تجربتي مع ارواج NYX المات #بربليتا || Purpleita review on NYX matte lipstick

السلام عليكم. كيفكم؟

اعتذر عن تأخير تدويناتي هالفترة. لكن ان شاءلله راح ارجع للجدول كل احد و خميس ^^

تدوينة اليوم عن ارواج NYX المات. اخذت منها لونين وان شاءلله راح اكتب كل شي عنها. 

معلومات :

الاسم: nyx matte lipstick

السعر: في الثلاثينات

مكان الشراء: سنتر بوينت

الموقع: هنا

تجربتي معها:

اول شي كلكم تعرفون انا حبي الارواج المات. وشفت مدح على ارواج NYXالمات ف قررت اجربها خصوصا انها رخيصة

بالصدفة لقيتها في سنتر بوينت. ما توقعت اللقاها عندهم خصوصا ان كورنر هالماركة دايم حوسة ومهمل. ودايم اشيائهم مخلصة.

لكن لقيت انهم منزلين مجموعة المات كاملة ف قلت يلا اجربها. العلبه عادية جدا وبلاستيك احيانا احسها شوي وتنكسر. فانتبهوا من هالشي. لكن ما احس العلبه تمنعني من اني اشتري روج حلو ؛).

اللون المايل على عنابي فاتح (merlot) هو اللي حبيته اكثر شي. حبيتها وحبيت ملمسها وكيف هي على الشفايف. اول شي ماهي 100٪ مات. وهالشي لاحظته. مخملية اكثر من انها مطفيه. لكن ماهي تجفف الشفايف و اللون والبقمنت تبان من اول ما تحطينه. تمنيت اني اخذت الوان تناسب استخدام يومي يعني على بنك او لحمي. لكن ما اكذب استهلكت العنابي كثير. ما تحسين انه في شي على شفايفك. ولا احسها جففت شفايفي خصوصا ان شفايفي جافه جدا وبسرعه تتقشر. اللون الاحمر قاتل $ــ$، فيه اورنج اندرتون ف صاير قوي $ـ$، حبيته كثير ! 

لكن انصح بتقشير وترطيب الشفايف قبل استخدامها لان احسها تبرز شوي الجفاف. غير كذا حبيتها كثير. الشي السلبي الوحيد انها ما تجلس فترة طويله. يعني بعد 3 ساعات او اكثر بشوي تبدا تخف. ولاهي مقاومه للاكل او الشرب. ف لازم تعيدين عليها بين فترة و الثانية. غير كذا عندي بالنسبه لسعرها ممتازة و انصح تجربونها.

في النهايه. 

اتمنى البوست افادكم لو شي بسيط. 
اذا عندكم اي استفسار تواصلوا معي تحت 

فمان الله 

WHEN YOU KNOW ME YOU WILL LOVE ME