حلول للميك اب مع #بربليتا || make up remedies with #purpleita

السلام عليكم ، كيفكم ؟

ليتكم تشوفون وجهي وانا اكتب متحمسة خصوصا ان لي فترة اخطط لها الفكره. الفكره ماهي جديدة لكن جديدة في المدونة عندي. 

من اليوم ولمدة اسبوع كامل راح يكون فيه تدوينة جديدة. كل يوم راح انزل تدوينة جديدة لمدة اسبوع كامل. ونهاية الاسبوع راح يكون فيه هديه بسيطة لكم so stay tuned ^ــ^♥♥.. 

وكلها راح تكون ضمن هاشتاق #اسبوع_مع_بربليتا ، ف اذا عندكم اي اقتراح او تدوينة حابين انزلها حطوها في الهاشتاق على التويتر او الانستقرام. ♥

تدوينة اليوم تعتبر بداية خفيف لها الاسبوع. هي عبارة عن بعض الحلول اللي استخدمها في الميك اب♥♥. 

اول شي نبدا بالماسكارا. انا عندي هوس فيها وعندي منها كثير خصوصا اني احب اجرب واقارن بينها♥♥، لكن الحل اللي احب استخدمه بالماسكارا هو اني لما تخلص او تنشف وما يكون فيها جل جوا احب اخليها ولا ارميها. احيانا حتى افضل انواع الماسكارا يتكتل معي لما احطه خصوصا عيني اليسار ما ادري ليه دايم عين افضل من الثانيه. ف لما الاحظ تكتل في الرمش اخذ ماسكارا مخلصه عندي واكون مثلا حابه فرشتها مثل ماسكارا Make Up For Ever .

الطريقه :

اخذ ماسكرا منتهيه عندي واستخدم الفرشه حقتها لفرد و التخلص من اي تكتل ممكن يكون حصل على رموشي. دايما هذي الحركة اسويها على طول بعد ما احط الماسكارا الجديدة اللي انا استعملها وهي رطبها على طول استخدم بعدها فرشة الماسكرا المنتهيه♥. 

جربوها لان احيانا لازم يصير فيه تكتل اذا تحمستي في وضع الماسكرا♥. مع العلم انا دايم استخدم عكافة الرموش لكن احس هالحركة take my lashes to the next level *_^

الحل الثاني باستخدام high beam from Benift 

هو مو شرط هاي بيم ، انا جبته كمثال، لكن ممكن تستخدمين اي شي عندك قوامه كريمي ويلزق شوي. مثل حمرة خدود كريميه. لكن انا افضل هاي بيم. 

الطريقة :

احيانا ما يكون عندك برايمر للعين او شي يبرز ويمسك لك الشادو طول اليوم ويمنعه من التكتل. هالطريقه انا جربتها وحسيت النتايج قريبه مره للبرايمر العين. خذي نقط من هاي بيم و ادمجيه علي عينك راح يكون هو الاساس اللي تحطين عليه الشادو♥. ولانه شوي يلزق (stiky) راح يمسك لك الشادو ويمنعه من انه يتكتل معك طول السهره. ولان فيه لمعه راح يبرز لك الشادو بشكل افضل ♥ 

يعني وظيفته راح تكون مثل البرايمر للعين ^^

هالطريقة جربتها مره كنت نسيت برايمر اربن دكاي وكان معي هاي بيم ف جربته ولقيت النتايج اكثر من ممتازة.♥♥ 

اخر حل باستخدام بايوديرما او اي مزيل مكياج.

 هي ممكن تكون قديمة وتعرفونها لكن ما يضر اننا نعيد. 

احيانا لما نرسم الكحل خصوصا اذا كنتي تتدربين في رسم كحل العين ، في الزاوية ممكن ما يكون مرتب شوي وحابه انه يكون شكله انظف 

الطريقه:

خذي عود اذن وحطي فيه شوي من بايوديرما بعدين امسحي فيه رسمة الكحل او اي اخطاء ممكن تكونين سويتيها. بهالطريقه انتي تكوني رتبتي الكحل خصوصا ان الاسود شوي ممكن يخرب عليك الميك اب لو مسحتيه بيدك او بالفاونديشن. لكن باستخدام بايوديرما راح يعطيك منظر نظيف للكحلة وبدون ما يخرب عليك منظرك و تعبك في رسم العين ^^

وبس اتمنى بعض هذي الطرق تكون فادتكم ولو بشي بسيط♥♥

 ولو حابين ممكن انزل طرق اكثر لان انا بالنسبه لي الميك اب زي وقت اللعب. احب اجرب اشياء و استخدمها في غير مكانها ^^ ، ما احب التزم بشي معين خصوصا في الميك اب ♥ 

اذا عندكم اي سؤال او استفسار تقدرون تتواصلون معي تحت. 

فمان الله 

WHEN YOU KNOW ME YOU WILL LOVE ME