تنسيقات #بربليتا لفصل الشتاء , #purpleita winter styles

السلام عليكم ورحمة الله وبركاته 

كيفكم واخباركم ؟ 

بشروا عطلتوا و جبتوا درجات ترفع الراس ^^ ؟ 

من هالمنبر احب اقول اني ف الشتاء دخلت سبات قوي :$ !

والدليل التقصير ف المدونة وقلت التدوينات ولا مب من قل الافكار خخخخخخخ 

بس حسيت اني مصختها ف قلت انزل هالبوست اللي اول مرة اسويه وان شاءلله يعجبكم "^^ 

تدوينة اليوم هو عن تنسيقاتي لفصل الشتاء , راح اخليها على جزئين طبعا اذا لقيت انه اعجبكم . 

اعتبر تنسيقات اليوم للطلعات الخفيفة او مع صديقاتك تقدرين تلبسينها ^^ .. بعضها اكثر للمناسبات 

من البعض , وحاولت انوع وما اكثر من التنسيقات كانوا 6 و قلصتها لأربعه .. 

ملاحظة : بما انها اول مرة ف حابة اقول انه مو شرط تمشين عليها بالحرف هو طريقة لألهامك ومساعدتك 

انك تطلعين باشياء جميلة من دولابك <3 , ولا ننسى اختلاف الاذواق .. 

بسم الله نبدا .. 

أول تنسيق : 

 أعتبر هالتنسيق للطلعات الخفيفة جدا او حتى مناسب للبيت  , 

البلوزة ماهي ثقيلة مرة ومعه الشال الثقيل راح تتدفين , حبيت العب بدرجات الالوان الزيتي ألى 

البني او الجملي 

صور عن قرب :

 في الصورة التالية واضح انه فيها بعض الكرستالات , احب الف الشال بشكل كامل واربطه على شكل حلقة من ورا عشان تبان الكرستالات 

تفاصيل اللبس : 

الجينز الغامق : مانجو 

البلوزة : زارا 

الشال : زارا *كل شتوية ينزلونه ولون ثاني ابيض منه* 

الفلات : امريكان ايجل 

* الشال انصحكم فيه بشكل ما تتخيلون نعومته و كيف يعطيك دفئ للرقبه و طوله يسمح لك تلفينه على رقبتك

* فصل الشتاء يتميز فأنه تقدرين تضيفين طبقات قد ما تقدرين يعني بإمكانك تكملين الطلة بجاكيت لو حابة 

* الفلات موجود ف محلات كثير ومنها حبيبة الكل اقز 

* تقدرين تخلين اللبس مناسب اكثر للطلعات بلبس بوت بكعب او كعب عالي بلون بني 

التنسيق الثاني :

 لأننا في فصل الشتاء ف يكثر لبس الالوان الرمادية و الأسود وما شابهها , احب في هالوقت اني اغير 

بين فترة وفترة والبس شي فيه لون قوي او باستال " الالوان الفاتحة" , لأن احب اغير الروتين واكسره 

في هاللبس واضح فيه الالوان الفوشي - التيفاني -  الابيض .. 

 حبيت البس معه كعب يعطيه شوي اناقة لأن بالنسبة لي نوع الشوز هو يحدد المناسبة حقت اللبس 

يعني اذا لبست فلات راح يكون مناسب للطلعات الخفيفة لكن من اللحظة اللي اضيف كعب 

احس يضيف كثير للبس "^^ 

في هالصورة الشكل على الجاكيت من ورا هي علامة دولار .. ولأن فيه الوان كثير اللبس حبيت 

اني اوحدها بكعب حليبي \ نود . 

تفاصيل اللبس : 

الجاكيت : اسوس 

الشال "انفينتي" : اسوس 

البنطلون : زارا 

الكعب : ناين ويست 

* تقدرين تضيفين لمسة لون او حياة للبسك عن طريق شال مشجر \ ملون 

* لا تلزمين نفسك بلون معين او روتين معين حاولي دائما كسر قاعدتك ف اللبس وجازفي 

* تقدرين لبس فلات قلتر فضي مع اللبس 

التنسيق الثالث :

 مثل ما قلت لكم قبل حلاة الشتاء ف الطبقات , واحس من الاشياء الاساسية اللي لازم تكون موجودة 

في دولابك هو القميص الجينز , تقدرين تختارين درجات كثيير و انواع كثير فيه منها الثقيل و الخفيف جدا 

اول ما نزلت كان صعب القاها الحين صايرة متوفرة كثير ودرجات كثير .. واعتبرها قطعه اساسية تقدرين 

تبنين عليها اللوك حقك ^^ .. 

