السلام عليكم ،
قبل فتره كان فيه ضجة على ماركة سليك خصوصا انها كانت غير متوفره عندنا. وهالشي خلاني اجرب منهم باليت البرونز و البلش.
وحبيت اقول لكم رايي بكل صراحة عنها. مع ان فيه كثير تحبها. لكن تدوينة اليوم هي تقرير مفصل عن نوعين من الباليت اللي اخذتها منهم.
معلومات :
الماركة: Sleek makeup
السعر: 65ريال - هالحدود-
مكان الشراء: صيدلية وايتس
الموقع: هنا
اخذتها من كم شهر اول ما نزلت في صيدلية وايتس، بالنسبة لي لقيت سعرها مناسب لثلاث انواع\الوان. عندي منها ٢ وحدة تحتوي على هايلاتر-برونزر مات - وبلشر .. والثاني تحتوي على درجات الاورنج من البلشر.
زيادة على كذا بالنسبه للسعر تحصلين على كمية كبيره من كل هالثلاثه. ولا ننسى المراية الكبيره حقتها اللي تساعدك انك تعدلين مكياجك.
اعترف اني من شريتها ما استخدمتها الا كذا مره ومغصوبه بعد. حاولت احبها بكل مافيني خخخخخخخخ ..
اول شي بتكلم عن الباليت اللي يحتوي على ثلاث انواع ( بلشر - برونزر - هايلاتر )
فكرة الباليت ممتازة ، انه في باليت واحد تسوين ثلاث اشياء لوجهك وخدك. وكون ان البرونزر مات هذا من المفترض انه يساعد في نحت الوجه. لكن انا انتقادي عليها ان البرونزر المات مافيه اي بقمنت. مايعطيك اللون الحقيقي الموجود في الباليت تتعبين وانتي تشيلين من هالفرشه وتحاولين تذلعين لو لون خفيف. وانا بالنسبة لي في الاستعمال اليومي ابي شي سريع سريع، ولا يتعبني في الدمج او ظهوره على بشرتي. كانك حاطة شي خفيييف ـ خطين على خفيف - واحس بالنسبة لنا ما نبي شي ما كانك حاطه :(.
لكن الهايلاتر حلو و ينفع للاستخدام اليومي، اللمعه اللي فيه تشوفينها في الباليت ترتاعين ، لكن لما تحطينه على عظمة الخد يعطيك اضاءة جميله وتنفع للاستعمال اليومي و الطلعات السريعه. لونه مايل على بنك لذلك ما احسه راح يناسب البشرات الغامقة.. يفضل انكم تستعملون هايلاتر مايل على ذهبي افضل او لون الشامبانيا مثل حق ذا بالم. لكن هذا بالنسبه لي اشوف لطيف وافضل من البرونزر وحتى البلشر.
البلشر، يعطيك لون حلو ويبان على الوجه. لكن ساعتين الا هو مختفي ووجهك قالب لمعه في جميع الاماكن. يعني يختفي اللون و ما يبقى الا اللمعه اللي هي اساسا في البلشر. لونه فوشي على مشمشي وكلون جدا حلو. لما احطه احاول انتبه اني ما احط يدي على خدي او المس وجهي لانه بدون شي يختفي.
الباليت الثاني هي درجاتها احمر على اورنج غامق . . بكل صراحة انا ادمج كل الثلاث الوان سوا ويطلع لي لون انا احبه.. لان بالنسبة لي اني استخدم درجة الاورنج لحال is too much. عشان كذا افضل ادمج الثلاث سوا. ويطلع لي لون انا احبه اذا كنت مشتهيه احط بلشر على مشمشي او اورنجي.. اللمعه اللي في الوسط جدا جميله فيها قلتر على عنابي كذا. بشكل عام افضل هذي على الباليت الاول. لان البقمنت حقها افضل واقوى ، ولا تتعبني في اني احطها على وجهي.
So
اذا انتي حابه تجربينها حطي بالك الاشياء اللي قلتها.. انا اشوف ان الدرق ستور - الصيدليه- عندها بلشرات و برونزرات افضل من سليك ، حتى انا اشوف ان ماركة الف افضل من ناحية البقمنت وذكرت تفاصيل عنها هنا.
لكن السعر مناسب من ناحية انك تحصلين على ثلاث انواع ودرجات ومراية وكمية المنتج نفسه تجلس معك فتره طووويله.
وبعد اذا انتي تحبين الميك اب الخفيف جدا no make up make up جربيها يمكن تعجبك ^^
وان شاءالله التدوينة فادتكم ♥
تقدرون تتواصلون معي تحت اذا عندكم اي سؤال او استفسار ^^
فمان الله
WHEN YOU KNOW ME YOU WILL LOVE ME
No comments:
Post a Comment