The Perfect Cardholder from Fendi #Purpleita ♥ ♥

السلام عليكم ، كيفكم اليوم ♥؟

ادري لي يومين ما دونت لكن جدا انشغلت ولا حتى قدرت افتح اللاب هالفتره ذي كلها، ع العموم راح اكمل الـ ٧ تدوينات وبعدها نرجع لنظام كل اسبوع انزل تدوينتين “^^.. 

بين فتره وفتره احب اجيب شي لنفسي كهديه ♥♥.. وهالشي مب غريب علي اللي يعرف لمياء يعرف هالطبع فيني. طبعا هديتي لنفسي تختلف مره يكون شي فيه حقه ومره يكون شي لجسمي من يوم سبا كامل او حاجة انا ابيها من زمان. 

الفتره اللي راحت كنت ابحث عن كارد هولدر، مليت من البوك او محفظة الفلوس الكبيره، خصوصا اني انا ما احب يكون معي كاش اغلب شي استخدم الكاردز حقتي واحس انها مسوية لي زحمة على الفاضي “^^. 

لذلك قررت اني اشتري لي كارد هولدر♥، وكنت ابي شي كلاسيك يجلس معي فتره طويلة. ما ابي شي امل منه بسرعه او يخرب بسرعه ♥. البحث كان بين فندي وشانيل. وكلهم كانوا غاليات ، عشان كذا اخذت وقتي وشفت هل فعلا راح استخدمها او لا خخخخخ. 

بعد بحث طويل قررت اني اخذ من فندي، حبيتها من اول ما شفتها

 وانا كيف اعرف اني حبيت غرض شفته في المول ؟

لما اشوفه ولا اشتريه ف تشوفون اذا رجعت البيت اجلس لي كم يوم اقول ليتني اخذته وليتني رجعت له واصير افكر فيه♥♥ خخخخخخخ ، وهالشي صار مع حافظة البطاقات من فندي ^^ .. 

اللي حبيتها فيها انها مو بس فيها مكان للكاردز، حتى موجود فيها مكان تحطين فيه فلوسك لو حابه. والجلد تبعها مره قوي ومتين فما راح تخرب او تتعفط وهي مرمية في الشنطة. 

اخذت اللون الاسود لانه هو اللون الوحيد اللي مستحيل امل منه ويناسب كل شي. حبيت فيها اللمسات الذهبيه خصوصا ان اغلب مجوهراتي ذهبي ونادر ما البس فضه ^^”. حسيتها تمثلني ♥♥.

احب ان اسم الماركة ماهو مطبوع على الجلد. انه على قطعه ثانيه لان فكرت لو على الجلد ممكن يروح مع الوقت "^^. 

اللي يضحك في الموضوع اني طلبت انهم يغلفونها خخخخخخخخخخخ :$ ، زي العادة لما اروح لمحل حابه اشتري منه هديه لنفسي ♥، اطلب منهم يغلفونها ويحطون كرت :$$.. اعيش نفسي جو انها هديه، ممكن يشوف البعض ان هذا شي ماله داعي لكن انا دايم (وبتقولون مجنونه) لكن انا دايم اعتبر نفسي شخص منفصل، لذلك يحق لي اجيب لها هديه وادلعها واريحها اذا تعبت ، لان لنفسك عليك حق في كل شي ^^.

عشان كذا قررت اخذ الكارد هولدر ولانه شي انا ابيه وبكل المقاييس بالنسبه لي راح احتاجها واستخدمها. 

اذا تبحثين عن كارد هولدر كلاسيك من ضمن خياراتي كانت ( فندي - شانيل ) واذا حابه يكون فيها فكره كان عند MCM وحدة جدا غريبه على ذهبي مع اسود … 

اتمنى البوست هذا اعجبكم و لا تنسون اذا عندكم اي اقتراح تقدرون تتواصلون معي تحت او على هاشتاق 

#weekWpurpleita 

فمان الله 

WHEN YOU KNOW ME YOU WILL LOVE ME