#Purpleita unpacking new Tory Burch purchase || #بربليتا تفتح شي جديد من توري برش ❤

 السلام عليكم ، كيفكم ؟

من فترة طويله ناوية اطلب لي فلات من توري برش ، وكل ما لقيت فلات اعجبني يا يكون مخلص يا ما القى مقاسي لين ما خلاص فقدت الامل وشلت الموضوع من بالي خخخخخ :$ 

لكن قبل كم يوم دخلت موقع شوب بوب وكانوا مسوين تخفيضات ومنها فلات من توري بورتش اللون كان قاتل جدا من الالوان المفضله عندي ❤ ف الاكسسوار !

حبيت انه هاللون وقلت خلاص يا بنتي من زمان ف خاطرك ف قررت اطلبه ! 

وتوه يوصل امس ولا فتحته لين ما فضيت اصور لكم $ــ$ !

اول شي حابه اتكلم عن موقع شوب بوب احبه جدددا $ـ$ 

خدماتهم رائعه جدا غير التغليف الاكثر من جميل و خدمة الترجيع سهله جدا وموضحين لك كيفية الترجيع ، غير الشحن السريع المجاني ❤ يعني اهم شي عندي انهم ما يتخلصون من الكراتين بالعكس تعيشين تجربة الشراء كانك رايحة للمول 

يعني حتى كرتون الفلات لازالوا محتفظين فيه وبعض مواقع الشحن تتخلص منه لأنه اسهل عليهم ف الشحن :(

من البدايه بقول كان صعب اني انقل لكم اللون الحقيقي للفلات هو روز قولد ❤❤❤ ، من الالوان الجميله جدا 

حبيت اهتمامهم للتفاصيل ف انهم حتى الشعار مغطينه عشان ما يتخدش ❤ !

طلبت مقاس ٣٦ ونص ، يعني اكبد من مقاسي بنص لان انا ف الفلات عادة اخذ مقاس ٣٦ لكن حسيت انها بتجي ضيقة ف اخذت نص مقاس اكبر. 

اللون ظاهر بشكل افضل على الموقع 

تفاصيل اكثر عنها :

الموقع : Shopbop هنا

المقاس : ٣٦ ونص 

السعر : بعد التخفيض 175$ كان عليها ٣٠٪ خصم

يعني تقريبا 664ريال ، بعد ماكانت ٩٥٠ريال

بشكل عام انا سعيدة وواقعه في غرامها ❤ !

و المقاس الحمدلله كان مناسب جدا ^ــ^ 

خصوصا الروز قولد احس بيجي جميل جدا مع جينز فاتح 

في الصيف و راح يكون تنسيقها مع قطع يوميه بتعطي لمسه جميله ❤❤

في النهايه :

هذي مو اول مره اطلب من شوب بوب احبه كثير بالنسبه لي هو افضل من نوردستروم بالنسبه للشحن و التغليف ، يكفي ان الشحن مجاني و التغليف مثل لو انتي شريتي من المحل ❤ ، اللي ما احبه ف الموقع شوب بوب هو ان القطع و المقاسات تخلص بسرعه ! يعني ممكن ف يوم تخلص المقاسات :( ، غير كذا من المواقع اللي احب اشيك عليها من فتره لفتره . 

لو فيه اي سؤال او استفسار تقدرون تتواصلون معي تحت او في الروابط الموجودة ^^ 

حبيت التجربه انه اول ما يوصل الشي اصوره لكم ، ،اذا حابينها ياليت تعطوني خبر لاني انتظر شحن توصلني هالفتره لو حابين اصورها اول ما توصل ^^ 

وبس

فمان الله

WHEN YOU KNOW ME YOU WILL LOVE ME