رأيي وتجربتي لبي بي كريم من بنفت #بربليتا || Review on Benift BBcream #purpleita

السلام عليكم ، كيفكم ؟

تدوينة ثاني يوم هي ريفيو سريع للبيبي كريم من بنفت ، شريته على عيد الفطر وكتبت تدوينة عنه هنا. لكن ما كتبت رأيي فيه وخصوصا بعد ما جربته في منطقة حارة جدا وكنت اعرق وكذا “^^.. 

تفاصيل :

الاسم: the big easy liquid to powder

السعر: 190 

مكان الشراء: faces

الدرجة: 5

الموقع: here

تمنيت اني احبه بكل مافيني حاولت احبه لكن ماقدرت اتحمله على وجهي.. ا

ول ما تحطينه تحسينه ثقيل لكن بنفس الوقت بالنسبة لي ما عطاني تغطيه، وزيادة على كذا الدرجة صارت غامقه شوي على وجهي. لذلك كنت لازم ادمجة على رقبتي وانزله شوي عشان يندمج مع باقي جسمي.

هو حلو اول ما تحطينه يعطيك منظر مخملي وكان بشرتك صافيه. لكن بعد فتره تحسين طلعت زيوت في وجهك ما تطلع عادة “^^ ، لما كنت احطه لاحظت ان وجهي دهني بزيادة مع اني اول ما احطه احسه جاف بزيادة.

شي ثاني لاحظته عليه هو انه يتعلق بالجفاف اللي في وجهي خصوصا ان بشرتي مختلطة عندي التي زون دهنيه و باقي وجهي صحراء قاحلة. خصوصا خدودي ف لما استخدمه الاحظ انه يبرز كل الجفاف اللي في وجهي. كانه يكبر التقشرات اللي اساسا ماكانت بارزة او موجودة.

 بمعنى اخر احسه كان يتعلق فيها ويدخل في الخطوط الرفيعه ويبرزها زيادة. ماحبيته ابدا لاهو اللي عطاني منظر مخملي او تحكم في زيوت الوجه.

 الشي الوحيد اللي اشوفه ايجابي فيه بالنسبه لي هو واقي الشمس اللي فيه. غير كذا وبالنسبة لسعره ما اشوفه برايي الشخصي مناسب لبشرتي :\ .

. استخدمته وانا مسافره ولاقدرت اتحمل اني استخدمه ف شريت كريم اساس جديد. حتى كتغطيه ما احسه سوا شي مع ان اللون اغمق من بشرتي احس لازم احط طبقتين عشان احس انه سوا شي :(

بشكل عام احس فيه السوق افضل منه كبيبي وبسعر ارخص. 

هذا رأيي الشخصي و اللي شفته على بشرتي. 

الايجابيات :

واقي شمس 

تغطيه خفيفه للاستخدام اليومي 

السلبيات :

دهني على البشره بعد وقت 

يتعلق في الجفاف ويبرزه

يدخل في الخطوط الرفيعه ويبرزها

اتمنى صراحتي ما تمنعكم تشترونه خصوصا انه من كلام اللي تبيع هو مفضل عند كثير بنات. ف نصيحة جربيه على يدك فتره وشوفي كيف راح تكون نتيجة. بالنسبه لي جربته اسبوع بعدين تركته ماقدرت اتحمله على وجهي. لذلك ما انصح اللي بشراتهم مثلي حساسه+مختلطة وفيها جفاف اكثر من الدهون لانه اكثر شي ازعجني فيه انه ابرز الجفاف وطلعت بشرتي كانها صحراء ومليانه تقشرات. ماعطاها منظر او ملمس ناعم.

اذا فيه اي سؤال او استفسار تقدرون تتواصلون معي تحت 

اشوفكم بكره ان شاءالله بتدوينة جديدة و ااذا عندكم اي افكار لها الاسبوع تقدرون تشاركوني فيها على هاشتاق 

#weekWpurpleita 

فمان الله 

WHEN YOU KNOW ME YOU WILL LOVE ME