4- منتجات للعناية و تسريح شعرك في الجامعه #بربليتا / products to style your hair for university #purpleita

السلام عليكم ورحمة الله وبركاته ,

كيفكم ؟ وش اخباركم ..

اخبار اول اسبوع في الدراسة , نعتبر ان هالاسبوع 

هو اول اسبوع خخخخخخخخخخخخ , لأن محد دوام الاسبوع اللي فات ^^ ! 

صدق اشتقت للبلوق واني اسولف لكم عن اشياء تفيدكم و هامتني

بس ف نفس الوقت ما كنت ادري عن ايش اتكلم خصوصا 

اني للحين احس اني ودي اتكلم في سلسلة العودة للمدارس ..

المهم , مثل ماهو واضح اليوم بتكلم عن منتجات 

ممكن تساعدك في انك تسرحين شعرك وتعتني فيه ف نفس الوقت

لأن مع الشمس و الحر الشعر مثل باقي جسمك يحتاج لعناية

وهذي اشياء بسيطة ونوعا ما رخيصة للعناية بشعرك <3 

أول شي حابة اقول نوعية شعري , مثل باقي جسمي جاف 

خفيف و كيرلي <3 ! لذلك يحتاج لعناية وترطيب اكثر 

من الحين يعني اقول لكم خخخخخ ان بعض المنتجات يمكن تكون

نافعه معي وانتوا لا :$ بس نشارككم <3 

أول منتج هو من دوف , شركتي المفضلة في العناية بالشعر

يعني دايم ارجع لها للعناية بشعري , خصوصا اني اشوف نتائج

اشبه ما تكون بفوريه , خصوصا من ناحية الترطيب ! 

هالبديل زيت من مجموعه "hair therapy" من دوف

أستخدمه مع الشامبو , استخدمه بعد الاستحمام 

اوزعه فقط على الجذور ومنتصف الشعر ما يلامس فروة راسي

لأن مهما كان الشعر جاف وكذا ما ينفع أنك تتعبينه بالكريمات 

لأن أول شي يزيت في شعرك هي الفروة فما ينفع راح يتعب الجذور ويكون شكله مزيت وهابط وهالشي احنا ما نبيه , نبي بس ترطيب و نعطي ليونة اكثر للشعر <3 ! 

وهالشي مع الشامبو الاحظ النتيجة على طول من الملس حتى 

بعد ما ينشف .. عموما انصح فيه للشعور اللي ناشفة او بادية تتلف<3 

ثاني شي هو زيت من فازلين , الصراحة هالشي صديقتي نصحتني فيه <333 ! ومن شريته صرت انصح كل اقاربي فيه 

رخيص لكن ينفع للشعر الكيرلي خصوصا ان ف الجامعه ما تبين تستشورين شعرك كل يوم او على الاقل انا ما احب :$ ! 

احس حر وحرارة شمس ومع الاستشوار اليومي راح يتأثر شعرك على المدى البعيد اذا ما كان القريب .. 

طريقتي في استخدامه هو اني احط شوي في يدي و امرره على شعري بعدين اقلب راسي وابدأ في تهوية شعري لين ما يكون نسبة انه يكون نشف من الموية 70% تقريبا يعني الجذور يكون فيها شوي رطوبة , وهالطريقة ف انك تهوين شعرك بالمقلوب راح تعطي شعرك كثافة و الكيرلز راح تمسك اللفة حقته <3 

نرجع للزيت هو خفيف بس ف نفس الوقت كمية بسيطة جدا منه

راح تكفي شعرك كله , لأن لو كثرتي راح يطلع مزيت .. 

هذا بعد زيت من لوريال , فيه مجموعة زيوت مع بعض , بصراحة من شريته ما عاد صرت استخدم حق فازلين كثر اول :$ ! , السبب انه ما يزيت الشعر مرة لو مرة غلطت وكثرت منه :# , وبعد ريحته حلوة <33 ! واكيد كلنا نبي شعورنا تكون ريحتها حلوة , بصراحة ما احسه يعالج الشعر كثر ما يعطيه ترطيب وترطيب قوي , يعني احط بس نقطه واخليه بس على جذور شعري وصدق الترطيب او الليونة في الجذور احس فيها حتى بعد يوم من الاستحمام <3 ! , فيه 6 زيوت مستخلصة , ف اكيد مع كثر الاستخدام راح الاحظ الفرق .. 

* ملاحظة : 

لين كنت ما راح استشور شعري استخدم زيت لوريال مع كمية قليلة من بديل الزت من دوف مع بعض وبعدين اوزعهم على الشعر , أجدل " أعمل ظفيره" لشعري و انوم من بكره افكك الجدايل وراح يكون شكله جميل وصحي <3 .. 

الحين ننتقل لأشياء ممكن تستخدمينها لو كنتي تستشورين شعرك كثير او ما تحبين تخلين شعرك كيرلي او طبيعي وهذا شي طبيعي ^^ .

اول منتج هو بخاخ مكثف من ويلا , وهالاختراع جميل جميل <3

مثبت للشعر وبنفس الوقت يعطي كثافة لشعرك , يعني بعد ما تستشورينه بخي شوي على المناطق اللي تحتاج انها تنتفخ شوي P: , ولااا شعرك بيكون اكثر كثافة , وراح يمسك الشكل يعني سبريه و الحلو بعد انه يحمي الشعر من الحرارة و الاشعة .. 

أستخدمه بعد ما استشور شعري و اقلب راسي وشعري يعني يكون مقلوب وابخ من مسافة و اذا رفعته يكون اكثر كثافة .. 

أخر منتج هو الاختراع الجميل اللي هو الدراي شامبو .. 

كنت اسمع كثير يوتيوبرز يتكلمون عنه قبل لا يصير عندنا , وحبيته جد , لأن الدراي شامبو وظيفته هو انه اذا بخيتيه على شعرك او جذورك راح يتمص الزيوت اللي بادية تتجمع على شعرك و يعطي شعرك كثافة و بعد ريحته حلوة <3 .. 

كثير ناس ينصحون فيه اكثر من السبريه , لأنه البودرة اللي فيه تمتص الزيوت و ف نفس الوقت تكثف الشعر , فيما ان السبريه اذا كثرتي ممكن يبس شعرك ويطيح مسكة الكيرل بعد فتره .. 

عموما انا وحدة ما احب السبريه ف هالمنتجين كانوا انقاذ .. 

الدراي شامبو تلقونه في صيدلية بوتس .. 

وبس هذا بوست خفيف زريف وسريع , 

وبعد اذا حابين اتكلم عن مواضيع اكثر بليز لا تتردون عادي انا

اصلا هالموضوع اخذته من وحدة قالت لي انها ودها اني اتكلم 

عن منتجات تساعدنا اننا نسرح ونعتني في شعرنا ف نفس الوقت <3 وهذا الشي لو لاحظتوا موجوود في اغلب المنتجات للبنات اللي حابين يخلون شعرهم على طبيعته او البنات اللي حابين يستشورن أو يستخدمون الفير.. 

في النهايه ان شاءلله ان البوست اعجبكم , ومثل العادة لا تحرموني من دعمكم بالرتويت و واللايك و حتى الفولو .. 

ولأي اقتراحات شاركوني فيها على :

#back2schoolwithPurpleita

ولا تنسون الفولو على البلوق لوفن و الرتويت .. 

فمان الله .. 

WHEN YOU KNOW ME YOU WILL LOVE ME