Bath&Body works Haul with #purpleita || مشترياتي من باث اند بودي وركز #بربليتا

السلام عليكم ، كيفكم ؟

رجعت للتدوين بعد فتره بسيطة بالانقطاع ، لاني كنت مسافره وبعد السفر حبيت اخذ فتره نقاهه. 

حبيت انزل اليوم تدوينه لاني امس (الخميس) ما قدرت، ولا بغيت اصبر للآحد ف قررت انزل اليوم وبعدين ارجع لجدولي اللي هو كل ( خميس و احد ) تدوينه جديدة.

المهم ، امس كنت في باث اند بودي ، وشفت انهم مسوين تخفيضات كبيره، لكن التخفيضات شكلها على وشك تنتهي لان الاشياء اللي مسوين عليها حصومات قاربت تخلص. لكن هذا ما منعني اني اشتري لو شوي خخخخخخخخ.

احب تخفيضات باث لان يوصل لنص السعر او اكثر. الشي اللي ما احبه هو ان الشموع الكبيره بسرعه تخلص :(

وانا استهلكها في بيتي. وهي اكثر شي احرص اني اشتريه في العروض او الخصومات. 

الشموع :

اخذت وحدة بأسم : Honolulu sun 

السعر: ٣٥ ريال 

هذي حبيتها كثير لان اولا ريحتها جوز هند وانا عندي ادمان لاي شي جوز هند. ريحته منعه ونظيفه وتحسين بالانتعاش لما تشمينها. وهالشمعه تحديدا تخيلتها في الحمام وانتوا بكرامه. احسها راح تنعش المكان وتعطيه ريحة بحر على جوزهند ونظافه بعد *ـ^. علبتها ماهي التقليدية هي العلب الجديدة اللي من فتره صاروا ينزلونها. احب هالعلب لان بعد ما انتهي منها وانظفها تعطي منظر حلو في المكان اللي هي فيه $ـــ$ !

الثانيه اسمها : Mango dragon fruit 

السعر: ٣٥ ريال.

مع ان اسمها مانجو لكن اول ما شميتها ما حسيت انها مانجا. فيه نسبة خفيفه منجا لكن الغالب فواكة مع شوي حموضه. حبيت ان ريحة المنجا ماهي قوية فيها، لاني ما احب ريحة الفواكة في الشموع تكون قويه. هذي حبيتها واحسها تناسب للصيف. 

اخذت مع الشموع شامبو جسم، احبها حقات باث اند بودي، لانها تنظف الجسم و علبها ماهي كبيره مره لدرجة انك تملين منها. 

يعني تنفع للي مثلي يملون من الروايح ويحبون التجديد. وبعد هي تنظف الجسم بشكل روعه وريحتها حلوة. 

اول واحد اخذته اسمه : Lemon pomegranate cream 

السعر : ١٥ ريال. 

اي شامبو في فصل الصيف يحتوي على الليمون او فيه نسبة حموضه في ريحته احبه كثير. 

حبيت الشامبو مره يكفي فيه ليمون و رمان ويحاوي على فيتمامين اي و زبدة الشيا. ريحته منعشه جددددددا ! 

ثاني واحد اسمه : Lush Pink

ثاني واحد ذكرني بشمعه من شموع باث اند بودي. لكن ما اذكر اي وحدة، حسيته بناتي كذا يناسب اكثر للبنات لان فيه حلاو 

احس كذا لما شميته انه ريحته فيها شوي حلى. حبيه وحسيت تغيير عن الاول. لان الاول فواكه على ليمون حامض، هذا عندي العكس حلآو على ريحة بناتيه $ـ$. 

واخر شي الليفه خخخخخخخخخ ، عقب ما حاسبت ولما جيت بطلع شفتها وحبيتها وحبيت لونها البنك :$ ، ف اخذتها ب ١٥ ريال. 

وبس اتمنى ما انقطع عنكم مره ثانية. 

واتمنى التدوينة افادتكم لو شي بسيط. 

فمان الله

WHEN YOU KNOW ME YOU WILL LOVE ME