مرحبا ، كيفكم اليوم ♥♥؟
تدوينة اليوم وحدة الهمتني اياها في التويتر، تكلمنا عن العنايه بالشعر وحبيت انزل تدوينة عن كيف اتحكم في شعري الكرلي ♥.
اول شي نوعية شعري :
خفيف - لكن نص كيرلي لا هو اللي كيرلي مثل مريام فارس ولاهو اللي طايح نص ونص خخخخخخخخ.
لكنه جاااف. يعني مع خفته وجفافه ف ينفش ويكون شكله اذا ما اعتنيت فيه كاني ما مشطته “^^.
لذلك حبيت انزل كيف انا اتحكم فس شعري خصوصا في الايام اللي احبه يكون كيرلي لكن بشكل مرتب لان هذا اهم شي ♥♥
اول شي هذي فعلا الاشياء اللي استخدمها وقت ما ابي شعري يكون شكله حلو وف نفس الوقت فيه نفشه حلوة وكثافه ولاهو لازق.
١- الشامبو من قارنيه Ultra Doux بزيت الارغان.
قد تكلمت عن هالشامبو وعن هالمجموعه من قارنيه هنا. هذي ثاني علبه اشتريها من نفس الشامبو♥. بصراحة احبه كثير♥. يرطب شعري يعني حتى بعد ما اغسل شعري منه ملمس شعري رطب و تحسونه شبعان من الرطوبه ولا ملمسه جاف. يعني هالشامبو اساسي في الايام اللي راح اخلي شعري كيرلي.
٢- بديل الزيت من بانتين “علاج ملكي للتلف”
البديل الزيت استخدمه وانا في الحمام لسه ما نشفت شعري وهو يقطر موية اخذ كمية كبيره شوي واحطه كله على اطراف شعري فقط. ياليت تنتبهون لان لو جاء على فروة الراس او قريب منها راح يكون منظر شعرك من فوق مزيت. فقط في الاطراف لان بالنسبه لي هي اكثر شي عندي جفاف وانتفاش. بعد كذا ما اغسله خلاص انشف شعري طبيعي.
٣- فرشة التانقل تيزر.
بعد ما اطلع من الشاور وانشف شعري “شوي” يعني ما اخليه ناشف مره يقطر شوي. وقتها امشط شعري من الاطراف وارقى شوي شوي بالتانقل تيزر. هذي طريقتي عشان ما يتقطع شعري او يتعقد.
٤- كبسولات الشعر من Ellips فيتامين.
هالكبسولات لي الحين شهرين استخدمها بعد كل شاور سواء راح استشور او لا♥. ف كلا الحالتين اساسيه. اولا خفيفه على الشعر ولا تزيته وانا تركيزي هو فقط على الاطراف و الباقي اللي في يدي امسحه على باقي الشعر. تعطي نعومة ولمعه للشعر يعني منظر صحي متاكمل للشعر. وفوق هذا كله ريحته حلوة كذا عطريه. جدا جميلة وحابتها كثير. وما ادري اذا واضح لكن شوي واخلصها. تلقونها في البقالات الاندونسية وفيه منها انواع كثير.
وبس بعد ما احط الزيت اللي ف الكبسلات انفش شعري شوي واخليه ينشف بشكل طبيعي بدون استشوار او غيره.
ليه ما اهويه بالاستشوار؟
انا شعري خفيف على طول لو اهويه راح يسيح يعني ماراح يمسك شكل الكيرل العكس تماما بيطلع سايح وبشكل غير مرتب. بعكس لما اخليه ينشف بشكل طبيعي. واصير العب فيه الفه يمين يسار عشان يكون فيه كثافه في كل الجهات.
وفي الحالات هذي احب اليوم الثاني من شعري الكيرلي ما ادري ليه. يكون ارتب وفيه لمعه اكثر.
وبس اتمنى طريقتي فادتكم صديقاتي اصحاب الشعر الكريلي الخفيف المنفوش خخخخخخخخخ.
واذا فيه اي سؤال او استفسار تقدرون تتواصلون معي تحت
فمان الله ♥
WHEN YOU KNOW ME YOU WILL LOVE ME
No comments:
Post a Comment