افضل قلم كحل سايل مع #بربليتا من ELF, MAKE UP FOREVER , Bourjois ||

السلام عليكم ، كيف الحال؟

تدوينة هالاسبوع راح تكون قلم الكحل السايل. وحبيت اسوي هالمقارنه لاني من عشاق الكحل السايل. 

افضله على الجل ولاني شبه يومي ارسم عيني وهو شي اساسي في مكياجي. 

حبيت اتكلم بالتدريج الارخص ف الاغلى ف الاغلى. لان كلها جربتها وكلها عندي خلفيه كافيه عنها. وكلها فيها ايجابيات.

اول كحل هو من الف :

الاسم : e.l.f. Essential Waterproof Eyeliner Pen

السعر: ٢دولار #بلاش

الموقع : هنا

اول ما شريته حبيته فعلا ومن كل قلبي، كان سهل اني ارسم به لان السفنجة كانت نحيفه من فوق وماهي عريضة و الكحل كان يمشي معي بكل سلاسه. صحيح ان السواد ماكان ذاك الزود. لكن كاستعمال يومي حبيته. 

بس بعد فتره قليله جف :(، صار الكحل يطلع بكل متقطع وجاف واشهب شوي، وفوق هذا القلم نفسه او السفنجة خربت ماصارت واقفه او ثابته بالعكس. احسها شوي وتتقطع. فما حبيته ووقفت عن استعماله. لكن بالنسبه لسعره واللي حابه تتدرب على رسم الكحل احس حلو. لانه كان في بدايته سهل جدا. بس مثل ما قلت بسرعه خرب من جميع النواحي. بعد لا ننسى انه ماركة الف رخيصة جدا يعني كحل بـ ٢ دولار مره رخيص. so you get what you paid for XP 

ثاني كحل من برجوا :

الاسم:  Bourjois Liner Feutre 

السعر: 69 

الموقع: هنا

الكحل اللي ما اتوقع بستبدله في فتره قريبه ابدا. احبه واحب سواده وكيف انه يجلس فتره طويله. اول شي هو لونه اسسسود واول ما تحطينه يكون سائل او رطب شوي ف اخليه يجف افضل، السفنجة مقارنة بالف ادبب شوي، و التيب حقتها اعرض شوي، لكن يعطيك رسمة كحل سخيفة اذا حابه، وتقدرين تعرضينه. احبه لانه سلس جدا و الكحل يطلع بشكل مرتب و كثير ناس تسالني عن نوع الكحل لما استخدمه. استخدمه بشكل يومي ومرات نمت وانا حاطته وقمت والرسمه هي هي ما تغيرت :| ! 

يجلس فتره طويله وهو ضد العرق و الموية. بالنسبه للمنتج نفسه و السفنجة كلهم جلسوا معي فتره طويله مع الاستخدام اليومي اقول شهرين تقريبا من استخدام شبه يومي وما خرب للحين استخدمه <333 ! 

بالنسبه لي انصح فيه سواء كنتي متمكنه في الكحل او مبتدأة في كل الحالتين ITS A MUST HAVE. 
شريت منه ٣ مرات. وهذا دليل على مدى حبي له :$

ثالث كحل من ميك اب فورايفر :

الاسم: graphic liner

الموقع: here

الكحل شريته لآن اللي تبيع في سيفورا قالت انه افضل شي من ناحية اقلام الكحل السايل وكثير ناس تحبه. انا حبيته كثيييييير. ولانه غويلي ما استخدمه بشكل يومي. لكن اللي حبيته هو نحف وسخافة السفنجة حقت القلم. سخيفة لدرجة تعطيك رسمة كحل دقيقة ونظيفه جدا. وفوق هذا كله الكحل اسسسسسود $ــــــ$ ! وثابت يجلس معك طول اليوم وثباته عندي اقوى من برجوا من ناحية اللون و قوته. برجوا الشكل نفسه لكن مع الوقت احس اللون شهب شوي. لكن هذا سواده ثابت وناقع وما يتحرك وهذا احلى شي فيه. احسه ينفع للبنات اللي تحب الكحل يكون سخيف وماهو عريض. القلم و السفنجة حقته قويه فهي راح تعطيك رسمه دقيقة ونحيفه $ـ$. 

وبس ان شاءلله المقارنات فادتكم. لان بالنسبه لي كلهم كويسين ويختلفون من ناحية الاستعمال و السعر و بعد التفضيل. 

اذا فيه اي سؤال تقدرون تتواصلون معي تحت 

فمان الله

WHEN YOU KNOW ME YOU WILL LOVE ME