شنطتي العملية الصغيرة من مايكل كورس #بربليتا || crossbody small bag from Michael Kors

السلام عليكم 

حبيت اكتب تدوينة مختلفة شوي خصوصا اني نادر ما اتكلم عن الفاشن في البلوق، وحبيت اضيف تدوينات اكثر تخص هالموضوع. ف اذا عندكم اي اقتراحات بخصوص هالشي لا تتردون ♥ ♥

قبل فترة كنت ادور شنطة للاستعمال اليومي وتكون صغيره وخفيفة. ماكنت ابي احط فيها اشياء كثير يعني بوك الا شوي خخخخ. كان اهم شي عندي ان جوالي يدخل فيها. 

شنطة اليوم من مايكل كورس، الماركة ما عندي منها الا شنطتي السوداء النقطة هنا. واللي خلاني ارجع اشتري منهم هو ان الشنطة السوداء للحين شكلها كانها جديدة ♥♥ بالرغم اني دايم اخذها معي في السفرات او المشاوير السريعه. عشان كذا قلت بشتري من نفس الماركة لان جودتها وتحملها كان اكبر من توقعاتي ♥

تفاصيل:

الاسم: Jet Set Travel Saffiano Leather Smartphone Crossbody

السعر: SAR 637.29 

الموقع: هنا 

اللون: PASTEL PINK

حبيت اللون جدا جدا جدا♥♥♥ خصوصا اني ما كنت ابي الوان غامقة او تقليدية. يعني الاسود البني الرمادي. حبيت ان لونها لاهو اللي فوشي او بنك واضح تحسون لونها بنك فاااتح على هنت رمادي. وحبيت هالشي فيها كثير. والسعر بالنسبه لحجمها جدا مناسب. وحبيت على صغرها انها مقسمه من جوا. وزيادة على كذا فيها جيب خارجي. الجيوب اللي فيها تنفع للكاردز حقتك لان اكيد على صغرها ماراح تنفع تدخل فيها البوك حقك. حبيتها للمشاوير السريعه اللي رايحة تقضين اغراض البيت كوفي مع صديقاتك او جمعه. واللون ملفت جدا بالنسبة لي. حسيتها تنفع كاجوال وتنفع سهرات اذا حابه. يعني بشكل عام لقيت فيها كل اللي كنت ابيه. لاني وانا ابحث كنت حاطة في بالي مقاييس وسعر وانصحكم تسوون نفس الشي. بالنسبه لي كنت مابيها تتعدى الالف ولا كنت ابيها صغيره مره مثل السوداء وابي يدخل فيها جوالي و الاشياء الاساسية اللي راح احتاجها. وهالاشياء ساعدتني في بحثي ♥

الاشياء اللي تدخل فيها تقريبا :

ـ جوال - المفاتيح - روج اللي مستعمتله في نفس اليوم - مرايه صغيره - بطاقاتك - بودرة 

الشي الوحيد اللي ضايقني فيها هو ان العباية على طول طبعت عليها من ورا. يعني حدود الشنطة على طول توسخت من العباية. عشان كذا صرت ما استعملها بالكثره اللي انا كنت مخططة له. وهالشي يضايق. لان جلدها فيه شوي لمعه فما توقعت ان العباية بتطبع. بحدود ٥ لبسات مع العباية بدت حدودها تتوسخ ويتغير لونها. وهالشي خلاني احرص في تخزينها و لبسها ^^"

لكن غير كذا جدا جميلة وانيقه♥، واحس اللون + التصميم يسمح انك تستخدمينها regardless of your age. 

لان فيه بعض شنطهم تكون انسب لبنات المتوسط او الثانوي. هذي حسيتها شيك ♥

وقريب راح انزل تنسيقات تمشي مع الشنطة او بشكل عام اذا حابين هالشي. 

واذا فيه اي سؤال او استفسار تقدرون تتواصلون معي تحت ♥♥

فمان الله

WHEN YOU KNOW ME YOU WILL LOVE ME