تجربتي لماسكارا Roller lash من بنفت #بربليتا || #Purpleita review on Roller Lash from Benefit

السلام عليكم.

كيفكم ؟ 

تدوينة اليوم عن ماسكارا، وبشكل عام الماسكارا هي اللي ما اطلع من البيت الا وانا حاطتها!

وما استغني عنها وهي مع الارواج اكثر شي اشتريه وبشكل دايم، حتى قبل ما تخلص حقتي اشتري وحدة احب اجربها 

واشوف الفرق بينهم بين الهاي اند و الدرق ستور بين الغالي و الرخيص. 

ولاني جلست فتره طويله احب الماسكارا القديمة they’re real من بنفت #الحُب ، قلت ليه ما اجرب الجديدة. 

لان فيه ناس حبوها اكثر من القديمة حتى فيه ناس سبوا القديمه ومدحوا الجديدة. 

معلومات عامه :

الاسم : Roller Lash

الماركة : Benefit Cosmetics 

مكان الشراء: sephora

من المفترض : الماسكارا تعطيك رموش طويله ومعكوفة لمدة ١٢ ساعه. هالماسكارا راح تغنيك عن استخدام عكافة الرموش. 

لمعلومات اكثر : هنا 

تجربتي مع الماسكارا: 

بشكل ايجابي احسها ما تختلف من ناحيه الجل حق الماسكارا نفسه عن القديمه الاختلاف في الفرشه هذي اسخف ومقوسة بشكل اكبر. ولانها نحيفه فهي تعطي تطويل او طول للرموش اكثر من انها تعطي كثافه. وهالشي انا ابحث عنه في الماسكارات. افضل التطويل على التكثيف. وفعلا هي تطول الرموش بشكل خيالي $ــ$ ! والرموش متفرقه و ما تتكتل لان اساسا الفرشه ماهي مليانه من الشعر اللي ممكن يلقط الجل ويخليها تكتل الرموش. سخيفه و شعيرات الفرشه نفسها قصيره و نحيفه فهي تفرد لك الرموش. وحتى تطلع احلى بعد ما تنشف شوي وتعيدين عليها مره ثانيه. واكيد هي ضد الموية و عكفة الرموش تستمر لفتره طويله. لكن ما اغنتني عن استخدام عكافة الرموش. انا رموشي قصار ولما جربت ف عين بدون حكافه ما ارتفعت الرموش بالشكل الجميل ف العين اللي استخدمت فيها العكافة. وبالنسبة لي اذا تبين تنقلين روتين عينك لمستوى ثاني لازم تستخدمين عكافه الرموش وهي خطوة ما استغني عنها مع كل انواع الماسكارا. 
ولان الفرشة سخيفه ونجيفه فهي تسمح لك توصلين للرموشي الصغيره واحب استخدمها على رموش السفليه بعد.

ملاحظاتي عليها :

شي واحد ولاحظته حتى في القديمه صحيح اني احب الماسكارا الجافه ولا احب الرطبه لكن ماسكارا بنفت تنشف بشكل سريييع ! 

يعني على طول تلاحظين الجل بادي يتكتل ينشف من جوا. عشان كذا الاحظ انها وقت استخدامي لها اقل من باقي الماسكرات. هذا الشي الوحيد اللي ما حبيته غير كذا ممتازة واذا تبحثين عن ماسكارا تطول الرموش انصحك بقوه تجربين اي وحدة من بنفت لان كل الثنتين ممتازات برأيي انا حتى يوم شريت هذي شريت القديمه معها :$. 

اذا فيه اي تسآؤل عن الماسكارا واذا حابين اتكلم بتفصيل عن القديمه ياليت تقولون لي :$

فمان الله 

WHEN YOU KNOW ME YOU WILL LOVE ME