#GlowGlamGirl event with #purpleita

السلام عليكم ورحمة الله وبركاته 

كيفكم ؟ 

اليومين هذي صارت أشياء جميلة بالنسبة لي كمدونة

وكشخص يحاول بكل ما فيه يطلع من الكومفرت زون حقته :$ ! 

قبل أمس حضرت maisonbom أيفنت في نجود مول بالرياض .. 

بصراحة انا رحت لاني تحمست فاشن و أفنت وفوق هذا كله كان زي التجمع للبلوقرز وأكيد حبيت احضر

هالشي وأكون جزء منه ، خصوصا اني اعتبر نفسي 

بلوقر جديدة ف حبيت اشوف البنات واتعرف عليهم شخصيا ❤️! 

الحمدلله اني رحت لان من جد انبسطت وكان شي جميل مقابلة كل البنات اللي معي ف التدوين ويكون 

لنا اهتمامات متشابه .. 

المكان كان جدا جميل و الترتيب كان غريب نوعا ما 

يعني كان المانيكنز موزعه في المكان وكل مانكان لابسه فستان معين وحولها أشياء مقاربة لثيم الفستان 

بس قبل خل اقول لكم اول ما دخلت كنت متأخرة شوي لان البنات كانوا جالسين سوا بس بتر ليت ذان سوري ؛) ! 

ولاني ما كنت مشتهيه اكل شي طلبت لي سيزر ❤️!

وكنت كلنا جالسين على طاولة وحدة وحبيت الجو صراحة ❤️

بس الافنت بدا صدق تقريبا بعد ساعه من دخولي لان بدوا يجون البلوقرز و بينا نتكلم عن المكان و كل شي جميل مسوينه ميسون ❤️.. 

صورة لاحد الاعمال المعروضة ، حبيتها جددا خصوصا انها غريبة ، لكن في نفس الوقت مستوحاة من كفر المجلات وبطريقة كانها تضحك على الستريو

تبيكال ، او هذا اللي فهمته :$.. عموما شغل مرة جميل تمنيت احط اكاونتها لكن ما لقيته :( مع اني متأكدة اني سويت لها فولو :( ! ان شاءلله اذا لقيته راح أحطه لكم لان شغلها يستاهل الدعم <3 

شفتوا لما قلت لكم أشياء غريبة كانت في المكان ، هذي كنها الاكواب كانت تعطيك طابع فكتوري قديم لكن البوب اوف كولو او الألوان الصارخة نوعا ما في المسكة معطيته لمسه حضارية ، وهي جاية من إيطاليا الاكواب هذي ، جدددا جميلة جلست يمكن ١٠ دقائق اروح وارجع عليها اقول اشتريها ؟ ما اشتريها ؟ 

بس لان اصلا ما احب اشرب كوفي والشاهي احبه ف كوب شفاف خخخخخخخ وكأني وقتها اسمع صوت أمي في مخي تقول لي اذا ماراح تستخدمينه

ليه شريتيه خخخخخ ؟ 

عموما فيه الكوب اللي المسكة كانت بنك هو جديا فتنه ❤️! 

الحين نروح للفاشن و السبب الرئيسي اللي خلانا كلنا نجتمع في هالمكان<3!

ما صورت كل الفساتين اخترت بس اللي حبيتها ولفتت انتباهي .. وهي على مافهمت كانت قطع 

من كولكشن كاملة .. عموما انا حبيت هالفستان الاسود ولان عندي ضعف للفساتين السوداء واللي تجيك شوي فتننق او ماسكة شوي على الجسم ..

صورته الفستان وهو المفضل عندي في المجموعة كلها و التفاصيل او الشك الذهبي معطيه فخامه و طابع قديم شوي كانه شي ڤنتج!

وبعد واحد من الفساتين اللي حبيتها وأكيد راح يكون اسود ، هو المجموعة كاملة كانت على الوان غامقة من العنابي او الخمري و الاسود ومع تفاصيل بالذهبي او الفضي ❤️! 

لكن هذا حبيته كثير خصوصا الدانتيل اللي على ألكم و انه مو سترابلس ، وأكيد ماكسي لكن حبيت ابرز التفاصيل اللي في الصدر و الأكمام أكثر ❤️.. 

وكنوع من التغيير ولان اللون ملفت ولأنه مررة بسيط واللي هو ستايلي انا ، حبيته وحبيت انهم ابرزوه زيادة بالورود و الخضار أعطى شوي روح لباقي المكان.. الفستان بكل بساطة اقدر اوصفه انه بسيط نظيف مافيه اي زحمه لان جماله ف لونه ❤️! 

وبس هذا بوست على السريع ولان الهدف من المدونة

اني اشارككم في كل شي يخصني وبشكل إيجابي طبعا ويترك اثر و يعلمكم انه لولا الله ثم دعمكم لي ما كنت راح ادخل هالتجربة و أتعرف على ناس انا سعيدة اني تعرفت عليهم بدون ذكر اسماء ، اذا حابين تشوفون اكثر او تقرون اكثر عن الحدث بإمكانك البحث في الإنستقرام عن طريق الهاشتاق:

#GlowGlamGirl 

وشكرا لميسون بوم اللي اعطاني الفرصة اني أعيش هالتجربة .. 

ولا تنسون الفولو على البلوق لوفن و الرتويت

دعمكم لي هو اللي يخليني اكمل <3 .. 

فمان الله .. 

WHEN YOU KNOW ME YOU WILL LOVE ME