السلام عليكم ،
تدوينة اليوم عن شي جديد في السوق الخليجي ما صار له فتره. وانا حابته مررره ف قررت انزل عنه بوست ♥♥
مثل ما حكيت في التدوينة السابقه اني احب وافضل البرونزر على وجهي اكثر من البلشر. ف لما شفت سيفورا منزلين باليت الكونتور و الهايلايت من كات فون دي اخذتها بدون اي تفكير ، خصوصا ان الوانها تفتح النفس♥♥ !
معلومات عن الباليت:
الاسم: Shade + Light Contour Palette
الماركة: Kat Von D
السعر: 262 هالحدود “^^
مكان الشراء: سيفورا الرياض
تجربتي معها:
اول شي راح احكي عن البقمنت حقها، البقمنت لا يعلى عليه♥♥ شوي منها يكفيك وفيه منها ٣ درجات للكونتور و ثلاث للهايلات.. انا احب استخدم ثاني وثالث اغمق درجتين في الكونتور لاني هالفترة احب الكونتور الحاد على وجهي. لكن اذا حابه شي للاستعمال اليومي وتبين بس تعطين لون وحياة لوجهك انصح في استعمال افتح درجة. الالوان قوية يعني لمسه من الفرشه تكفيك♥♥. وتندمج معك بشكل سريع وما تتعبك او تبقع معك. اكثر شي لاحظته وقدرته فيها انها تجلس معك اليوم كله ما تتحرك من مكانها ♥♥. خصوصا ان كثير من البرونزرات تتعبني في هالموضوع. احب استخدم اغمق درجة عند اسفل الخد من عند الاذن يعني عند بداية اسفل خدك وبعدين استعمل الدرجة اللي افتح على باقي الخد. يعطي ظل للوجه و ينحت لك وجهك بشكل افضل ♥♥
بالنسبه للهايلاتر الثلاثة ، احب الدرجة المايلة على اصفر وبنك تحت العين لانها تعطي اضائة وتنور المنطقة. بالرغم من انها كلها مات\مطفيه. لكن مثل ما ذكرت قبل البقمنت حقها يعطيك التغطيه اللي انتي تبيها. من ناحية اضائة او كونتور. وكوني استخدم بودرة على بنك او اصفر هي مو بس تنور المنطقة اللي تحت العين لكن تثبت الكونسيلر في مكانه. وما احسها تجفف المنطقه مثل لو استخدمت بودرة الوجه تحت العين. احيانا احسها تجففها. لكن مع هالباليت لاحظته بالرغم من انها تعطيك لون قوي لكن ما احسها ثقيله او تتكتل معك. بالعكس تتوزع معك بشكل سريع وسهل.
بشكل عام من شريتها تركت كل البرونزرز اللي عندي وصرت استخدمها♥♥ احب اني معها واثقه انها راح تجلس في مكانها طول السهره وماراح تختفي او تبقع على وجهك.
ملاحظتي الوحيدة، هو للبشرات الفاتحة مره ما احسها راح تناسبهم لان الوانها غامقه تعتبر.
وبس ، اذا فيه اي سؤال او استفسار تقدرون تتواصلون معي تحت
فمان الله
WHEN YOU KNOW ME YOU WILL LOVE ME
No comments:
Post a Comment