السلام عليكم ، كيفكم اليوم ؟
نتابع سلسلة #weekWpurpleita ، اذا عندكم اي اقتراحات لا تتردون في انكم تشاركوني بها في الهاشتاق ^^ ♥ ♥
مثل ماهو واضح في الصورة اليوم راح يكون تقرير وتجربتي مع كونسيلر نارس ^^ ♥.
تفاصيل :
الاسم: radiant creamy concealer
السعر: 29$
مكان الشراء: sephora
الموقع : here
خالي من الكحول و البيربان ، العطور
تغطيه متوسطة الى عاليه
ضد التكتل في الخطوط الرفيعه.
تجربتي :
انا ماقد جربت كونسيلر او اي شي من نارس. لكن قبل فتره اخذت كذا شي منهم. وبعضها حبيتها وبعضها احسها ما تسوى الضجة.
لكن بالنسبة للكونسيلر مره حبيته. اول شي تغطيته عاليه جدا، يغطي لك الحبوب و اثارها و بعد الهالات السوداء ♥
تغطيته مبهره بالنسبه لي ، صحيح انا ما تطلع لي حبوب كثير في وجهي لكن اذا طلعت وحدة ف انا اعرف انها بتجلس فتره طويله اثارها موجودة. لذلك لقيته مثل السحر يغطيها بدون ما تحسين انها جافه او متقشره. لان الاحظ بعض خافي العيوب يسوي هالشي :( . لكن العكس هذا مره كريمي وتغطيته عاليه. قوامه احسه يرطب المنطقه ولا تحسينه يجففها. بالعكس تغطيته ممتازة وتدوم معك طول ما انتي حاطته. من كثر ما انا حبيته اخذت درجتين. درجة قريبه من لون بشرتي عشان استخدمه على اثار الحبوب في وجهي. ودرجة افتح مني بدرجة لاني احب استخدم درجة افتح من بشرتي او كريم الاساس بدرجة عشان تضوي وتفتح منطقة تحت العين ♥ ♥.
بعد لانه كمية قليله منه تكفي انها تغطي لك المنطقة و الاثار ، معناه انه راح يجلس معك فتره طويله بالزغم من ان الكمية اللي في العلبه ماهي كبيره بالنسبه لسعره. لكن انا بالنسبه لي اشوف اذا المنتج يسوي اللي هو يدعيه ف انا مستعدة اتغاضى عن السعر.
وبالنسبة لكونسيلر نارس ف انا انصح فيه خصوصا ان فيه جوانب ايجابيه كثير. ما تلقينها في كونسيلرز ثانيه ^^.
ملاحظاتي عليه:
الشي الوحيد اللي لاحظته عليه هو انه مو ضد التكتل في الخطوط الرفيعه. صحيح ما يتكتل مثل باقي الكونسيلرز. لكن الحل الانسب اللي لاحظته هو اني استخدم منه كمية قليييلة تحت العين و احط فوقه بودرة اضائة مات فوقه على طول عشان تمنعه من انه يتكتل. وهالشي لاحظت انه يخفف التكتل و يساعد انه ينور المنطقة و يخليه يدوم في مكانه فتره اطول بدون ما تحرك ^^ . بالنسبه للاضائة احب استخدم الالوان الفاتحة في باليت كات فون دي هنا. تنور لي المنطقة وتساعد على ان كونسيلر نارس يدوم فتره طويلة.
في النهايه اتمنى الموضوع افادكم ولو بشي بسيط ♥♥
تقدرون تتواصلون معي تحت يسعدني اسمع رايكم و اقتراحاتكم ^^
او عن طريق الهاشتاق ،
فمان الله ♥
WHEN YOU KNOW ME YOU WILL LOVE ME
No comments:
Post a Comment