كريم اساس للسهرات من سيفورا ♥ #بربليتا

السلام عليكم .. كيفكم اليوم ؟

ادري مر اكثر من شهر ما كتبت شي، حتى نسبة المشاهدات في المدونة نزلت كثير..لكن قبل شهر توفت جدتي الله يرحمها ويغفر لها ويجعلها في الجنة من دون حساب ولا سابق عذاب.. وما حسيت اني ابي اتكلم عن اي شي او اسوي اي شي.. حتى شهر قليلة لكن قلت لو ما رجعت الحين احتمال ما ارجع ابد.. ولا ادري اذا فيه احد فقد تدويناتي او لا.. لكن قلت احاول اكتب لو مسودة واشوف انا بعدها وش يصير.. لكن لاحظت وانا اكتب لهيت شوي ومزاجي تعدل يوم خلصت كتابه.. الله لا يفجعكم في غالي ولا يحرمكم من اهلكم واحبابكم.. الحمدلله على ما جاء من الله.. لا تنسونها من الدعاء ♥♥ .

------

نرجع للتدوين ، بكل صراحة تدوينة اليوم كاتبتها من زمان لاني كنت مسوية جدول تدوينات ومجهزة مجموعة منها ومصورتها وكل شي. بس مسحتها كلها وخليت هذي..لان حبيت حتى في التدوين ولو انه بيني وبين نفسي ابدا صفحة جديدة.. هذي الوحيدة اللي جاهزه او كنت مجهزتها مقدما..

------

لاحظت اني من زمان ما تكلمت عن كريم اساس انا حابته ♥، خصوصا اني جلست فترة طويلة معلقه على كريمات اساس شنيل بجميع انواعها. وللحين استخدمها صراحة :$. لكن ما يمنع اني قبل كم شهر حبيت اغير واضيف نوع جديد للعايلة خخخخخخ. 

تدوينة اليوم عن كريم اساس سيفورا♥ وراح اتكلم بالتفصيل عنه. انا اخذته لاني سمعت مدح كثير عليه. 

الاسم:  10 HR Wear Perfection Foundation

الماركة: sephora

الموقع: هنا

تجربتي معه:

بصراحة حبيته كثيييير♥♥♥

 اول شي راح احكي لكم عن قوامه، قوامه ثقيل ماهو كريمي او سايل مره مثل كريمات اساس شنيل. لا بالعكس تحسون اقرب ماله الجل او الكريم المايل على جل. اول ما حطيته على يدي وقبل لا ادمجه خفت يكون ثقيل على البشره. لكن لما وزعته بالفرشه وقعت في غرامه♥♥ 

خفيف جدا ما تحسين انك حاطه ميك اب على بشرتك. خفيف لكن ف نفس الوقت يعطيك تغطيه متوسطة الى كامله. يعني تقدرين تزيدين عليه ويعطيك التغطية الكاملة اللي انتي حابتها للسهرة. قدرت هالشي مره لان اكثر شي يخليني ما احب كريمات الاساس اللي تكون تغطيتها كاملة هو ثقلها على البشره. لكن هذا يعطيك تغطيه شبه كامله ، ويندمج معك بسهوله. الفنشنق حقه مات\مطفي يعني مخملي وهو مخصص اكثر للبشرات الدهنيه لانه يدوم ساعات طويله. اكثر شي اقدره فيه انه خالي من البربان وهي مادة كثير موجوة في منتجات التجميل لكن كثرتها تضر البشره♥♥ 

من المفترض انه يدوم ١٠ ساعات على البشره. وما اقدر اقول شي لان ما عمري خليته على بشرتي ١٠ ساعات. لكن لاحظت انه بعد عدة ساعات بدا يطلع دهون من التي زون. لكن ما حسيته انه يتحرك من مكانه. 

بالمختصر : 

كريم الاساس يدوم ساعات طويلة

يعطي تغطيه متوسطة الى كاملة 

يخفي العيوب 

خفيف على البشره 

للبشرات الجافه ما يحتاج بودرة لانه يعطي لمسه مخملية او مطفيه. 

ما احس يناسب للاستعمال اليومي كونه ثقيل نوعا ما كتغطيه. للسهرات و المناسبات افضل استخذمه. 

وبس اتمنى هالتدوينة فادتكم ♥

اذا عندكم اي سؤال او اقتراح تقدرون تتواصلون معي تحت ^^

فمان الله

WHEN YOU KNOW ME YOU WILL LOVE ME