في هالتسيق حبيت ادمج التكستشرز \ الخامات حقت الملابس نفسها .. 

من الصوف للجينز للبنطلون البني ^^ 

وعشان ما يكون ميت اللبس اضفت سلاسال للقطعه .. 

تفاصيل اللبس : 

القميص الجينز : ريفر ايلاند 

البلوزة الصوف : مانجو 

البنطلون : زارا 

الفلات : امريكان ايجل 

العقد : نيولوك 

* حاولي تبحثين عن عقود غريبة و اشتريها مو شرط تكون كبيرة مرة مثل المعروض حاولي تنوعين بينها 

من ناحية الحجم - الشكل - و الخامة نفسها حقت العقد 

التنسيق الرابع و الاخير :

 أخر تنسيق هو اللي اعتبره المميز بينهم كلهم , خصوصا ان هالبلوزة صايرة موضة ومنتشر اشكالها كثير 

لكن حبيت هالشكل بالذات لأن عندي علاقة جميلة جدا مع طبعات الوورد :$$ ... 

ولأن السوتر كلها طبعات وفيها كلمة "ديور" حبيت تكون هي اساس اللبس وبدون ما اضيف عليها شي 

يخليها تضيع .. 

قميص ابيض تحتها راح يزيد من التركيز على الوان البلوزة و الابيض اللي اساسا موجود فيها 

خصوصا انه ما طلع منه الا الابة .. 

اضفت هالعقد لأن شكله مثلث +صغير نوعا ما + الذهبي اللي فيه مع الكرستال حسيته اضافة جميلة للبس

وعشان ما يكون زحمة مرة ولان البلوزة كبيرة لبست معها لقنقز اسود + كعب نود لكن اخترت هالكعب تحديدا 

لأن فيه الاحمر اللي ورا فهو يناسب تدرجات الالوان اللي موجودة في السوتر ^^  

تفاصيل اللبس : 

القميص الابيض : من زمان عندي فما اذكر "^^ 

البلوزة : Romwe 

اللقنقز : زارا 

الكعب : زارا 

العقد : فور افر 21 

تجربتي في التسوق من ROMWE : 

راح اسولف شوي عليكم , هالسوتر اعجبتني من زمان من اول ما شفتها ف انستقرام . . لكن ماحبيت اشتريها

من البائعات ولي اسبابي .. قلت خل ابحث عنها ف النت ولقيت هالموقع وكنت سامعه عنه قبل 

وقتها كانوا مسوين تخفيض +شحن مجاني , ف قررت اطلبها الشحن كان دايركت على السعودية و كان السعر 

اللي شريتها فيه اقل ب 200ريال من بعض اللي كانوا يبيعونها في الانستقرام .. 

اللي حابة اقوله هو لازم نتعلم اننا نتسوق بذكاء وهالشي انا تعلمته ف لازم نبحث ونشوف قبل لا نشتري اي قطعه 

من اي موقع ونقارن الاسعار , كلنا عندنا فلوس وكان بإمكاني اشتريها بالسعر اللي ف انستقرام ! 

بس هو راجع لك انتي انك تشترين شي وهو راح تلقين نفسه بسعر اقل .. 

الخلاصة : 

الموقع ممتاز ويقدم دائما عروض على بعض القطع اللي عندهم , ومتجدد .. 

في النهايه 

إن شاءلله تكون اعجبتكم التدوينة , وتغيير عن اللي دائما اكتب 

وياليت تعطوني خبر اذا حابين اسوي جزء ثاني منها ^^ 

ولا تنسوني من دعمكم بالرتويت و التعليق و اللايك في جميع وسائل التواصل الاجتماعي <3 

 أي سؤال او اسفسار تقدرون تتواصلون معي عن طريق وسائل الاتصال 

ولو حابيني اتكلم عن موضوع معين لا تتردون ف انكم تعطوني خبر ^^ 

فمان الله 

WHEN YOU KNOW ME YOU WILL LOVE ME