب اجرب واحوس شوي يعني، واحس هذا جمال الميك اب انك ما تتقيدين بشي وتقدرين تبدعين بالطريقة اللي تناسبك 

لكن بشكل عام كل شي احب القى له استعمال ثاني وثالث 

اذا قدرت. 

وبس اذا فيه اي استفسار عن الكونسيلرز تقدرون تسألوني تحت ما ذكرت الاسعار لاني من زمان شاريتها بس كلها رخيصه ^^

فمان الله 

WHEN YOU KNOW ME YOU WILL LOVE ME

تجربتي لماسكارا Roller lash من بنفت #بربليتا || #Purpleita review on Roller Lash from Benefit

السلام عليكم.

كيفكم ؟ 

تدوينة اليوم عن ماسكارا، وبشكل عام الماسكارا هي اللي ما اطلع من البيت الا وانا حاطتها!

وما استغني عنها وهي مع الارواج اكثر شي اشتريه وبشكل دايم، حتى قبل ما تخلص حقتي اشتري وحدة احب اجربها 

واشوف الفرق بينهم بين الهاي اند و الدرق ستور بين الغالي و الرخيص. 

ولاني جلست فتره طويله احب الماسكارا القديمة they’re real من بنفت #الحُب ، قلت ليه ما اجرب الجديدة. 

لان فيه ناس حبوها اكثر من القديمة حتى فيه ناس سبوا القديمه ومدحوا الجديدة. 

معلومات عامه :

الاسم : Roller Lash

الماركة : Benefit Cosmetics 

مكان الشراء: sephora

من المفترض : الماسكارا تعطيك رموش طويله ومعكوفة لمدة ١٢ ساعه. هالماسكارا راح تغنيك عن استخدام عكافة الرموش. 

لمعلومات اكثر : هنا 

تجربتي مع الماسكارا: 

بشكل ايجابي احسها ما تختلف من ناحيه الجل حق الماسكارا نفسه عن القديمه الاختلاف في الفرشه هذي اسخف ومقوسة بشكل اكبر. ولانها نحيفه فهي تعطي تطويل او طول للرموش اكثر من انها تعطي كثافه. وهالشي انا ابحث عنه في الماسكارات. افضل التطويل على التكثيف. وفعلا هي تطول الرموش بشكل خيالي $ــ$ ! والرموش متفرقه و ما تتكتل لان اساسا الفرشه ماهي مليانه من الشعر اللي ممكن يلقط الجل ويخليها تكتل الرموش. سخيفه و شعيرات الفرشه نفسها قصيره و نحيفه فهي تفرد لك الرموش. وحتى تطلع احلى بعد ما تنشف شوي وتعيدين عليها مره ثانيه. واكيد هي ضد الموية و عكفة الرموش تستمر لفتره طويله. لكن ما اغنتني عن استخدام عكافة الرموش. انا رموشي قصار ولما جربت ف عين بدون حكافه ما ارتفعت الرموش بالشكل الجميل ف العين اللي استخدمت فيها العكافة. وبالنسبة لي اذا تبين تنقلين روتين عينك لمستوى ثاني لازم تستخدمين عكافه الرموش وهي خطوة ما استغني عنها مع كل انواع الماسكارا. 
ولان الفرشة سخيفه ونجيفه فهي تسمح لك توصلين للرموشي الصغيره واحب استخدمها على رموش السفليه بعد.

ملاحظاتي عليها :

شي واحد ولاحظته حتى في القديمه صحيح اني احب الماسكارا الجافه ولا احب الرطبه لكن ماسكارا بنفت تنشف بشكل سريييع ! 

يعني على طول تلاحظين الجل بادي يتكتل ينشف من جوا. عشان كذا الاحظ انها وقت استخدامي لها اقل من باقي الماسكرات. هذا الشي الوحيد اللي ما حبيته غير كذا ممتازة واذا تبحثين عن ماسكارا تطول الرموش انصحك بقوه تجربين اي وحدة من بنفت لان كل الثنتين ممتازات برأيي انا حتى يوم شريت هذي شريت القديمه معها :$. 

اذا فيه اي تسآؤل عن الماسكارا واذا حابين اتكلم بتفصيل عن القديمه ياليت تقولون لي :$

فمان الله 

WHEN YOU KNOW ME YOU WILL LOVE ME